DANIEL 7:9 - Enhlit Bible

⁹ Invitac alhta sicvanmoncama: Inquilpiquenalhquic apvisqui apquiltajanem. Apnactac alhta netin apvisqui aptajanem lhama Apyimtalhnamo Mayayo. Apmopoy apanco apava aptalhnama, am colhno asoc acmopoy. Acmopoy anco apva, malha nipquesic apva macyimyescama. Malha talha alayvom actomja visqui aptajanem, najan amancoc aptajanem malha talha (ayavaoc aptajanem).,

DANIEL 7:9 Iomraidhean Croise

1 REYES 22:19

Aptomjac nic nat mocjam profeta Micaías: —Invitac alhta sicvanmoncama, ingyeylhojo sat lhip amyaa ayinyema Dios. Apnec alhta Dios netin apvisqui aptajanem. Apcanam alhta apnaclha apyovoclhojo apquilasinancama, lhama nicja najan moc nicja.

2 CRÓNICAS 18:18

Aptomjac nic nat mocjam profeta Micaías: —Invitac alhta sicvanmoncama, ingyeylhojo sat lhip, ayinyema Dios Visqui ingac. Apnec alhta Dios Visqui ingac netin apvisqui aptajanem. Apcanam alhta apnaclha apyovoclhojo apquilasinancama, lhama nicja najan moc nicja.

SALMOS 45:8

Asoc masis acticjanma lhip apquilantalhnama (mirra, áloe, conela). Inlingalhquic apquilpayvascama música congne tingma apquiltamila.

SALMOS 90:2

Apnec nic nat mataa lhip Visqui ingac cotmongvoycamlha nelha. Apnec nic nat lhip cotyapmaclha mocjam inquilhe najan cotyapmaclha as nalhpop najan aclhamoclhojo asoc lhalhma anco.

SALMOS 93:2

Lhip Visqui ingac, mepqui acyovjeycam mataa lhip aptajanem. Apnec nic nat mataa lhip cotmongvoycamlha nelha.

ISAÍAS 6:1

Invocmec alhta nalhit acnim apquitsepmaclha apvisqui Uzías. Invitac alhta sicvanmoncama Visqui ingac apmaclha netin aptajanem nitno. Actamila alhta aptajanem. Apvinatem alhta aptalhnama. Inquilpayjingvocmec alhta nipvayc aptalhnama congne tingma apponquinomap.

ISAÍAS 9:6

Aptiyacmec lhama sicaa apquinavo aptomja Dios singmescama. Eyquima aptomja apyimtalhnamo apanco. Apvisay Apmopvan Simpilapquiscama. Moc apvisay Singyascasingviyam. Moc apvisay Dios Apyimtalhnamo. Moc apvisay Dios Netin. Moc apvisay Apquilvinsayclho olhma.

JEREMÍAS 49:38

Ongvapajacsic sat, yoyam eticyoc apvisqui co Elam najan apquilviscaa mayayo. Olanac sat sictajanem, otnejic sat Visqui coo.

EZEQUIEL 1:26

Acvitac alhta tacjalhit acpaclhanma malha apvisqui aptajanem allanomalhca zafiro. Malha enlhit alhta apna netin apvisqui aptajanem.

DANIEL 7:13

Invitac alhta sicvanmoncama alhtaa as asoc. Pilapcasquic alhta sicvita. Naysicsa yipjopay apvayventama lhama apyitsomacpo enlhit apquitca. Apyocmec alhta apnaclha Apyimtalhnamo netin apvisqui aptajanem. Innec alhta acyantama apnaclha maa.

DANIEL 7:22

Pilapcasquic alhta apvitacpo Apyimtalhnamo (Mayayo), aptomjac apyicpilquemo Dios apquilyacyescama. Invocmec alhta acnim, yoyam ellhovamcoc apcanamaclha Dios apquilyacyescama.

MIQUEAS 5:2

Tingma Belén yoclhilhma Efrata, apquitcoc as tingma nipyesicsa apquilmolhama Judá. Ingyinyemac sat maa apvisqui apancaoc Israel. Apvisay aptavin niptamin apquilyeyjamcaa nanoc nat.

