DANIEL 7:1 - Enhlit Bible

¹ Apnec nic nat apvisqui rey Belsasar yoclhilhma Babilonia. Invocmec nic nat lhama año aptimem apvisqui. Invitac nic nat apvanmoncama alhtaa Daniel. Aplhaticjac nic nat mocjam Daniel. Aptalhosquic nic nat amyaa acvitay apvanmoncama siclho. Aptalhosquic nic nat amyaa nac jay:

DANIEL 7:1 Iomraidhean Croise

GÉNESIS 15:1

Natamin nic nat aptomja apcanyacpo Abram. Inlingac nic nat apvanmoncama Abram actemaclha appayvam Dios Apyimtalhnamo: —Nojeya nasa Abram. Coo nac sicmasma lhip. Acyivey sat cotnejic acyanmongam yoyam elhcac lhip— nic nat aptomjac.

GÉNESIS 46:2

Invitac nic nat apvanmoncama alhtaa apquilyap (Israel). Aptomjac nic nat Dios apcanya: —Jacob, Jacob— nic nat aptomjac. Apcatingmavoc nic nat Jacob: —Acnec coo aso— nic nat aptomjac.

JOB 4:13

Alhtaa intomjac sevanmesa amyaa, am alhta otenac mocjam.

ISAÍAS 30:8

Aptomjac alhta Visqui ingac seyanya: Italhos sat lhip lhama asoc payjem sicpayvam siclhanma napatavo enlhitaoc. Comasquejec sat mataa actalhesamalhca cotmongvoycamlha nelha.

ISAÍAS 8:1

Aptomjac alhta seyanya Visqui ingac: Ilic sat asoc payjem acyivey, italhos sat lhip amyaa acyavatem: Apquilnatamomap asoc najan apquiltovasomap.

JEREMÍAS 23:28

Incaymalhquic profeta acvitay apvanmoncama elhenic napatavo enlhit, cotnaja amyaa ayinyema Dios. Yitnec sat ancoc amyaa ayinyema coo, incaymalhquic profeta elngacsic actomja nasoc anco. Noelquinatquis nasa acvisay actic ningimposcay, najan moc acvisay ayimpeoc. Coo sicpayvam acyitsomalhca talha, najan acyitsomalhca martillo nimpalhcatma mataymong acyivey. Eycaso sicpayvam sicvisay Visqui apancaoc — alhta aptomjac.

JEREMÍAS 27:7

Eltimesam sat apyovoclhojo enlhitaoc, malha apquilmomap apnaclha apvisqui, najan apquitca aptomjayclho inlhojo apvisqui, najan aptavin, aptomjayclho inlhojo apvisqui. Acvaycmo acnim, yoyam elmacpoc co Babilonia najan apvisqui apancaoc, eltimesam sat apnaclha poc apvisqui apyimtalhnamo.

JEREMÍAS 36:32

Apmec nic nat moc vaycajac Jeremías, yoyam etalhocsic Baruc secretario, acyovoclhojo appayvam Jeremías. Acno ilhnic nat actalhesamalhca vaycajac apquilvatnama talha apvisqui Joacim. Apyipitcasquic nic nat mocjam appayvam Jeremías, mactalhescama as vaycajac.

JEREMÍAS 36:4

Apcanyacpec nic nat Baruc, Nerías apquitca, etalhocsic vaycajac acyovoclhojo appayvam ayinyema Dios Apyimtalhnamo, apquiltimnascama profeta Jeremías.

EZEQUIEL 1:1

Coo sicvisay sacerdote Ezequiel, Buzi apquitca. Acnec alhta nicja vatsam Quebar, payjoc Babilonia. Acnec alhta nipyesicsa enaymacoc apquilmomap. Inyaptalhquic alhta netin, acvita sicvanmoncama Dios apna netin. Invocmec alhta cinco acnim, cuatro piltin najan treinta años. Moc acvisay cinco años aptomja apmomap apvisqui Joaquín., Apquilyacyesquic alhta Dios, aptimesquisa Ezequiel etnejic aplingascama.

DANIEL 1:17

Cuatro ilhnic nat apquilyimnanic. Inyangvocmec nic nat apquilyascamco ayinyema Dios. Inmec nic nat apquilvalhoc actemaclha singyascasingvoyam aclhamoclhojo vaycajac. Apyascamco ilhnic nat innac Daniel actemaclha acvitay ningvanmoncama najan moc singvanmescama.

DANIEL 2:1

Invocmec nic nat dos años aptimem apvisqui rey Nabucodonosor. Invitac nic nat moclhama asoc apvanmoncama. Avanjec nic nat alquitameycam apvalhoc, acyiplomo mepqui aptiyanma.

