DANIEL 4:34 - Enhlit Bible

³⁴ Coo sicvisay Nabucodonosor. Invocmec alhta nelha siete años allhenamalhca. Acsicjaclhec alhta netin, inmasquec alhta sictemaclha ayanem. Actomjac alhta siyayo Dios Apyimtalhnamo apna netin cotmongvoycamlha nelha. Apmopvan innac Dios Visqui Apyimtalhnamo, cotningvoyam nelha apcanamaclha.

DANIEL 4:34 Iomraidhean Croise

2 SAMUEL 22:31

Inpeyvoc anco amay (aptemaclha) Dios Visqui ingac. Mepqui apyeycajascaoc mataa aplhanma. Apmasma Visqui ingac apquiltomja melyasquiyam.

1 CRÓNICAS 29:10

Aplhenquic nic nat apvisqui David altamila appayvam Dios Visqui ingac napatavo apcaneyquiclha enlhitaoc: Aptasoc apanco lhip Dios Visqui ingac ningilvisay Israel cotmongvoycamlha nelha.

1 CRÓNICAS 29:13

¡Lhip Dios Visqui ingac, ningiltomjac gracias najan ningayo lhip apvisay apanco aptamila!

JOB 1:21

Aptomjac nic nat apquilmalhnancama Job: —Mepqui asoc sicvoy nat as nalhpop, sictemaclha sicaa. Mepqui asoc oyinyoc sat mocjam as nalhpop. Dios ayinyema acyovoclhojo asoc siclhoy coo. Eyinyovcasquic lhac mocjam acyovoclhojo asoc. ¡Colhic sat ayaco apvisay Dios! — nic nat aptomjac Job.

SALMOS 10:16

Dios apvisay Visqui ingac cotmongvoycamlha nelha. Apquinyajamquic apquilaoclha cotnaja ingmoc (cotnaja nimpayvomó lhama).

SALMOS 102:24

Actomjac alhta coo: —Dios Visqui ajac. Jemyov coo. Motnajac mocjam sicvanyam — alhta actomjac coo. Lhip Visqui ajac etyisam sat cotmongvoycamlha nelha.

SALMOS 107:15

Eltime sat gracias Visqui ingac singasicjayo. Ayinyema aptamjaycam simpilapquiscama nipyesicsa enlhitaoc.

SALMOS 107:22

Eltime sat gracias, malha asoc macmescama Dios. Ellingas sat aptamjaycam simpilapquiscama naysicsa apquilitsovascama.

SALMOS 107:31

Eltime sat gracias Visqui ingac singasicjayo. Ayinyema aptamjaycam simpilapquiscama nipyesicsa enlhitaoc.

SALMOS 107:8

Eltime sat gracias Visqui ingac singasicjayo. Ayinyema aptamjaycam simpilapquiscama nipyesicsa enlhitaoc.

SALMOS 111:7

Inpeyvoc mataa actomja nasoc anco aptomjaclha Visqui ingac. Mepqui ningyasquiyam mataa singanamaclha.

SALMOS 121:1

Inlhenquic mataa evalhoc naysicsa silaneyo netin inquilhe: —¿Jalhco sat conyema yoyam jepasmoc? — intomjac mataa evalhoc.

SALMOS 123:1

Visqui ajac. Alanoc mataa lhip aptomja Visqui apna netin (apyimtalhnamo).

SALMOS 145:13

Comasquingvomejec sat mataa lhip apcanamaclha. Lhip aptomja Apvisqui cotmongvoycamlha nelha.

SALMOS 146:10

Quellhip tingma Sión. Visqui ingac aptomja apcanem cotmongvoycamlha nelha. Dios aptomja Visqui ingac cotningvoyam nelha. Innec ayaco Visqui ingac.

SALMOS 50:14

Eltime sat selayo sicvisay Dios, malha asoc selmescama sat cotnejic. Noelyeycajascaoc nasa apquillhalhnma najan sicvisay Sicyimtalhnamo.

SALMOS 66:7

Apmopvan innac Dios Visqui ingac cotningvoyam nelha. Apquilanoc mataa actemaclha apquileyvam apyovoclhojo enlhitaoc. Colapvanquejec mataa elinmelham enlhit apquilmapsomcaa.

SALMOS 7:17

Otnejic sat siyayo Visqui ingac aptomja appeyvomo. Omnaycmacsic sat apvisay apanco Visqui ingac apyimtalhnamo.

SALMOS 9:2

Lhip Dios apyimtalhnamo. Payjeclhec evalhoc coo. Avanjec siyitsovascama. Omnaycmacsic sat siclingasa lhip apvisay.

SALMOS 92:1

Visqui Apyimtalhnamo. Tasic anco ontimjic gracias lhip. Ontimjic sat ningayo lhip naysicsa ningminaycmascama.

ISAÍAS 13:11

Aptomjac alhta Visqui ingac: Oyanmongsiclhac sat apquiltemaclha apancaoc apquilmapsomcaa. Omascocsic sat apquiltemaclha apquilyimtalhnesomacpo apanco, omascocsic sat apquiltemaclha ayajamalhco apquilvalhoc.

