DANIEL 6:10 - Enhlit Bible

¹⁰ Aplingac nic nat amyaa Daniel singanamaclha alhnancoc ayinyema apvisqui rey. Aptajaclhec nic nat Daniel. Apliquic nic nat tingma apac atnaoc ayitcoc, apquilaneyo payjoc apcaoclha tingma Jerusalén. Apticlhiquic nic nat aptapnaoc Daniel, aptomja apcayo Dios Apyimtalhnamo. Apvajanamquic nic nat Daniel aptemaclha nano, etnejic apquilmalhnancama alhtoo, najan ingyitsicso acnim najan actalhnacmo.,

DANIEL 6:10 Iomraidhean Croise

1 REYES 8:30

Ingyeylhojo sat mataa silmalhnancama coo najan apquililmalhnancama enlhitaoc Israel apquilvoycta as tingma apnaclha lhip. Elngojoc sat lhip apmaclha netin. Ingyeylhojo sat mataa lhip. Ilasicjiclhojo sat mataa lhip enlhitaoc.

1 REYES 8:38

Elvotac sat as tingma enlhitaoc yoyam elilmalhna ayinyema apquillingaycamco apquilvalhoc acyanmongayclha apquiltemaclha. Elyasiclhac sat netin apmeoc naysicsa apquililmalhnancama as tingma.

1 REYES 8:44

Apcanayquic sat ancoc lhip enlhitaoc Israel yoyam elnapacpoc cotnaja ingmoc. Coyiplovjoc sat apquilmalhnancama Dios. Elpayjiclhoc sat tingma apponquinomap, tingma sillanay coo ayinyema lhip apvisay.

1 REYES 8:54

Appenasquic nic nat apvisqui Salomón actemaclha apquilmalhnancama. Appamejitcasquic nic nat Dios naysicsa apquilticlhiclhama aptapnaoc payjo macnincanvoyctamlha asoc macmescama Dios, naysicsa apyaseyquiclha netin apmeoc. Yejemoc nic nat apquinmaclho netin.

2 CRÓNICAS 6:13

Apquinamtec nic nat netin plataforma de bronce, malha mesa acvamlha dos metros veinticinco centímetros de largo najan de ancho, najan un metro treinta y cinco centímetros de alto nitno, actomja allanomalhca najan acpiquenomalhca naysicsa atrio napocja tingma apponquinomap. Apticlhiquic nic nat aptapnaoc napatavo israelitas, apmiyaseclho netin apmeoc,

2 CRÓNICAS 6:38

Apquilyanmoncasquic sat ancoc apquilvalhoc apquilmomap apnaycam moc yoclhilhma, eltimjic sat apquililmalhnancama naysicsa apquillaneyo payjoc as tingma apponquinomap, apquillhoy nic nat apquilyeyjamcaa, apquilaneyo payjoc as tingma Jerusalén najan tingma sillanay alhta coo.

ESDRAS 9:5

Ayinmaclhec alhta netin actalhnam, naysicsa apava apyaptomap, yoyam opamejitsic Dios.

NEHEMÍAS 6:11

Ayatingmavoc alhta coo: Movanquejec ongvinyejic oyilhanmoc tingma apponquinomap, yoyam omyovalhcac ajanco. Motingyejec sat coo tingma apponquinomap — alhta actomjac coo.

SALMOS 34:1

Otnejic sat mataa siyayo Visqui ingac aclhamoclhojo acnim. Molvaticsejec sat mataa actemaclha siyayo.

SALMOS 5:7

Lhip aptomja seyasicjayo. Evanquic otlhic tingma apponquinomap. Actomjac coo siyayo lhip naysicsa sicpayescamo tingma apponquinomap.

SALMOS 55:17

Oliclhangvam sat naysicsa sicvinama sec'a najan actalhnam najan alhtaa. Ingyeylhojoc sat lhip sicpayvam.

SALMOS 86:3

Lhip Visqui ajac. Jeyasicjojo coo. Ayevam coo lhip acyovoclhojo acnim.

