DANIEL 7:10 - Enhlit Bible

¹⁰ Intipquic maa talha, malha yingmin ayinyem intomjac. Apquiltimesam enlhitaoc maa appintalhnama, mongmovan ongilyipsitic. Appintalhnama apquilinmamcaa napato maa, mongmovan ongilyipsitic. Apquilnaclhec maa apquilyicpilquemo, apquilmayesayclho vaycajac.,

DANIEL 7:10 Iomraidhean Croise

1 REYES 22:19

Aptomjac nic nat mocjam profeta Micaías: —Invitac alhta sicvanmoncama, ingyeylhojo sat lhip amyaa ayinyema Dios. Apnec alhta Dios netin apvisqui aptajanem. Apcanam alhta apnaclha apyovoclhojo apquilasinancama, lhama nicja najan moc nicja.

2 CRÓNICAS 18:18

Aptomjac nic nat mocjam profeta Micaías: —Invitac alhta sicvanmoncama, ingyeylhojo sat lhip, ayinyema Dios Visqui ingac. Apnec alhta Dios Visqui ingac netin apvisqui aptajanem. Apcanam alhta apnaclha apyovoclhojo apquilasinancama, lhama nicja najan moc nicja.

JOB 25:3

Appintalhnama apquilasinancama Dios, mongmovan ongilyipsitic, avanjec ayitsay olhma maa.

SALMOS 103:21

Quellhip apquilasinancama appintalhnama. Eltime sat apquilayo apquiltomja apquilyiplovquiscama apmayjayoclha.

SALMOS 18:8

Intipquic alhta etin apvajic. Intipquic alhta talha apatong najan atilh.

SALMOS 50:3

Evotac sat Visqui ingac acyiplomo appayvam. Aclhingam amamyi intomjac talha acvanyam. Yatipiyam apvanyam nipyava Visqui ingac.

SALMOS 68:17

Malha millones carros apancaoc Dios, mongmovan ongilyipsitic. Aptiyapma alhta inquilhe Sinaí apmiyantamo tingma apponquinomap.

ISAÍAS 30:27

¡Quip elanojo quellhip! Apquilhyacmec Visqui ingac mocjay. Avanjec aplom pac, malha talha intomjac. Acyitsomalhca apatong najan apalhcoc talha singajem.

ISAÍAS 30:33

Visqui ingac apquillanay nanoc alhta apvatnamaclha acvanyam, elmetic sat co Asiria najan apvisqui apancaoc. Malhic acyivey najan congno as apvatnamaclha, aclaneyo alhpongja. Colhic sat alvatna talha ayinyema apvatipnapma Visqui ingac, cotnejic sat malha azufre acpayesayclha talha — nic nat aptomjac profeta.

DANIEL 12:1

Aptomjac alhta mocjam ángel: Etacpoc sat ángel apyimtalhnamo apvisay Miguel, aptomja apmasma lhip apnaymacoc israelitas. Cotnejic sat apquillingaycamco acyimtalhnama enlhitaoc. Am nic nat cotamalhcac actema nac jay nipyesicsa enlhitaoc. Covac sat acnim, elvomsacpoc sat tap apyovoclhojo lhip apnaymacoc, acyitna inlhojo acnatalhesamalhca apquilvisay vaycajac apanco Dios.

DANIEL 7:22

Pilapcasquic alhta apvitacpo Apyimtalhnamo (Mayayo), aptomjac apyicpilquemo Dios apquilyacyescama. Invocmec alhta acnim, yoyam ellhovamcoc apcanamaclha Dios apquilyacyescama.

DANIEL 7:26

Ingyaniclhac sat apquilyicpilquemo apquilpamejitsomap, elvatesquisic sat aptimem apvisqui, cotvasalhcac sat apcanamaclha.

ZACARÍAS 14:5

Elinyajamcoc sat quellhip, acno apquinyajaycoc nic nat apquilyeyjamcaa quellhip. Ayinyema ilhnic nat acyovjeycam lhopactic (nalhpop) naysicsa aptimem apvisqui Uzías yoclhilhma Judá. Evotac sat Visqui ingac, apquillhalhmaa sat appintalhnama enlhit netin.

SAN MATEO 25:31

‘Aptomjac alhta mocjam Jesús: Ovotac sat coo mocjam sicvisay Sictiyam Sictomja Enlhit naysicsa gloria siyapongmatem ajanco. Sellhalhmaa sat ángeles silasinancama. Olhic sat netin Visqui aptajanem.

DEUTERONOMIO 33:2

altamila ilhnic nat appayvam: Apquinyemac inquilhe Sinaí Dios Apyimtalhnamo. Apquilsasquiscama olhma ayinyema Seir (Edom), ayinyema inquilhe alvinatem Parán. Apquinyemac Meriba-cades. Apmic actamilaclha ayinyema talha, ayinyema singanamaclha.

HEBREOS 1:14

Aplhamoclhojo ángeles apquiltomja Dios apquilancam mongvitay nincoo. Apquiltomja apquilapajasomap yoyam elpasmoc enlhitaoc, yoyam elvomsacpoc tap.

HEBREOS 12:22

Apquiltatescacmec quellhip inquilhe acvisay Sión najan tingma apyiviy apmaclha Dios apquilmilaneycaoc najan tingma Jerusalén apyitna netin. Apquilvoclhec quellhip apcaneyquiclha appintalhnama ángeles, malha muchos miles,

SAN JUDAS 1:14

Apnec nic nat Enoc. Siete ilhnic nat apvocmoc aptovana niptamin Adán. Aplhenquic nic nat Enoc Dios appayvam actemaclha apquillhenamap as enlhitaoc: “Quip elaylhojo. Apquilhyacme Visqui ingac najan apquillhalhmaa apquilmolhama, aplhamocma miles y miles.

EL APOCALIPSIS 11:18

Apquillovquic enlhitaoc lhalhma anco. Quilhvoc invaac acnim yoyam eyanmongsiclhac lhip apquiltemaclha enlhitaoc. Eyicpilcojoc sat lhip apquiltemaclha apquilmasquingvaycmo alhta. Elmesic sat lhip acyanmongam apquiltomja apquilancam, apquiltomja apquillingascama lhip apvisay najan apquiltomja lhip apquilyacyescama. Najan apquiltomja apquilayo lhip apvisay, apquiltomja apquitcaoc najan apquilvanyam. Enatovacsic sat lhip enlhitaoc apquiltomja apnatovascama alhta as nalhpop —alhta apquiltomjac apquilimja apmamyi.

EL APOCALIPSIS 5:11

Acvitac alhta mocjam. Aclingac coo apquilpayvam aplhamoclhojo ángeles. Apquilvocjingvoclhoc alhta niyava Visqui aptajanem najan asoc alyanca maa najan apnamcaclha apquilimja apmamyi. Appintalhnama alhta ángeles, mongvanquejec alhta ongilyipsitic.