DANIEL 7:6 - Enhlit Bible

⁶ Natqui alhta intomjac acvitay sicvanmoncama, apyitsomacpo niptana, cuatro alhta aplhimpancoc apcapoc. Cuatro alhta apcatcoc as niptana. Aplhocac alhta acyivey apmopvan.

DANIEL 7:6 Iomraidhean Croise

EZEQUIEL 17:3

Eycaso sicyitquiscama sicvisay Visqui apancaoc: Apmiyaclhec alhta mama apyivey inquilhe Líbano. Alyivey anco aplhimpancoc. Altamila anco apva mama apyivey. Appatjetquic alhta navá yamit cedro.

DANIEL 10:20

Aptomjac alhta seyanya: ¿Apyasamco ya lhquip sictiyaningvoy lhip? Otajojoc sat mocjam apnaclha ángel apyimtalhnamo co Persia, yoyam ongilnapalhca. Natamin evac sat poc ángel co Grecia.

DANIEL 2:39

Niptamin lhip visqui apyimtalhnamo, elhic sat poc apvisqui yamapyimtalhnamo. Niptamin poc apvisqui yamapyimtalhnamo elhic sat tercer apvisqui, apyitsomacpo quilaycmasquiscama tava apac bronce. Etnejic sat apyimtalhnamo apanco as nalhpop.

DANIEL 7:4

Lhama asoc navjac acyitsomalhca yamacmeyva acma alhimpancoc payjoc acpoc, malha mama apyivey aplhimpancoc. Pilapcasquic alhta silano. Acvitac alhta alyaptalhco alhimpancoc. Inquinimsalhquic alhta netin, malha enlhit apquinmam alhta intomjac. Intomjaclhec alhta acyascamco avalhoc, malha enlhit apvalhoc.

DANIEL 7:5

Najan moc asoc navjac acvita alhta sicvanmoncama, acyitsomalhca oso navjac acjalhem ayinmam. Natqui alhquipcoc alhta actaclhama oso, actomja ayanyomalhca: —¡Coyipcanmojo acyamonquilhma! — alhta intomjac.

OSEAS 13:7

Olhojoc sat coo asoc navjac aclom, malha yamacmeyva, malha niptana apquiljalhanma nalhma nicja amay, sat otnejic.

EL APOCALIPSIS 13:2

Malha niptana alhta asoc navjac aclom sicvita. Malha oso tomayovjan alhta amancoc. Malha yamacmeyva alhta atong. Inlhocac alhta acmovan najan actemaclha acyimtalhnamo najan actajanem, yoyam colhic malha avisqui. Eycaso ayinyema alhta acmescama sinavocpo.