DANIEL 4:3 - Enhlit Bible

³ ¡Avanjec anco apmopvan najan aptamjaycam simpilapquiscama Dios! ¡Cotningvomejec sat nelha apcanamaclha Dios najan aptemaclha apmopvan!

DANIEL 4:3 Iomraidhean Croise

SALMOS 104:24

Lhip Visqui ingac, cascama anco asoc apquillanay lhip. Aptomja apyascamco apanco apquillanay as asoc. Yitnec lhalhma anco asoc apquillanay lhip.

SALMOS 105:27

Apquillanac nic nat asoc monquinatquiscama yoclhilhma actamopeycaoc. Apquillanac nic nat aptamjaycam simpilapquiscama apquileyvomaclha Cam aptovana niptamin.

SALMOS 145:13

Comasquingvomejec sat mataa lhip apcanamaclha. Lhip aptomja Apvisqui cotmongvoycamlha nelha.

SALMOS 66:7

Apmopvan innac Dios Visqui ingac cotningvoyam nelha. Apquilanoc mataa actemaclha apquileyvam apyovoclhojo enlhitaoc. Colapvanquejec mataa elinmelham enlhit apquilmapsomcaa.

SALMOS 72:18

Innec ayaco Dios Visqui apancaoc Israel apquilmolhama. Apmopvan aptamjaycam simpilapquiscama.

SALMOS 77:19

Apmilanquic nic nat lhip yingmin acvanyam, malha lhip amay pac. Am nic nat cotalhcac apminic apquillhingam.

SALMOS 86:10

Lhip apvamlha pac lhama Dios Visqui ingac. Apyimtalhnamo nac lhip. Apmopvan aptamjaycam simpilapquiscama.

SALMOS 92:5

Visqui ingac. Apmeyjec apanco lhip, sicvita alyivey aptamjaycam lhip. Acyascamco anco apvalhoc lhip.

ISAÍAS 25:1

Visqui ingac, lhip nac tata coo Dios. Otnejic sat siyayo lhip apvisay. Lhip ayinyema aptamjaycam simpilapquiscama, ayinyema aclhanma apvalhoc lhip nano. Lhip aptemaclha mataa appeyvomo najan nasoc anco nanoc alhta.

ISAÍAS 28:29

Acno mataa aclhanma apvalhoc Visqui Apyimtalhnamo. Apyascamco apanco Dios. Pilapcasquic mataa ningvita aptemaclha apyascamco — nic nat aptomjac profeta.

ISAÍAS 9:7

Cotningvomejec sat nelha actemaclha apcanamaclha najan actemaclha apquilvinsayclho olhma. Elhic sat mataa netin apvisqui aptajanem. Aptajanem apanco ilhnic nat apyeyjamcaa David najan apcanamaclha apanco. Aptomja apyimnatescama apcanamaclha quilhvo nac jay najan cotmongvoycamlha nelha. Apyimnatescama apcanamaclha ayinyema actemaclha apyicpilquemo najan actemaclha acpeyvomo. Evascapoc sat Dios Visqui Apyimtalhnamo esavojoc sat as asoc— nic nat aptomjac profeta.

JEREMÍAS 10:10

Apnec nincoo Dios Visqui ingac mengyitsepma, aptomja nasoc anco, aptomja Visqui apyimtalhnamo cotmongvoycamlha nelha. Copilhyinamoc sat as nalhpop, acyitna inlhojo aplom pac Dios, elmasquingvomoc sat apyovoclhojo enlhit.

DANIEL 2:2

Apcapajasquic nic nat yoyam colhic altimnasa apquilyascamco apyová, najan apquilyascamco actemaclha ingjangaoc, najan quilaney poc, najan apquilyascamco apquiltemaclha. Apquiltamjoc nic nat apvisqui rey eyasamcojo actemaclha acvitay apvanmoncama. Apcaneclhec nic nat apnaclha apvisqui rey.

DANIEL 2:44

Eltimjic sat apquilviscaa nalhit acnim. Etnesquisic sat Dios apna netin lhama apvisqui apcanamaclha cotmongvoycamlha nelha apyimnatem apanco am elhno poc apvisqui. Mepqui poc apvisqui, yoyam etvacsic as apvisqui najan apcanamaclha.