ISAÍAS 2:11

Comascoc sat apquiltemaclha apancaoc apquilyimtalhnesomap, comascoc sat ayajamalhco apquilvalhoc. Apvamlha pac lhama Visqui ingac etnejic apyimtalhnamo apanco, acvocmo sat acnim.

ISAÍAS 24:15

Najan payjoc actiyapmaclha acnim, najan yoclhilhma nicja yingmin acvanyam apquiltomja apquilayo gloria Dios Visqui apancaoc Israel.

JEREMÍAS 10:10

Apnec nincoo Dios Visqui ingac mengyitsepma, aptomja nasoc anco, aptomja Visqui apyimtalhnamo cotmongvoycamlha nelha. Copilhyinamoc sat as nalhpop, acyitna inlhojo aplom pac Dios, elmasquingvomoc sat apyovoclhojo enlhit.

LAMENTACIÓNES 3:38

Ayinyema apcanama Visqui ingac apyimtalhnamo, yavamlha ongvita asoc altamila najan yavamlha ongvita acmasom.

DANIEL 12:7

Apmiyaseclhec alhta netin apmeoc enlhit apma apava apmopoy. Aptomjac alhta aplhanma apvisay Dios memasquingvoyam, apcatingmavo: Acvaycmo tres años y medio. Comascoc siclho apquillingaycamco acyimtalhnama Dios apquilyacyescama, cotningvomoc sat nelha acnim — alhta aptomjac.,

DANIEL 2:44

Eltimjic sat apquilviscaa nalhit acnim. Etnesquisic sat Dios apna netin lhama apvisqui apcanamaclha cotmongvoycamlha nelha apyimnatem apanco am elhno poc apvisqui. Mepqui poc apvisqui, yoyam etvacsic as apvisqui najan apcanamaclha.

DANIEL 4:2

Elyasamcojo quellhip aptamjaycam simpilapquiscama, setnesquiscama alhta Dios apna netin.

DANIEL 4:26

Inlhenalhquic yamit avjac acyiplomo ayquipmenaoc, yoyam comyovalhca. Apyitsomacpo lhip visqui apyimtalhnamo, emyovacpoc sat lhip aptimem apvisqui, apyicpilco inlhojo lhip Dios apmopvan apanco aptomja apyimtalnamo.

DANIEL 4:3

¡Avanjec anco apmopvan najan aptamjaycam simpilapquiscama Dios! ¡Cotningvomejec sat nelha apcanamaclha Dios najan aptemaclha apmopvan!

DANIEL 4:32

Eyinyovacpoc sat lhip, yoyam epalhavomoc lhip asoc navjac najan ninatoscama. Etoc sat lhip paat, acno actom vayqui. Cotnejic sat acvaycmo siete años. Eyicpilcangvomoc sat lhip apmopvan apanco Dios apna netin. Apyimtalhnamo apanco nipyesicsa enlhitaoc apyovoclhojo as nalhpop. Apvanquic etnesquisic apvisqui apjalhnancoc, apvanquic elvatesquisic aptimem apvisqui, acno aclhanma apvalhoc apanco — nic nat intomjac amyaa ayinyema netin.

DANIEL 4:36

Pilapcasquic alhta actamilaclho evalhoc coo. Eltimescasquic mocjam visqui apancaoc enaymacoc yatapquilviscaa, nipyesicsa enaymacoc enlhit, acyiplomo mayayo najan sicyimtalhnamo, am colhnoc siclhoc alhta.

DANIEL 5:18

Dios apna netin aptimesquiscama alhta lhip apyap ninga Nabucodonosor, etnejic apvisqui apyimtalhnamo, najan mayayo nipyesicsa enlhitaoc.

DANIEL 5:21

Apyinyovacpec alhta nipyesicsa enlhitaoc, aptomjayclho asoc navjac. Aptomjaclhec alhta yamelyeyjaycoc navjac actom paat. Najan malha vayqui actom paat. Intiyacmec tiyam etin apyitnamaclha. Invocmec alhta acnim apyicpilcangviyam Dios apna netin, mayayo najan apmopvan nipyesicsa enlhitaoc. Dios ayinyema aptimesquiscama apvisqui apjalhnancoc, najan aptomja apquilvatesquiscama apvisqui, acno aclhanma apvalhoc apanco Dios.

DANIEL 6:26

Actomjac coo siyanya elyiplovcasojoc sat quellhip singanamaclha Dios, aptomja apcayo Daniel. Dios aptomja Apvisqui Apyimtalhnamo cotmongvoycamlha nelha, aptomja memasquingvoyam. Comasquejec sat mataa apcanamaclha, comasquejec sat mataa apmopvan apanco.

DANIEL 7:14

Aplhocac alhta apmopvan, najan mayayo, najan aptimem apvisqui, yoyam elanic enlhitaoc. Apyovoclhojo enlhitaoc as nalhpop apquiltomja apquiltimesaycam. Comasquejec sat mataa apmopvan apanco, cotningvomejec sat nelha apcanamaclha apanco.

