DANIEL 6:4 - Enhlit Bible

⁴ Apquililtamjoc nic nat elsilhnana Daniel poc supervisores najan yatapquilviscaa. Apquilanama ilhnic nat apsilhnanomap apanco Daniel naysicsa aptamjaycam administración. Enlhit appeyvomo ilhnic nat Daniel, am nic nat elvitac lhama apsilhnanomap apanco. Am nic nat colapvancaac elanic yoyam emacpoc Daniel.

DANIEL 6:4 Iomraidhean Croise

GÉNESIS 41:38

Aptomjac nic nat faraón apquilanya yatapquilviscaa: —Paj elhnac lhama enlhit ningyesicsa apna apvalhoc espíritu apanco Dios Apyimtalhnamo— nic nat aptomjac.

GÉNESIS 43:18

Intamjam nic nat apquilvalhoc apquilvita apquilyantamaclho José tingma pac. Apquilpamejitsacpec nic nat: —Ongilmalhcac sat. Solyayem inquinyemac ningvitay alhta avalhoc yamquintimajac. Jingilpatjetic sat, ningiltimesaycam sat jingiltimjic. Jingilyiplovcasojoc sat ninatoscama yamelyeyjaycoc— nic nat apquiltomjac.

PROVERBIOS 29:27

Apquiltanovacpec mataa apquilmapsomcaa napatavo enlhit apquilpeyvomo. Apquiltanovacpec mataa enlhit apquilpeyvomo napatavo apquilmapsomcaa.

ECLESIASTÉS 4:4

Acvitac alhta mocjam: Ningvascapma ningiltamjaycam najan acma ningilnatam, actomja ayinyemayaclha singilyasipquiscama ingnaymacoc. Alhto inyicje as nintemaclha, acyitsomalhca ningilpatjetma alhcajayam.

JEREMÍAS 18:18

Apquiltomjac alhta enlhitaoc apquilpamejitsacpo: Noc, ongilinmelham sat profeta Jeremías. Apnam mataa sacerdotes, yoyam jingilyascasingvomoc. Apnam apquilyascamco nintemaclha, apnam poc profetas apquillingascama Dios appayvam. Ongiltimesquisic apmapsom Jeremías, yoyam ematong. Comejec mataa ingvalhoc appayvam aplhanma alhta profeta — alhta apquiltomjac apquilpamejitsacpo.

JEREMÍAS 18:23

Dios Apyimtalhnamo. Lhip apyasamcoc alquitamsama apquilvalhoc as enlhitaoc, yoyam jelajic. ¡Nongyasicjiclhojo nasa as enlhitaoc! ¡Noncolvonquim nasa apquilsilhnanomap apanco! Iyanmongsiclha sat lhip apquiltemaclha apancaoc, ayinyema lhip aplom pac — nic nat intomjac apquilmalhnancama profeta.

JEREMÍAS 20:10

Yitnec apquilpamejitsomap napocja, seltema sicvisay: Ningilay lhalhma anco — apquiltomjac. Apquiltomjac poc: Noc, ongiltimnacsic maa yoyam emacpoc — apquiltomjac. Apquiljalhnec enaymacoc, yoyam osilhnanalhcac ajanco, apquiltomjac maa: Ongilyinimsic sat nincoo, esilhnanacpoc sat, ongilyanmongsiclhac sat aptemaclha apanco — alhta apquiltomjac.

JEREMÍAS 29:7

Elvascap sat apquiltamjaycam tingma apquilmomacpilha quellhip. Jelmalhnesquis coo, yoyam opasmoc sat apyovoclhojo tingma, elvitac sat quellhip lha asoc altamila — alhta aptomjac.

DANIEL 3:8

Apnam nic nat enlhit caldeos, apquiltomja apquilinmelhaycam judíos.

DANIEL 5:12

Apvisay alhta Daniel, moc apvisay Beltsasar. Lhip visqui ingac, ingyapajas sat lhip colhic altimnasa Daniel, eyascasingvomoc sat actomjaclha actalhesomalhca tingma napocja. Acyasamcoc alhta apvalhoc Daniel, moc apvisay Beltsasar. Apvanquic eyascasingvomoc aclhamoclhojo asoc acvitay ningvanmoncama, najan asoc acyilhamalhca. Apvanquic epquiniclha ayalhnaclhojo asoc acyilhamalhca — alhta intomjac inquin — nic nat aptomjac profeta.

DANIEL 6:22

Apvaac lhama ángel Dios apcasinancama, apmasma jeyajic yamacmeyva, apmasma olngamcojo acmasom. Apyasamcoc Dios mepqui sicsilhnanomalhca ajanco, mepqui lhama siyinmelhaycam lhip visqui ingac — nic nat aptomjac Daniel.

