DANIEL 7:22 - Enhlit Bible

²² Pilapcasquic alhta apvitacpo Apyimtalhnamo (Mayayo), aptomjac apyicpilquemo Dios apquilyacyescama. Invocmec alhta acnim, yoyam ellhovamcoc apcanamaclha Dios apquilyacyescama.

DANIEL 7:22 Iomraidhean Croise

SALMOS 149:5

Colpayjiclha apquilvalhoc quellhip apquilpeyvomo, ayinyema malayo quellhip. Elitsovacsojo sat quellhip apquilminaycmascama alhtaa.

ISAÍAS 63:4

Inlhenquic evalhoc olvomsic tap enlhit ajancaoc, onatovacsic sat cotnaja ingmoc.

DANIEL 7:18

Alhayi sat ellhovamcoc apcanamaclha Dios apquilyacyescama, cotningvomejec sat nelha.

DANIEL 7:23

Aptomjac alhta seyanya coo: Cuarto asoc navjac aclom colhojoc sat cuarto apvisqui apcanamaclha as nalhpop. Am colhno moc asoc navjac aclom. Coticlhic sat, cotoc sat, coltamoc sat acyovoclhojo aleyvam as nalhpop.

SAN MATEO 19:28

Apcatingmavoc alhta Jesús: —Actomjac coo silanya quellhip: Naso, comoc sat acnim, yoyam coltamongvomoc sat alhnancaoc asoc. Coo sicvisay Sictiyam Sictomja Enlhit olhic sat netin sictajanem naysicsa gloria siyapongmatem ajanco. Quellhip apquiltomja selyiploycam mataa, elhnam sat najan netin doce apquiltajanem, yoyam elyicpilcojo enlhitaoc Israel.

2 TESALONICENSES 2:8

Natamin etacpoc sat mongyascalhma inyap nipyesicsa enlhitaoc. Ematong sat mongyascalhma inyap apvactamo sat Visqui ingac Jesús. Apvatipnapma sat cajic naysicsa ayitsayolhma apanco apvoyctamlha sat.

EL APOCALIPSIS 1:6

Ingiltimescasquic apquilviscaa Cristo najan soycam amyaa, malha yoyam ongiltimjic ningilancam napato Dios aptomja Apyap Cristo. Colhic sat mataa ayaco Dios najan apmopvan cotmongvoycamlha nelha. Amén.

EL APOCALIPSIS 20:4

Natamin acvitac alhta aclhamoclhojo Visqui apquiltajanem. Apnam alhta apquilyimtalhnamo netin apquiltajanem yoyam eltimjic apquilyicpilquemo. Acvitac alhta najan apquiljangaoc apticyovam alhta nano, ayinyema apquillingascama alhta nano apvisay Jesús najan apquillingascama Dios appayvam. Am alhta elpayasoc nano asoc navjac aclom najan quilaycmasquiscama anco. Am alhta colcajasalhca payjaclha napaat inlhoyqui laa apmic. Inquilyimnavocmec alhta mocjam apnenyaoc apticyovam nano. Apquilviscaa alhta apquiltomjac apquillhalhmaa Cristo acvocmo mil años.

EL APOCALIPSIS 3:21

Apquilinlhanacmec sat ancoc enlhit apyiplovquiscama, olhnesic sat sicnaclha. Jelhojoc sat lhama sicmaclha netin sictajanem actomja Visqui aptajanem. Acno alhta coo lha silinlhanyacmo naysicsa sicyiplovquiscama. Acnacmec alhta lhama coo Tata apmaclha netin aptajanem actomja Visqui aptajanem.

EL APOCALIPSIS 5:10

Apquiltimescasquic lhip as enlhitaoc yoyam eltimjic apquilviscaa najan apquilancam napato Dios. Eltimjic sat apquilviscaa nipyesicsa enlhitaoc lhalhma anco —alhta intomjac apquilminaycmascama.