DANIEL 6:12 - Enhlit Bible

¹² Apquiltajaclhec nic nat mocjam apnaclha apvisqui rey. Apquillhenquic nic nat singanamaclha alhnancoc, apquiltomja apquilanya: —Lhip visqui apyimtalhnamo ayinyema singanamaclha alhnancoc. Copvanquejec lhama enlhit acvaycmo treinta acnim elmalhna asoc napato Dios najan napato enlhit, apvamlha napato lhip, yoyam colhic ayaco. Am sat ancoc elyiplovcasac enlhit, elyinyovacpoc sat malhic almomalhquilha yamacmeyva. ¿Naso ya'i? — nic nat apquiltomjac. Apcatingmavoc nic nat apvisqui: —Naso, ninganamaclha actomja mepqui acyeycajascaoc apquiltemaclha co Media najan co Persia — nic nat aptomjac.

DANIEL 6:12 Iomraidhean Croise

ESTER 1:19

Apquiltamjoc sat ancoc lhip visqui mayayo, elngacsic nipyesicsa enlhitaoc singanamaclha alhnancoc, itne sat lhip ingyanic: Avisqui Vasti covanquejec mataa coyoclhojo apvisqui Asuero cotmongvoycamlha nelha — sat itne ingyanic. Comascosalhquejec sat mataa as apcanamaclha nipyesicsa co Persia y Media. Moc aptava lhip cotnejic sat avisqui acya'monquiscama Vasti.

DANIEL 6:15

Apquilvoctac nic nat mocjam apnaclha apvisqui rey, apquiltomja apquilanya mocjam: —Lhip visqui apyimtalhnamo. Apyasamcoc lhip ninganamaclha actomja mepqui acyeycajascaoc apquiltemaclha co Media najan co Persia — nic nat apquiltomjac.

DANIEL 6:8

Lhip visqui apyimtalhnamo, ipquin sat lhip apvisay firma as ninganamaclha actalhesomalhca. Copvanquejec lhama enlhit mepqui apquilyajayquiclho, actomja ninganamaclha mepqui acyeycajascaoc nipyesicsa co Media najan co Persia — nic nat apquiltomjac yatapquilviscaa.

LOS HECHOS 16:19

Apquillovquic alhta apquilviscaa ancaoc quilvana. Inmasquec alhta actingyasa solyayem apquilviscaa ancaoc. Yejemoc alhta apquilmacpo Pablo najan Silas. Apquilyantamaclhec alhta apnamcaclha apquilyimtalhnamo napocja tingma.

LOS HECHOS 16:24

Lhama alhta aplinga appayvam apcanyomap eltamilsic. Yejemoc alhta aplhatma congne singilpilhtetomaclha. Apquilatcascasquic alhta apmancoc yamit aysicsic almaycamcolha ingmancoc.