HABACUC 1:12

Aptomjac nic nat profeta: Lhip Dios Apyimtalhnamo. Apnec mataa lhip apvisay memasquingvoyam, mayayo nac lhip. Aptomja semasma coo. Lhip alhta apcapajascama caldeos, yoyam elyanmongsiclha nintemaclha inganco.

SAN MATEO 17:2

Yejemoc alhta aplhinganimcasacpojo Jesús napatavo apquillhalhmaa. Incapongmatquic alhta napaat, malha acnim alhta intomjac. Apquilyinmaclhec alhta apquilantalhnama, malha ayitsayolhma intomjac.

SAN MATEO 28:3

Apvitacpec alhta ángel malha apquilyinmayam. Apmopoy apanco alhta aptalhnama, am colhno moc asoc acmopoy.

SAN MARCOS 9:3

Apquilyinmaclhec alhta aptalhnama, apquilmopeclhec anco. Am copvanac apmopisayclha inyap actema nac lha.

LOS HECHOS 2:30

David aptomjac nic nat profeta Dios aplingascama. Apyasamcoc nic nat aplhanmaclha Dios Ingyapam. Nasoc anco sat etnesquisic appayvam. Apquiltamjoc nic nat etnescasiclha apvisqui, yoyam elhic aptavin niptamin David. Yoyam eyanmongsic sat aptavin niptamin apvisay Cristo.

LOS HECHOS 2:33

Apyasacpec alhta netin. Apnesacpec alhta apyimnatamaclha Dios Ingyapam. Apmesquic Apyap Espíritu Santo aplhanma alhta yoyam emquesic. Eyca as asoc apquilvitay najan apquillingay quellhip alvaa ayinyema Espíritu Santo.

FILIPENSES 3:9

Altamjoc mataa oyipitcojoc Cristo. Am coyitnac sictemaclha sicpeyvomo ayinyema enlhitaoc. Etnescasquic sicpeyvomo Dios Ingyapam ayinyema moyasquiyam apvisay Cristo.

1 TIMOTEO 6:16

Aptomja apvamlha pac lhama mengyitsepma. Aptomja apma naysicsa ayitsayolhma, mongvanquejec ontiyaningvomjo. Am nic nat etamacpoc Dios. Paj lhama enlhit apcopvanco etac. Apmopvan innac Dios najan mayayo cotmongvoycamlha nelha. Amén.

1 SAN JUAN 1:5

Ninlingasquic nincoo nipyesicsa quellhip actemaclha singillhicmoscama Jesucristo ninlingay nat nincoo. Eycaso amyaa nac jay: Dios aptomja ayitsayolhma. Am coyitnac apvalhoc yatescamalhma.

EL APOCALIPSIS 1:14

Acmopoy anco alhta apcatic, malha japo ava. Acmopoy anco malha mataymong anic. Malha talha alayvom alhta intomjac apataoc.

EL APOCALIPSIS 19:18

Yoyam coltovamcoc apquilviscaa apjapitic najan singilpilhtetemo apquilviscaa apjapitic najan apquilyimtalhnamo apjapitic najan nolhing apjapitic najan nolhing apcapaoc apjapitic najan poc enlhitaoc apjapitic najan apquilancam apquilmomap apjapitic najan apquitcaoc apjapitic najan apquilvanyam apjapitic —alhta aptomjac ángel.

EL APOCALIPSIS 20:4

Natamin acvitac alhta aclhamoclhojo Visqui apquiltajanem. Apnam alhta apquilyimtalhnamo netin apquiltajanem yoyam eltimjic apquilyicpilquemo. Acvitac alhta najan apquiljangaoc apticyovam alhta nano, ayinyema apquillingascama alhta nano apvisay Jesús najan apquillingascama Dios appayvam. Am alhta elpayasoc nano asoc navjac aclom najan quilaycmasquiscama anco. Am alhta colcajasalhca payjaclha napaat inlhoyqui laa apmic. Inquilyimnavocmec alhta mocjam apnenyaoc apticyovam nano. Apquilviscaa alhta apquiltomjac apquillhalhmaa Cristo acvocmo mil años.

EL APOCALIPSIS 4:2

Pilapcasquic alhta apvaa Espíritu Santo tecjelhit selhicmosa asoc. Acvitac alhta acyitna netin Visqui aptajanem. Acvitac alhta lhama apma netin Visqui aptajanem.