DANIEL 7:13 - Enhlit Bible

¹³ Invitac alhta sicvanmoncama alhtaa as asoc. Pilapcasquic alhta sicvita. Naysicsa yipjopay apvayventama lhama apyitsomacpo enlhit apquitca. Apyocmec alhta apnaclha Apyimtalhnamo netin apvisqui aptajanem. Innec alhta acyantama apnaclha maa.

DANIEL 7:13 Iomraidhean Croise

SALMOS 110:2

Elhcac sat lhip memong yayem vajic acyiplomo apmopvan ayinyema Visqui ingac tingma Sión. Itne sat apvisqui nipyesicsa cotnaja ingmoc.

SALMOS 2:8

Jelmalhna siclho asoc, olmesiclhac sat lhip aplhamoclhojo enlhitaoc. Etniclhac sat lhip apancaoc aplhamoclhojo as nalhpop.

SALMOS 47:5

Aptajavoc mocjam netin Dios Visqui ingac, elhniclha aptajanem apanco. Aptajemo naysicsa ningilpayvascama trompeta najan ningiltsovascama.

JEREMÍAS 49:19

Ongvilhyemoc sat malha yamacmeyva actiyapma acmampanac vatsam Jordán payjoc apquileyvomaclha edomitas, elinyajamcoc sat apyovoclhojo. Otnesquisic sat enlhit silyacyescama coo, etnejic sat apvisqui. ¿Apne ya enlhit apmopvan? ¿Soc enlhit, yoyam jeyinmelham coo?

EZEQUIEL 1:26

Acvitac alhta tacjalhit acpaclhanma malha apvisqui aptajanem allanomalhca zafiro. Malha enlhit alhta apna netin apvisqui aptajanem.

DANIEL 2:44

Eltimjic sat apquilviscaa nalhit acnim. Etnesquisic sat Dios apna netin lhama apvisqui apcanamaclha cotmongvoycamlha nelha apyimnatem apanco am elhno poc apvisqui. Mepqui poc apvisqui, yoyam etvacsic as apvisqui najan apcanamaclha.

DANIEL 7:12

Asilhtec almovancaa anaymacoc asoc navjac aclom, acvaycmo acnim yoyam coticyo.

DANIEL 7:2

—Invitac alhta sicvanmoncama piyam apvanyam najan alhcajayam acvanyam, ayinyajasquiscama yingmin acvanyam.

DANIEL 7:22

Pilapcasquic alhta apvitacpo Apyimtalhnamo (Mayayo), aptomjac apyicpilquemo Dios apquilyacyescama. Invocmec alhta acnim, yoyam ellhovamcoc apcanamaclha Dios apquilyacyescama.

DANIEL 7:9

Invitac alhta sicvanmoncama: Inquilpiquenalhquic apvisqui apquiltajanem. Apnactac alhta netin apvisqui aptajanem lhama Apyimtalhnamo Mayayo. Apmopoy apanco apava aptalhnama, am colhno asoc acmopoy. Acmopoy anco apva, malha nipquesic apva macyimyescama. Malha talha alayvom actomja visqui aptajanem, najan amancoc aptajanem malha talha (ayavaoc aptajanem).,

DANIEL 8:15

Coo sicvisay Daniel. Inquitamquic alhta evalhoc oyasamcojo acvitay sicvanmoncama. Pilapcasquic alhta sicvita enlhit apcanvaa sicnaclha coo.

SAN MATEO 13:41

Elapajacsic sat ángeles apquilasinancama apvisay Aptiyam Aptomja Enlhit. Elansiclhojoc sat aplhamoclhojo enlhit apquilsilhnanoncama najan enlhit melyascalhma (apquilmapsomcaa).

SAN MATEO 24:30

Cotalhcac sat asoc monquinatquiscama netin, sicvactamo sat sicvisay Sictiyam Sictomja Enlhit. Elyipcalhic sat aplhamoclhojo enlhitaoc as nalhpop. Otalhcac sat sicvisay Sictiyam Sictomja Enlhit sicvactamo sat naysicsa yipjopay. Coyiplovjoc sat sicmovan najan gloria siyapongmatem ajanco.

SAN MATEO 25:31

‘Aptomjac alhta mocjam Jesús: Ovotac sat coo mocjam sicvisay Sictiyam Sictomja Enlhit naysicsa gloria siyapongmatem ajanco. Sellhalhmaa sat ángeles silasinancama. Olhic sat netin Visqui aptajanem.

SAN MATEO 26:64

Apcatingmavoc alhta Jesús: —Eje, coo nac, aplhena nac lha. Actomjac coo silanya quellhip: Jelvitangvomoc sat quellhip sicvisay Sictiyam Sictomja Enlhit sicna apnaclha Dios Ingyapam apyimnatem. Jelvitac sat najan ongvilhyemoc naysicsa yipjopay —alhta aptomjac.

SAN MATEO 28:18

Yejemoc alhta apyoctamo Jesús apquiltamsoycaoc. Aptomjac alhta Jesús apquilanya: —Emcasquic coo Dios Ingyapam sicmovan aclhamoclhojo asoc netin najan nalhpop.