SALMOS 95:6

Noc, ongilticlhoc intapnaoc yoyam ongilpayicsojo. Ongilticlhoc sat intapnaoc napatoc Visqui ingac, aptomja singilantipquiscama.

DANIEL 6:13

Apquiltomjac nic nat mocjam apquilanya: —Apnec maa Daniel, judío apmomap alhta, am elyajaclhoc mataa lhip appayvam najan ninganamaclha alhnancoc. Ningvitac alhta aptemaclha Daniel, aptomja apquilmalhnancama tres veces, najan alhtoo, najan ingyitsicso acnim, najan actalhnacmo — nic nat apquiltomjac.

DANIEL 9:4

Almalhnaquic alhta Dios acyiplomo aclhanma evalhoc: Dios, lhip nac Visqui ingac Apyimtalhnamo. Mepqui apyeycajascaoc mataa lhip aplhanma, aptomja apquilmasma enlhitaoc apquilyiplovquiscama singanamaclha ayinyema lhip.

JONÁS 2:4

Inlhenquic alhta evalhoc seyamasma lhip Dios Apyimtalhnamo. Lhip tingma pac apponquinomap, motejec sat mocjam, lhaja.

SAN MARCOS 3:3

Yejemoc alhta aptomja apcanya enlhit acyamay apmic: —Itnimiclha netin, itningvojo jalip naysicsa —alhta aptomjac.

SAN LUCAS 14:26

—Ningiltamjoc sat ancoc ongilyoclha Jesús, ongiltanova sat ingilyap, najan meme ingac, najan intava, najan inquitquic, najan ingilyipma, najan ingilyalho najan ingilyalhinga. Ongyinyoc sat ningyimnatem inganco. Am sat ancoc ongiltanova actema nac lha, mongvanquejec ontimjic singiltamescama Jesús.

SAN LUCAS 22:41

Apyamyaclhec alhta Jesús acyavataclhojo. Apquilticlhicvocmec alhta aptapnaoc, yoyam elmalhnam Ingyapam.

LOS HECHOS 10:9

Yejemoc alhta apquillhinga. Moc acnim apcamquitvocmo tingma. Am alhta elvocmoc mocjam. Ingyitsicso acnim alhta apquinamta Pedro tingma netin, yoyam elmalhna Dios Ingyapam.

LOS HECHOS 2:15

Am lhac colnapac anmin as enlhitaoc. Alhtooc mocjam, las nueve intomjac.

LOS HECHOS 20:24

Am colhenam mataa evalhoc, yoyam otnejic sicyimnatem. Altamjo inyicje mataa osavojo sictamjaycam seyanem olana Visqui ingac Jesús. Apquiltamjoc mataa olngacsic tasic amyaa aclhenomalhca Dios Ingyapam singaycaoc.

LOS HECHOS 20:36

Lhama alhta apsovja apquiltimnaycam Pablo. Apquilticlhiquic alhta aptapnaoc Pablo apquilmalhna najan aplhamoclhojo enlhitaoc.

LOS HECHOS 21:5

Lhama alhta acsovjalhco siete acnim ningilquimpaclhec mocjam. Ingilyiplaclhec alhta aplhamoclhojo enlhit melyasquiyam tasic amyaa najan apnatamcaa najan apquitquic. Ningilvoclhec alhta tap tingma (niyava yingmin). Ningilticlhicvoclhec alhta intapnaoc ningilmalhna Dios Ingyapam.

LOS HECHOS 3:1

Apmiyaclhec alhta Pedro najan Juan tingma apponquinomap. A las tres alhta intomjac. Apquiltemaclha alhta mataa apquililmalhnancama.

LOS HECHOS 4:29

Visqui ingac, quip ilanojo apquiltemaclha singilyamneycam. Iyimnaticsojo ingilvalhoc ningiltomja lhip apquilancam. Yoyam onlingacsic lhip appayvam mepqui ningay.

LOS HECHOS 5:20

—Elmiyaclha sat quellhip tingma apponquinomap. Eliltimnasam sat enlhitaoc actemaclha acyimnatem ingnenyic alhnancoc —alhta aptomjac.