SAN MATEO 26:4

Apquilpamejitsacpec alhta Caifás tingma pac, aptomja apquimja apmamyi sacerdote. Apquililtamjoc alhta elyilhascasojo, yoyam elmoc najan elajic Jesús.

SAN MATEO 27:18

Apyasamcoc alhta Pilato apquiltomjaclha judíos. Apquilyasipcasquic alhta Jesús, eyca ayinyema apquilyantamaclho apnaclha Pilato.

SAN LUCAS 20:20

Apquilapajasquic alhta enlhit, yoyam etyonamcojo apnaclha Jesús. Apquiltimesacpec alhta apanco apquilpeyvomo. Apquililtamjoc alhta elhnanimsic aplhanma, yoyam elyantamoc apnaclha apvisqui.

SAN LUCAS 20:26

Am alhta colapvancaac elhnanimquisic appayvam napatavo apnaymacoc. Pilapcasquic alhta apquillinga actemaclha apcatingmaycam. Apquilvanmamquic alhta.

SAN LUCAS 22:2

Apquilyilhamacpo alhta apquilimja apmamyi sacerdotes najan apquilyascamco apquiltemaclha. Apquilyintamacpec alhta inyicje, yoyam elmoc najan elajic Jesús. Apnaymacoc alhta apquilacac.

SAN JUAN 19:4

Aptiyapvoctac alhta mocjam Pilato. Aptomjac alhta apquilanya enlhit: —Quip elanojo quellhip. Acyantimquic coo as enlhit. Elyasingvomoc sat quellhip, am otaac apmapsom yoyam esilhnanacpoc as enlhit —alhta aptomjac.

2 CORINTIOS 11:12

Apquilyimtalhnesacpec apanco napocja apquiltomja selinmelhaycam. Apquililtamjoc jellhojoc sictemaclha. Coo sat olyacsilhma as enlhitaoc.

FILIPENSES 2:15

Yoyam melsilhnanacpoc quellhip. Eltime sat Dios apquitquic apquilpeyvomo nipyesicsa enlhitaoc apquilmapsomcaa. Eltime sat quellhip malha apquilapongmateycaoc apyova netin.

1 TIMOTEO 5:14

Eycaso ayinyema mataa aclhanma evalhoc coo sicvisay Pablo yoyam colyimjapiclha mocjam actomja lhintampaa ayitcaoc. Yoyam sat mocjam colvitac ayitquic. Yoyam coltamjam tingma ac najan coltimesam ayitquic. Yoyam collhenalhqueje alvisay ayinyema actemaclha anco somquic quilyicjamo.

TITO 2:8

Illhicmos sat amyaa acpeyvomo yoyam colhejec acyascacmo apquillhicmoscama actamila, yoyam najan cotanovalhqueje. Elmancangvomoc sat apquiltomja apquilinmelhaycam. Colapvanquejec sat elantipsam ningilvisay.

1 SAN PEDRO 2:12

Eltamilsacpojo apanco nipyesicsa enlhit lhalhma anco. Ayinyemaclha inquilantipsalhquic mataa apquilvisay quellhip nipyesicsa apquilmopvancaa amyaa. Cotalhcac sat nipyesicsa maa actemaclha apquiltamilcasomacpo apanco quellhip. Eltimjic sat apquilayo Dios as enlhitaoc acvocmo sat acnim ningyicpilcomalhquilha.

1 SAN PEDRO 3:16

Yoyam cotnajamejec sat mataa apquilvalhoc quellhip. Elmancangvomoc sat apquiltomja apquilinmelhaycam, apquilvita inlhojo actemaclha apquiltamilcasomacpo apanco quellhip. Ayinyemaclha quellhip apquiltomja apquilyiploycam Cristo.

JUECES 14:4

Am nic nat eyasamcoc apyap, am nic nat coyasamcoc inquin aptomjaclha Dios. Apquiltamjoc nic nat Dios eyanmongsiclha apquiltemaclha apancaoc filisteos. Malha apquilmomap nic nat israelitas nipyesicsa filisteos.

1 SAMUEL 12:4

Apquilatingmavoc nic nat: Am alhta onlingamcoc acyimtalhnama, am alhta elhcac lhip acyanmongam, ayinyema apmasma enlhit apsilhnanomap apanco — nic nat apquiltomjac.

1 SAMUEL 18:14

Appasmom nic nat mataa Dios. Apvanquic nic nat mataa David esavojo apquiltamjoclha elana.

1 SAMUEL 22:14

Apcatingmavoc nic nat sacerdote Ahimelec: —Aptasi nac David najan appeyvomo apanco, am elhno apquilyimtalhnamo napato lhip. Visqui ingac apipjayim nac lha. Aptomja apquimja apmamyi apquiltamilquiscama lhip visqui ingac. Innec ayaco David nipyesicsa lhip apnaymacoc natingma.