DANIEL 4:17

Eycaso ayinyema siclho apquilpamejitsomap ángeles Dios apquilasinancama. Elyasingvomoc sat apyovoclhojo enlhitaoc, aptemaclha Dios apna netin apyimtalhnamo. Apvanquic etnesquisic apvisqui apjalhnancoc, apvanquic elvatesquisic apvisqui nipyesicsa enlhitaoc. Apvanquic etnesquisic apvisqui apjalhnancoc enlhit mepqui ayajamalhco apvalhoc.

DANIEL 7:14

Aplhocac alhta apmopvan, najan mayayo, najan aptimem apvisqui, yoyam elanic enlhitaoc. Apyovoclhojo enlhitaoc as nalhpop apquiltomja apquiltimesaycam. Comasquejec sat mataa apmopvan apanco, cotningvomejec sat nelha apcanamaclha apanco.

DANIEL 7:27

Colhic sat acmesa apcanamaclha ellhovamcoc Dios apquilyacyescama. Elhic sat apvisqui, colhic sat apquilmopvan, najan mayayo lhalhma anco as nalhpop. Cotningvomejec sat nelha apcanamaclha. Elilyejiclhojoc sat enlhitaoc, eltimesam sat apyovoclhojo enlhitaoc as nalhpop.,

ROMANOS 11:33

Cotlaycaoc asoc acyitna Dios, malha cascama apquilnatam. Avanjec anco apyascamcolhma Dios. Mongvanquejec ongilyasamcojo acvamlha actemaclha aclhanma apvalhoc Dios. Mongvanquejec najan ongilyasamcojo acvamlha aptemaclha apanco Dios.

DEUTERONOMIO 4:34

¿Aplhenacpe ya poc Dios, aptomja apquilyacyescama apquilmolhama nipyesicsa enlhitaoc lhalhma anco? ¿Apquillingamco ya acyimtalhnama? ¿Apquilvita ya asoc simpilapquiscama najan monquinatquiscama najan apquilnapomacpilha, acyiplomo apmopvan aptamjaycam Dios? Invitalhquic alhta nipyesicsa quellhip apnaycam yoclhilhma Egipto.

1 TIMOTEO 1:17

Pac ongilavojo mataa Dios Visqui netin aptomja mengyitsepma, aptomja mongvitay, aptomja apvamlha pac lhama cotmongvoycamlha nelha. Amén.

HEBREOS 1:8

Aptomjac nic nat Dios aplhena Apquitca: Lhip Dios aptomja Apvisqui. Netin aptajanem cotmongvoycamlha nelha. Lhip aptomja Apvisqui appeyvomo.

HEBREOS 2:4

Najan Dios aptomja singlingascama. Aptimescasquic alhta Dios nasoc anco apquillingascama apquilancam ayinyema asoc monquinatquiscama apquillanay alhta najan ayinyema aptamjaycam sinpilapquiscama. Najan ayinyema apmopvan Espíritu Santo, ayinyema apmayjayoclha apanco Dios.

1 SAN PEDRO 4:11

Apquiltimnam sat ancoc lhama nipyesicsa quellhip, ilhen sat Dios appayvam. Yitnec sat ancoc lhip actemaclha aptamjaycam, iyiplovquis sat actemaclha Dios apmescama. Incaymalhquic mataa yoyam colhic ayaco Dios Ingyapam ayinyemaclha singilpasmom Jesucristo. Colhic sat mataa ayaco Dios Ingyapam najan apmopvan cotmongvoycamlha nelha. Amén.

EL APOCALIPSIS 11:15

Appayvasquic alhta poc ángel trompeta appayvascama, siete alhta apvocmoc. Yejemoc alhta siclinga netin appayvam alyimnatem, intomjac alhta: Apvisqui as nalhpop aptomja Dios Visqui ingac najan Cristo. Etnejic sat Apvisqui cotmongvoyam nelha —alhta inquiltomjac.