DANIEL 7:27

Colhic sat acmesa apcanamaclha ellhovamcoc Dios apquilyacyescama. Elhic sat apvisqui, colhic sat apquilmopvan, najan mayayo lhalhma anco as nalhpop. Cotningvomejec sat nelha apcanamaclha. Elilyejiclhojoc sat enlhitaoc, eltimesam sat apyovoclhojo enlhitaoc as nalhpop.,

DANIEL 9:14

Lhip Dios aclhanma apvalhoc, yoyam onlingamcojoc acyimtalhnama nincoo. Lhip aptomja appeyvomo mataa, nincoo eyca mepqui aclhanma ingvalhoc, yoyam ongilaylhojo mataa lhip.

JONÁS 1:14

Yiplovcoc nic nat apquilpalhamaycam actemaclha apquilmalhnaycam Dios Apyimtalhnamo, apquiltomjac nic nat: —Jingmiyov nincoo Dios Apyimtalhnamo naysicsa ningajem as enlhit Jonás, aptomja apsilhnanomap apanco. Noyanmongsiclha nasa nintomjaclha, apvita inlhojo lhip mepqui apsilhnanomap apanco. Cotnejic sat lhip aclhanma apvalhoc apanco — nic nat apquiltomjac.

SAN LUCAS 1:33

Etnejic sat mataa apvisqui apancaoc enlhitaoc Israel. Cotningvomejec sat nelha apcanamaclha apanco —alhta aptomjac.

SAN LUCAS 18:13

Mocjay nic nat apquiningvocmo apquilmam solyayem. Am nic nat esicjaclho netin. Apticpongam nic nat apnenyic, apquilmalhna: “O Dios Ingyapam. Jeyimliclhojo sat coo, moyascalhma nac coo” (sicmasom nac coo) —ilhnic nat aptomjac apquilmalhnancama.

SAN JUAN 5:26

Apmopvan innac coo Tata elmesic acyimnatem apnenyaoc enlhitaoc. Najan emcasquic coo lha sicmovan, yoyam olmesic acyimnatem apnenyaoc enlhitaoc.

DEUTERONOMIO 32:4

Singmasma aptomja Dios, aptemaclha mataa appeyvomo. Aptemaclha mataa nasoc anco, mepqui singyinimquiscama. Aptemaclha mataa nasoc anco, aplhanma mataa mepqui apyeycajascaoc.

1 TIMOTEO 1:17

Pac ongilavojo mataa Dios Visqui netin aptomja mengyitsepma, aptomja mongvitay, aptomja apvamlha pac lhama cotmongvoycamlha nelha. Amén.

1 TIMOTEO 6:16

Aptomja apvamlha pac lhama mengyitsepma. Aptomja apma naysicsa ayitsayolhma, mongvanquejec ontiyaningvomjo. Am nic nat etamacpoc Dios. Paj lhama enlhit apcopvanco etac. Apmopvan innac Dios najan mayayo cotmongvoycamlha nelha. Amén.

EL APOCALIPSIS 10:6

Aptomjac alhta aplhena ángel yoyam colhejec acyascacmo. Aplhenquic alhta apvisay Dios aptomja apquilmilaneycaoc cotmongvoycamlha nelha. Aptomja apquilantipquiscama nic nat netin najan aclhamoclhojo aleyvam netin. Aptomja apquilantipquiscama nic nat as nalhpop najan aclhamoclhojo asoc aleyvam as nalhpop. Aptomja apquilantipquiscama nic nat yingmin acvanyam najan aclhamoclhojo asoc aleyvam nayingmin. Aptomjac alhta ángel: —Comascoc sat acvisay acnim najan acvisay alhtaa.

EL APOCALIPSIS 11:15

Appayvasquic alhta poc ángel trompeta appayvascama, siete alhta apvocmoc. Yejemoc alhta siclinga netin appayvam alyimnatem, intomjac alhta: Apvisqui as nalhpop aptomja Dios Visqui ingac najan Cristo. Etnejic sat Apvisqui cotmongvoyam nelha —alhta inquiltomjac.

EL APOCALIPSIS 4:10

Apnalhpolintamo alhta mataa nalhpop apquilimja apmamyi naysicsa alayo as asoc. Apnalhpolintamo alhta nalhpop napato apma netin Visqui aptajanem. Apquilpayasoc alhta aptomja apquilmilaneycaoc cotmongvoycamlha nelha. Apninquinquic alhta apquilpocanma acyitnaclha Visqui aptajanem. Apquiltomjac alhta:

EL APOCALIPSIS 4:9

Inquilacoc alhta as asoc Dios apma netin aptajanem. Inquiltimescasquic alhta gloria aptemaclha apyimtalhnamo. Gracias alhta inquiltomjac, ayinyemaclha Dios aptomja apquilmilaneycaoc cotmongvoycamlha nelha.