DANIEL 2:26

Aptomjac nic nat apvisqui rey apcanya Daniel, moc apvisay Beltsasar: —¿Apvanqui ya lhquip eyasamcojo acvitay alhta sicvanmoncama, najan maa actemaclha amyaa, yavamlha sat cotnejic? — nic nat aptomjac apvisqui.

DANIEL 4:13

Pilapcasquic alhta acvita sicvanmoncama ángel enlhit apquinyema netin.

DANIEL 4:5

Invitac alhta sicvanmoncama alhtaa. Intiyacmec alhta evalhoc acyiplomo siyay coo, ayinyema acvitay sicvanmoncama.

DANIEL 5:1

Apnec nic nat poc apvisqui yoclhilhma Babilonia (apya'monquiscama apyap) apvisay nic nat Belsasar. Apcapajasquic nic nat elansiclha mil apnaymacoc apquilyimtalhnamo, eltasomoc apvisqui tingma pac, malha fiesta. Avanjec nic nat apyinaycaoc anmin uva ayingmenic.

DANIEL 5:22

Lhip visqui Belsasar, apya'monquiscama apyap ninga, apyasamcoc lhip apquiltemaclha apancaoc alhta. Lhip aptomja apyimtalhnesomacpo apanco.

DANIEL 5:30

Alhtaa ilhnic nat apmatnac apvisqui Belsasar nipyesicsa caldeos.

DANIEL 7:13

Invitac alhta sicvanmoncama alhtaa as asoc. Pilapcasquic alhta sicvita. Naysicsa yipjopay apvayventama lhama apyitsomacpo enlhit apquitca. Apyocmec alhta apnaclha Apyimtalhnamo netin apvisqui aptajanem. Innec alhta acyantama apnaclha maa.

DANIEL 7:15

Intiyacmec alhta evalhoc sicvisay Daniel. Intamjam alhta evalhoc ayinma acvitay sicvanmoncama.

DANIEL 7:7

Cuatro alhta intomjac acvitay sicvanmoncama, acyitsomalhca asoc navjac aclom acyimnatem anco. Alyivey alhta amaoc tava apac. Avanquic coticlhic, cotoc acyovoclhojo, coltamoc sat actom ayayam. Pilapcasquic alhta sicvita, am colhno moc asoc navjac sicvitay siclho. Innamquic alhta apcatic diez inquipetaoc.

DANIEL 8:1

Invocmec alhta tercer año aptimem apvisqui rey Belsasar. Coo sicvisay Daniel. Invitac alhta mocjam sicvanmoncama moc asoc.

JOEL 2:28

Aptomjac alhta Dios Apyimtalhnamo: Ongvapajacsic sat nalhit acnim espíritu ajanco elhic sat apquilvalhoc apyovoclhojo enlhitaoc. Ellingacsic sat sicvisay quellhip apquitquic apquilinava najan quilvanaa. Colvitac sat apquilvanmoncama apquilvanyam najan quilyimnanic.

AMÓS 3:7

Aptomjaclha Dios Apyimtalhnamo, aplingascama siclho profeta, yoyam covac sat.

HABACUC 2:2

Apcatingmavoc alhta Dios Apyimtalhnamo: Italhos sat lhip asoc acvitay apvanmoncama, yavamlha olhicmocsic. Olyipsatalhcac sat amyaa actalhesamalhca yelpa acpayjem, malha yamit nicja.

NÚMEROS 12:6

Aptomjac nic nat Dios apcanya: Quip elaylhojo sicpayvam: Apnam mataa nipyesicsa quellhip profetas apquillingascama sicvisay. Inquilvitac mataa apquilvanmoncama, allinga mataa apquilvanmoncama coo sicpayvam.

ROMANOS 15:4

Intomjac nic nat aclhanma Dios appayvam actalhesomalhca yoyam ongilyasingvomoc nincoo. Yoyam najan coytic aljalhneycam ingvalhoc, ayinyema actemaclha ningilinlhanyacmo najan ayinyema aptamilquisquiyam ingvalhoc, actemaclha aclhanma actalhesomalhca.

2 CORINTIOS 12:1

Alhto inyicje actemaclha siyajamalhco ajanco. Movanquejec lhac mepqui siclhanma. Altamjoc oltimnacsic quellhip actemaclha sicvitayo ningaat najan asoc acyilhomalhca, actemaclha selhicmoscama Visqui ingac.

EL APOCALIPSIS 10:4

Natamin apquilhtingyovayam alhta siltamjo otalhocsic aclhamoclhojo asoc. Pilapcasquic alhta siclinga lhama appayvam ayinyema netin. Intomjac alhta seyanya: —Notalhos nasa. Iyilhacpojo sat actemaclha alpayvam siete quilhtingyovayam —alhta intomjac appayvam.