DANIEL 7:21 - Enhlit Bible

²¹ Acvitac alhta inquipetic alnapomalhca nipyesicsa Dios apquilyacyescama. Acyimnatem anco alhta inquipetic.

DANIEL 7:21 Iomraidhean Croise

DANIEL 11:31

Enatovacsic sat singilpilhtetemo tingma apponquinomap, najan apquilyilhanmomaclha, elvatesquisic apquilvatnamaclha asoc macmescama Dios, ellanac sat quilaycmasquiscama acyitsomalhca dios.

DANIEL 12:7

Apmiyaseclhec alhta netin apmeoc enlhit apma apava apmopoy. Aptomjac alhta aplhanma apvisay Dios memasquingvoyam, apcatingmavo: Acvaycmo tres años y medio. Comascoc siclho apquillingaycamco acyimtalhnama Dios apquilyacyescama, cotningvomoc sat nelha acnim — alhta aptomjac.,

DANIEL 7:20

Altamjoc alhta oyasamcojo mocjam actemaclha diez inquipetaoc, najan inquipetic ayitcoc, acnamco ataoc najan atong, yoyam colyatam nimpayvam simpilapquiscama. Actomjayclho acyivey anco inquipetic, am alhta colhno moc inquipetaoc. Inquilaptalhquic alhta tres inquipetaoc, yoyam colhniclha ayitcoc.

DANIEL 8:12

Apquilnaclhec alhta singilpilhetemo payjoc siclhoc alhta apquilvatnamaclha asoc macmescama Dios. Innec alhta actovasa Dios appayvam actomja nasoc anco. Inyiplovcasquic mataa acmayjayoclha cotvacsic asoc. Inyangvocmec alhta actimem acyimtalhnamo.

DANIEL 8:24

Etnejic sat apyimtalhnamo, jave ayinyema apmopvan apanco. Enatovacsic sat lhalhma anco, acno aclhanma apvalhoc yoyam etvacsic. Elnapoc sat poc apquilyimtalhnamo, elnapoc sat najan aplhamoclhojo Dios apquilyacyescama.

DANIEL 8:9

Invitalhquic alhta moc apquipetic ayitcoc, actiyapma apquipetic apvajac (malha alayjem). Invoncaclhec alhta apquipetic ayitcoc, aclhicmosa nipiyam, najan actiyapmaclha acnim najan payjoc Yoclhilhma Actamila, apquileyvomaclha Dios apquilyacyescama.

EL APOCALIPSIS 17:14

Elnapacpoc sat Nipquesic Apquitcoc. Am colhoyc sat apyimpeoc, apyimnatem apanco Nipquesic Apquitcoc. Ayinyemaclha aptomja Apvisqui tacjaplhit aplhamoclhojo apquilviscaa. Aptomja apyimtalhnamo tacjaplhit aplhamoclhojo apquilyimtalhnamo. Apquillhalhmaa apquiltomja Dios apquilyacyescama najan apquiltomja apquilanyomap ayinyema Dios najan apquiltomja melvatseycaoc melyasquiyam —alhta aptomjac ángel.

EL APOCALIPSIS 17:6

Acyicpilcoc alhta as quilvana actomja anmin ato ayinyema acyam ema apancaoc Dios apmolhama najan acyam ema apancaoc apquiltomja apquillingascama apvisay Jesús. Pilapcasquic alhta sicvita as quilvana.

EL APOCALIPSIS 19:19

Acvitac alhta asoc navjac aclom najan apcaneyquiclha aplhamoclhojo apquilviscaa as nalhpop najan singilpilhtetemo. Apquililtamjoc yoyam elnapacpoc aptomja nolhing apcapaoc najan aplhamoclhojo apquillhalhmaa nolhing apcapaoc.