SAN MATEO 8:20

Apcatingmavoc alhta Jesús: —Alhanaoc innac maling. Alhanaoc innac nata. Am coyitnac sictiyanmaclha sicvisay Sictiyam Sictomja Enlhit —alhta aptomjac.

SAN MARCOS 13:26

Natamin etacpoc sat apvisay Aptiyam Aptomja Enlhit, apvactamo sat naysicsa yipjopay. Coyiplovjoc sat apmopvan najan gloria apcapongmatem apanco.

SAN LUCAS 21:27

Natamin otalhcac sat sicvisay Sictiyam Sictomja Enlhit, sicvactamo sat naysicsa yipjopay. Coyiplovjoc sat sicmovan najan gloria siyapongmatem ajanco.

SAN LUCAS 21:36

“Eltamilsacpojo apanco quellhip. Elilmalhna sat mataa. Apvancaac sat, yoyam elinquitacpoc. Am cotvacsejec sat quellhip asoc, yoyam colva. Apvancaac sat elanam payjo apvisay Aptiyam Aptomja Enlhit —alhta aptomjac.

SAN LUCAS 24:27

Yejemoc alhta apquilhicmosa actemaclha ilhnic nat appayvam Moisés najan aclhamoclhojo profetas appayvam Dios apquillingascama. Apcajasoc alhta Jesús aplhena actemaclha aclhanma vaycajac aplhenamap.

SAN JUAN 12:34

Apquilatingmavoc alhta enlhitaoc: —Ninlingac nincoo actemaclha aclhanma singanamaclha Dios, yoyam cotmongvomeje nelha apma Cristo. ¿Soctomja apcanya nac lhip colhic sat acyaseclho netin apvisay Aptiyam Aptomja Enlhit? ¿Soc enlhit apvisay Aptiyam Aptomja Enlhit? —alhta apquiltomjac.

SAN JUAN 3:13

‘Aptomjac alhta mocjam: Paj mocjam lhama enlhit apvaycmo netin. Apvamlha pac apvaycmo maa aptomja apvayveyquinta as nalhpop. Apmaclha maa netin apvisay Aptiyam Aptomja Enlhit.

SAN JUAN 5:27

Emcasquic sicmovan otnejic silyicpilquemo enlhitaoc, ayinyemaclha coo sicvisay Sictiyam Sictomja Enlhit.

LOS HECHOS 7:56

Aptomjac alhta apquilanya Esteban: —Quip elanojo. Acvitac coo acmayjeyquiclha netin. Acvitac najan Jesús apvisay Aptiyam Aptomja Enlhit. Apquinmamcaa napocja acyimnatamaclha Dios Ingyapam —alhta aptomjac.

1 TESALONICENSES 4:17

Natamin nincoo lha ningiltomja ingjalhnancaoc. Jingnalaclhojoc sat lhama apnalhaticjangviyam apquilmamyi naysicsa yipjopay. Ongiltajanyac sat Visqui ingac netin yipjopay. Ongnam sat lhama Visqui ingac cotmongvoycamlha nelha.

1 TIMOTEO 6:16

Aptomja apvamlha pac lhama mengyitsepma. Aptomja apma naysicsa ayitsayolhma, mongvanquejec ontiyaningvomjo. Am nic nat etamacpoc Dios. Paj lhama enlhit apcopvanco etac. Apmopvan innac Dios najan mayayo cotmongvoycamlha nelha. Amén.

HEBREOS 2:14

Apquiltomjacpec apquilvisay Dios apquitquic, ayinyemaclha apquilyovoclhojo innac enlhitaoc. Acno najan aptomjayclho apyovoclhojo Jesús, aptomjayclho enlhit apanco. Apmatnec sat ancoc Jesús, etvacsic sat acmovan yavey diablo actomja ningitsepma avisqui ac.

HEBREOS 9:24

Aptalhningvoclhec alhta Jesús tingma apponquinomap cotnaja enlhit apquillanay. Ayinyemaclha tingma apponquinomap as nalhpop aptomja malha quilaycmasquiscama ayinyema “apponquinomap apanco” netin. Aptalhningvoclhec alhta netin Cristo yoyam etnejic singilmalhnesquiscama napato Dios.

EL APOCALIPSIS 1:13

Acvitac alhta naysicsa alapongmateycaoc apnoc alhta enlhit apvisay Aptiyam Aptomja Enlhit. Acvayclha apmancoc alhta aptalhnama apvinatem. Oro asoc alyinmom alhta cinto aptetem apnenyic.

EL APOCALIPSIS 1:7

Quip elanojo. Evotac sat Cristo naysicsa yipjopay. Elvitac sat aplhamoclhojo enlhitaoc apquilhyam. Elvitac sat najan enlhitaoc apquiltomja alhta apquilajem Cristo. Elyipcalhic sat aplhamoclhojo enlhitaoc lhalhma anco apquilvita sat apquilhyam. Nasoc sat cotnejic.

EL APOCALIPSIS 14:14

Acvitac alhta lhama yipjopay acmopoy anco. Lhama enlhit alhta apma netin yipjopay, malha alhta enlhit apquitca. Oro asoc alyinmom alhta appocanma. Sovo acvinatem acjalhem alhta apmaycam acmajamtic.