DANIEL 8:3 - Enhlit Bible

³ Alyajam alhta coo, sicvita lhama nipquesic apquinavo apyanca nicja vatsam. Anit apquipetaoc alvinatem alhta innamcoc. Ajolhec alhta lhama apquipetic actiyapma alhayi, am colhno moc.

DANIEL 8:3 Iomraidhean Croise

1 CRÓNICAS 21:16

Apvitac nic nat apvisqui David ángel Dios apcasinancama apna tacjalhit as nalhpop yamnitno. Apmaycam sovo acvinatem, acmongvoyam navá tingma Jerusalén. Apquiljalhec nic nat David najan mayayo apquilvanyam, apma apava acmayovsa apquilvalhoc, acticlhicvocmo nalhpop payjaclha napataa.

ESDRAS 1:2

Eycaso sicpayvam sicvisay Ciro, sictomja apvisqui yoclhilhma Persia: — Aclhoc'ac coo aclhamoclhojo yoclhilhma lhalhma anco ayinyema Dios apna netin. Aptomjac apcanem yoyam ollanac tingma apponquinomap natingma Jerusalén nipyesicsa enlhitaoc Judá.

ESDRAS 4:5

Apquilpamejitsacpec nic nat apquilinmelhaycam nipyesicsa apquilviscaa, colhic acmesa acyanmongam, elinmelham sat apquilpasmeyquiclha. Eycaso apquiltemaclha apancaoc ayenmo aptimem apvisqui Ciro de Persia acvaycmo aptimem apvisqui Dario de Persia.

ESTER 1:3

Invocmec nic nat tres años aptimem apvisqui Asuero. Apquillanac nic nat fiesta acvanyam. Apquilanyacpec nic nat mayayo apquilviscaa najan apquiltamjaycamó lhama apvisqui najan singilpilhtetemo apquilviscaa perso najan medo (co Persia y Media) najan apquilviscaa provincias yoclhilhma.

ISAÍAS 13:17

Aptomjac mocjam Visqui ingac: Ongvapajacsic sat elimpocjac enlhit medos, mepqui mataa apquiltingyey oro najan plata.

ISAÍAS 21:2

Pilapcasquic alhta acvitay sicvanmoncama ayinyema Dios, asoc acmasom: enlhit apquilyinimquiscama, enlhit apnatovascama. ¡Quellhip co Elam, enalhaticjaoc! ¡Quellhip co Media, elimpocja! ¡Comascoc sat apquiliclhangveycam ayinyema apquilay co Babilonia! — alhta intomjac acvitay.

ISAÍAS 44:28

Eycaso sicpayvam Dios, siyanya apvisqui Ciro: Selancam aptomjac lhip. Eviscomoc sat lhip sicpayvam siclhanma coo. Etnejic sat lhip ingyanic enlhitaoc tingma Jerusalén: —Ellaniclha sat mocjam tingma. Ellana sat mocjam tingma apponquinomap — sat itne ingyanic — alhta aptomjac Dios.

JEREMÍAS 51:11

Visqui ingac ayinyema aclhanma apquilvalhoc apquilviscaa co Media, elimpocjac nipyesicsa co Babilonia, elsavojoc sat apquilnapma. Eycaso actomja acyanmongayclha apquiltemaclha co Babilonia, apnatovascama siclhoc alhta tingma apponquinomap Jerusalén. Apquiltomjac apquilviscaa: ¡Elpenacsojo apquilmaycam yanca apancaoc! ¡Elpenacsojo apquilmaycam apquilajapsomap!

DANIEL 10:5

Pilapcasquic alhta sicvita apma apava apmopoy aptalhnama. Apyapmam alhta oro allanomalhca.

DANIEL 2:39

Niptamin lhip visqui apyimtalhnamo, elhic sat poc apvisqui yamapyimtalhnamo. Niptamin poc apvisqui yamapyimtalhnamo elhic sat tercer apvisqui, apyitsomacpo quilaycmasquiscama tava apac bronce. Etnejic sat apyimtalhnamo apanco as nalhpop.

DANIEL 5:31

Aptimesacpec nic nat apvisqui apjalhnancoc Darío de Media. Vocmec nic nat sesenta años aptiyascam Darío.

DANIEL 6:28

Aptomjaclhec nic nat mocjam yatapvisqui apyimtalhnamo Daniel, naysicsa apcanamaclha apvisqui Darío. Najan naysicsa apcanamaclha ilhnic nat Ciro, apvisqui co Persia.

DANIEL 7:5

Najan moc asoc navjac acvita alhta sicvanmoncama, acyitsomalhca oso navjac acjalhem ayinmam. Natqui alhquipcoc alhta actaclhama oso, actomja ayanyomalhca: —¡Coyipcanmojo acyamonquilhma! — alhta intomjac.

DANIEL 8:2

Acnec alhta coo tingma apvanyam Susa, yoclhilhma Elam, nicja vatsam Ulai.

DANIEL 8:20

Nipquesic apquipetaoc apquilyitsomacpo apquilviscaa co Media najan co Persia.

ZACARÍAS 1:18

Invitac alhta sicvanmoncama cuatro vayqui inquipetaoc.

ZACARÍAS 2:1

Invitac alhta sicvanmoncama moc asoc. Apvaac lhama enlhit apmaycam apmic cinta ningilyipsatem.

ZACARÍAS 5:1

Invitac alhta mocjam sicvanmoncama. Acvitac alhta vaycajac alpilhyameycaoc malha ayimpay netin.

ZACARÍAS 5:5

Aptomjac alhta seyanya coo ángel siyinmaycamó lhama alhta: Quip ilanojo, cotalhcac sat asoc — alhta aptomjac.

ZACARÍAS 5:9

Alanoc alhta mocjam. Acvitac alhta anit quilvanaa acma alhimpancoc, malha siyana alhimpancoc. Inquilmec alhta alhancoc acyivey colsovc nitno naysicsa alimpay.

ZACARÍAS 6:1

Invitac alhta mocjam sicvanmoncama. Inquilvitalhquic alhta cuatro carros actemaclha apquilimpocjay, payjoc anit inquilhe alvinatem, malha bronce.

NÚMEROS 24:2

Apvitac nic nat Balaam apnaycam apquilmolhama Israel. Pilapcasquic nic nat aptalhna apvalhoc espíritu apanco Dios.

JOSUÉ 5:13

Ningatoc nic nat tingma Jericó apquicjingvamlha enlhitaoc najan Josué. Apquilyajavoc nic nat Josué. Apvitac nic nat enlhit apmaycam sovo acvinatem. Apyocmec nic nat Josué. Aptomjac nic nat apcanya: —¿Ingmoc ya lhquip, inlhojo eyca cotnaja ingmoc? — nic nat aptomjac.

EL APOCALIPSIS 13:11

Acvitac alhta mocjam moc asoc navjac aclom ayinyema netin lhopactic. Anit alhta inquipitaoc, malha nipquesic apquitcoc. Innoc alhta acpayvam sinavocpo.

EL APOCALIPSIS 5:6

Natamin acvitac alhta Nipquesic Apquitcoc malha apmatnam. Apyancac alhta acpayjo acyitnaclha Visqui aptajanem. Apyancac alhta naysicsa alyancaclha cuatro asoc najan apnamcaclha apquilimja apmamyi. Siete alhta apquipitaoc Nipquesic Apquitcoc najan siete apataoc. Eycaso alyitsomalhca siete espíritus apquilinyema Dios, apquiltomja apquilapajasomap lhalhma anco as nalhpop.