DANIEL 8:9 - Enhlit Bible

⁹ Invitalhquic alhta moc apquipetic ayitcoc, actiyapma apquipetic apvajac (malha alayjem). Invoncaclhec alhta apquipetic ayitcoc, aclhicmosa nipiyam, najan actiyapmaclha acnim najan payjoc Yoclhilhma Actamila, apquileyvomaclha Dios apquilyacyescama.

DANIEL 8:9 Iomraidhean Croise

SALMOS 105:24

Aplhameclhec nic nat apnaymacoc. Apquilyimnatem nic nat, am elhno co Egipto.

SALMOS 48:2

Sas anco. Actamila ayitsicsic inquilhe acvisay Sión. Payjoc maa nilhqueyja (nelha lhopactic). Actomja acpayesayclha apquilvalhoc enlhitaoc as nalhpop. Tingma pac Visqui ingac apyimtalhnamo.

JEREMÍAS 3:19

Aptomjac alhta mocjam Visqui ingac: Quellhip israelitas, altamjoc alhta inyicje colhic ayaco quellhip, elhnam sat quellhip lhama yoclhilhma actamila anco, am colhno moc yoclhilhma as nalhpop. Jeltimjic sat jelanic: Tata coo — sat eltimjic. Mejelyinyovejec sat mataa quellhip.

EZEQUIEL 20:15

Aclhenquic alhta mepqui sicyeycajascaoc payjoc yoclhilhma actamopeycaoc, mellhovamquejec sat israelitas yoclhilhma silyacyescama coo, acyitnamaclha leche najan apquimjaclha yovjan, actomja actamila anco, am colhno moc yoclhilhma.

EZEQUIEL 20:6

Inlhenquic evalhoc oyinyovsic sat yoclhilhma Egipto, onaliclhac sat enlhit silyacyescama moc yoclhilhma sictingyasquiscama siclho. Acvisay yoclhilhma acyitnamaclha leche najan apquimjaclha yovjan, actamila anco as yoclhilhma, am colhno moc yoclhilhma as nalhpop.

DANIEL 11:16

Ellanac sat cotnaja ingmoc apquiltemaclha acmasom nipyesicsa co nipiyam, colapvanquejec elinmelham maa. Enatovacsic sat yoclhilhma lhalhma anco acvisay Hermosura, ningiltimem apponquinquiscama Dios.

DANIEL 11:21

Poc sat etnejic apya'monquiscama apvisqui rey, enlhit aptanovmap, comopvan etnejic apvisqui. Eyimtalhnesacpoc apanco ayinyema apyinimquiscama.

DANIEL 7:8

Alanoc alhta inquipetaoc asoc navjac aclom. Acvitac alhta actepa moc inquipetic ayitcoc. Inquilaptalhquic alhta tres inquipetaoc, yoyam cotyapoc inquipetic ayitcoc. Innamquic alhta ataoc inquipetic ayitcoc, malha enlhit apataoc. Avanquic alhta colyatam nimpayvam, avanjec alhta acpayvam simpilapquiscama.

ZACARÍAS 7:14

Ayilhpancasquic siclhoc nat nipyesicsa enlhitaoc lhalhma anco metnaja apquiltemolhama. Intomjaclhec nat yoclhilhma actamopeycaoc apquileyvomaclha siclho. Actamila anco siclho yoclhilhma, apquiltimesquisa actamopeycaoc - nat aptomjac Visqui ingac.