DANIEL 7:7 - Enhlit Bible

⁷ Cuatro alhta intomjac acvitay sicvanmoncama, acyitsomalhca asoc navjac aclom acyimnatem anco. Alyivey alhta amaoc tava apac. Avanquic coticlhic, cotoc acyovoclhojo, coltamoc sat actom ayayam. Pilapcasquic alhta sicvita, am colhno moc asoc navjac sicvitay siclho. Innamquic alhta apcatic diez inquipetaoc.

DANIEL 7:7 Iomraidhean Croise

2 SAMUEL 22:43

Acminlhinquic alhta apquilvonquepa. Malha lhopactic acvoncapayclha. Actacmec alhta siclhinga. Malha yelpa sictoyam siclhinga amay.

JOB 41:14

¿Soc enlhit apmopvan elcoc apatong, apvita cotlaycaoc apmaoc acmajamtic?

DANIEL 2:19

Invitac nic nat apvanmoncama alhtaa Daniel actemaclha amyaa acyilhamalhca. Aptomjac nic nat apcayo Dios.

DANIEL 7:13

Invitac alhta sicvanmoncama alhtaa as asoc. Pilapcasquic alhta sicvita. Naysicsa yipjopay apvayventama lhama apyitsomacpo enlhit apquitca. Apyocmec alhta apnaclha Apyimtalhnamo netin apvisqui aptajanem. Innec alhta acyantama apnaclha maa.

DANIEL 7:2

—Invitac alhta sicvanmoncama piyam apvanyam najan alhcajayam acvanyam, ayinyajasquiscama yingmin acvanyam.

DANIEL 8:10

Inticlhicvocmec alhta nitno apquipetic alhnancoc, acvaycmo apquileyvomaclha enlhit netin. Intovasquic alhta apyová, yoyam epalamoc as nalhpop. Inquiltacmec alhta, eltipilcacpoc apyová.

DANIEL 8:22

Inquintec alhta lhama apquipetic. Inquilantipquic alhta cuatro apquipetaoc, apquilyitsomacpo cuatro apquilviscaa, lhama mataa apya'monquiscama poc. Asilhtec mataa apquilmopvan apquilviscaa, am elhno apvisqui apmamyi — alhta aptomjac.

ZACARÍAS 2:1

Invitac alhta sicvanmoncama moc asoc. Apvaac lhama enlhit apmaycam apmic cinta ningilyipsatem.

EL APOCALIPSIS 12:3

Natamin acvitac alhta mocjam asoc monquinatquiscama: Sinavocpo, malha nimisma acyiviy, acyilhvasem alhta. Siete alhta apcatcoc, najan diez inquipitaoc, najan insovjeycamco alhta alpocanma alyinmom apcatcoc.

EL APOCALIPSIS 13:1

Ayiningvoclhec alhta niyava yingmin acvanyam. Yejemoc alhta sicvita lhama asoc navjac aclom actepa nayingmin. Siete alhta apcatcoc najan diez alhta inquipitaoc. Yitnec alhta acpocanma alyinmom moclhama inquipitaoc. Yitnec alhta moclhama apcatcoc actalhesomalhca acmasom actomja ayinmelhaycam Dios.

EL APOCALIPSIS 17:12

‘Apvitac lhac lhip diez inquipitaoc. Eycaso acyitsomalhca diez apquilviscaa. Am eltomjac mocjam apquilviscaa quilhvo nac jay. Ellhovac sat apquilmopvan eltimjic apquilviscaa acyavataclhojo, malha lhama hora. Elpasmiclhac sat ancoc navjac aclom actomja avisqui.

EL APOCALIPSIS 17:7

Natamin aptomjac lhama ángel seyanya coo: —¿Soctomja acpilapsa nac lhip? Pac oyascasingvomoc lhip asoc acyilhomalhca actemaclha as quilvana najan actemaclha anamtem asoc navjac aclom acyitna siete apcatcoc najan diez inquipitaoc.

EL APOCALIPSIS 17:8

Actiyasam siclhoc alhta as asoc navjac aclom apvita lhac lhip, inmasquingvocmec alhta. Cotyapoc sat mocjam congne malhic. Natamin cotvasalhcac sat cotmongvoycamlha nelha. Cotlapsic sat enlhitaoc apnaycam as nalhpop apquiltomja mepqui acnatalhesomalhca apquilvisay vaycajac acvisay acyimnatem ingnenyic, actomja allanomalhca amamyi apquilantipquiscama Dios aclhamoclhojo asoc. Cotlapsic sat elvita asoc navjac aclom, actomja alhta actiyascam siclhoc alhta, actomja alhta acmasquingvoyam najan actomja actiyascam quilhvo nac jay —alhta aptomjac ángel.