LOS HECHOS 5:29

Apquilatingmavoc alhta Pedro najan apnaymacoc apóstoles apquilapajasomap: —Ingvanquic nincoo mongilyejiclhojo enlhit. Eyca Dios mongvanquic mongilyejiclhojo.

LOS HECHOS 7:60

Yejemoc alhta apquilticlha aptapnaoc nalhpop. Apyimnatasquic alhta appayvam: —Visqui, noyanmoncasiclha nasa setvascama as enlhitaoc —alhta aptomjac. Natamin aptimem appayvam alhta apquitsepa.

LOS HECHOS 9:40

Yejemoc alhta apquilanya Pedro colanteypoc quilvanaa. Apquilticlhiquic alhta aptapnaoc Pedro apquilmalhna. Apquilanoc alhta acyitnaclha ayitsepma. Aptomjac alhta apcanya: —Tabita colhaticja —alhta aptomjac. Yejemoc alhta alyipteclho ataoc. Invitac alhta Pedro apna. Yejemoc alhta acnaclho netin.

EFESIOS 3:14

Eycaso ayinyema silticlhiclhama etapnaoc napato Dios Ingyapam.

FILIPENSES 1:14

Inyangvocmec melyasquiyam aplhamoclhojo elyalhinga apquilvita sicma singilpilhtetomaclha. Inmasquec actemaclha ayay apquilvalhoc. Apquilpayesquic mataa tasic amyaa mepqui apquilay.

FILIPENSES 1:20

Inlhenquic mataa evalhoc yoyam momancayc mataa coo. Altamjoc yoyam colhic ayaco Cristo quilhvo acno nanoc alhta. Momyovalhcoyc coo ajanco. Tasic najan jelyamyiclha singilpilhtetomaclha, tasic najan jelajic.

FILIPENSES 4:6

Nocollhenam nasa apquilvalhoc asoc. Eliltimnas sat Dios Ingyapam actemaclha allhanma apquilvalhoc naysicsa apquililmalhnancama. Elilmalhna sat asoc, eltime sat gracias asoc apquillhoy.

COLOSENSES 3:17

Collhen sat mataa apquilvalhoc Visqui ingac Jesús naysicsa apquiltamjaycam najan naysicsa apquilpameteycam. Eltime sat gracias Dios Ingyapam naysicsa apquilayo Visqui ingac.

HEBREOS 13:15

Ingilane sat ongiltimjic ningilayo Dios ayinyema apvisay Jesucristo. Eycaso ningilayo actomja asoc macmescama Dios. Ninlhanma apvisay apanco actomja malha acyilhna actamila anco ningmescama Dios.

HEBREOS 4:16

Eycaso ayinyema ningmovan ongilyoclhojo apmaclha Dios aptomja Visqui apna netin aptajanem. Incaymalhquic ongilyoclhojo naysicsa mongyasquiyam acyiplom acpayjayclha ingvalhoc. Apquiltamjoc Dios jingimlimojo nincoo najan jingilpasmoc naysicsa ayaymomalhca asoc.

EL APOCALIPSIS 2:10

Nongya nasa lhip apvita sat mayasquiscama apyimpejic. Elalhingsacpoc sat singilpilhtetomaclha napocja quellhip ayinyema yavey diablo yoyam coyipconic quellhip. Ellingamcoc sat quellhip acmasca acvaycmo diez acnim. Ilinlhanmojo sat lhip apyiplovquiscama acvocmo apquitsepma. Omquesic sat acyanmongam lhip. Elhcac sat acyimnatem apnenyic.

EL APOCALIPSIS 2:13

Acyasamcoc coo apmaclha lhip acpayjo ayanamaclha yavey Satanás malha avisqui. Am eyinyavac mataa lhip coo sicvisay. Am alhta elvatescacmoc lhip mejeyasquiyam naysicsa apmatnam Antipas nipyesicsa quellhip. Aptamila alhta Antipas aptomja aplingascama sicvisay. Apmatnec alhta acpayjo acmaclha yavey Satanás.