DANIEL 2:21 - Enhlit Bible

²¹ Lhip ayinyema acnim acya'monquiscama moc acnim, najan año acya'monquiscama moc año. Lhip aptomja apyinyovquiscama aptimem apvisqui, najan aptomja aptimesquiscama apjalhnancoc. Lhip ayinyema apquilyascamcolhma, eltimjic apquilyascamco enlhit. Lhip ayinyema actemaclha ningyimtalhnamo, eltimjic apquilyimtalhnamo enlhit.

DANIEL 2:21 Iomraidhean Croise

1 REYES 10:24

Apquilpecjam nic nat poc enlhitaoc elvita apvisqui najan elaylhojo aptemaclha apyascamco, ayinyema Dios apmescama.

1 REYES 3:28

Pilapcasquic nic nat aplhamoclhojo enlhitaoc Israel apquillinga actemaclha apyicpilquemo apvisqui. Apquilacoc nic nat aplhamoclhojo. Dios ayinyema apyascamco apvisqui yoyam eyicpilcojo actemaclha acpeyvomo — nic nat intomjac apquilvalhoc.

1 REYES 4:29

Apyascamco apanco ilhnic nat Salomón ayinyema Dios. Acyascamco anco ilhnic nat apvalhoc Salomón, apyicpilquemo aclhamoclhojo asoc, mongmovan ongilyipsitic.

1 CRÓNICAS 22:12

Colhic sat acmesa lhip acyascamco apvalhoc najan apyascamco apanco lhip. Etnesacpoc sat lhip apvisqui nipyesicsa enlhitaoc Israel. Iyiplovcasojo sat mataa apcanamaclha Dios.

1 CRÓNICAS 29:30

Yitnec as vaycajac acnatalhesamalhca aptemaclha apvisqui David, actemaclha apmopvan, actemaclha apquilimpocjay najan aclhamoclhojo amyaa naysicsa aptiyascam David, nipyesicsa enlhitaoc Israel najan lhalhma anco.

ESTER 1:13

Apcansaclhec nic nat apquilyascamco apyová, aptemaclha mataa elpamejitsacpojo apvisqui as apquilyascamco apquiltemaclha, elyasamcojo yavamlha eltimjic.

JOB 12:18

Apvanquic etnesquisic mepqui apquilyimtalhnamo apquilviscaa reyes, elmacpoc sat maa, colhic sat acnalaclha cotnajaclha apquilaoclha.

ÉXODO 31:3

Espíritu de Dios apnac apvalhoc, najan acyascamco apvalhoc, najan acyicpilquemo apvalhoc najan apvascapma as enlhit.

ÉXODO 31:6

Ongvanic sat epasmoc Aholiab, Ahisamac apquitca apquinyema apquilmolhama tribu Dan. Oyangviscomjoc sat apquilyascamco as enlhit apquilmopvan, yoyam ellanac aclhamoclhojo asoc siyanama alhta:

DANIEL 1:17

Cuatro ilhnic nat apquilyimnanic. Inyangvocmec nic nat apquilyascamco ayinyema Dios. Inmec nic nat apquilvalhoc actemaclha singyascasingvoyam aclhamoclhojo vaycajac. Apyascamco ilhnic nat innac Daniel actemaclha acvitay ningvanmoncama najan moc singvanmescama.

DANIEL 10:1

Invocmec nic nat tercer año aptimem apvisqui Ciro co Persia. Apnec nic nat Daniel, moc apvisay Beltsasar. Invitac nic nat apvanmoncama, malha mepqui apyascamco actemaclha maa. Avanjec nic nat alquitameycam apvalhoc, acvaycmo apyasingvoyam acvitay apvanmoncama.

DANIEL 11:6

Nalhit acnim sat cotnejic. Ellanac sat pacto ningmiyovmalhca apcanit apquilviscaa reyes. Memyovejec sat apquitca quilvana ayitcoc apvisqui rey co nipiyam. Etnejic sat aptava as quilvana apvisqui rey co nilhqueyja. Cotnejic sat nasoc anco mepqui apquilimpocjay poc nipyesicsa apquilviscaa. Cotlapsic sat nalhit acnim cotnejic amyaa. Comatong sat as quilvana, ematong sat ayitca, ematong sat atava aptomja apvisqui, eticyoc sat apquilmolhama.

DANIEL 2:20

Aptomjac nic nat Daniel appayvam: Mayayo nac lhip mataa Dios. Apyascamco innac lhip najan apmopvan.

DANIEL 2:23

Gracias lhip Dios, Visqui apancaoc sicyeyjamcaa, sictomja siyayo lhip. Lhip alhta setnesquiscama sicyascamco najan sicyimnatem. Eyascasingvocmec lhip asoc ningilmalhnaycam lhac nincoo. Ingilyascasingvocmec lhip asoc alquitameycaoc apvalhoc apvisqui rey — nic nat aptomjac Daniel.

DANIEL 2:9

Am sat ancoc jeltimnasac quellhip acvitay sicvanmoncama, ellingamcojoc sat quellhip acyimtalhnama, siclhanma lhac coo. Apquililtamjoc quellhip jelyinimsic, jeltimnacsic acmovan amyaa, yoyam copaycomoc evalhoc coo. Jeltimnas siclho acvitay sicvanmoncama, oyasamcojoc sat apquilmopvancaa quellhip jeltimnacsic amyaa, yavamlha cotnejic sat — nic nat aptomjac apvisqui.

DANIEL 4:14

Aptomjac alhta ángel apyimnatesa appayvam: Elyatemen sat yamit, elsavojo actengaoc. Elsavojo yamit ava najan acyilhna. Colinyajamcoc sat apnatoscama alyanca coning yamit, najan nata alyanca maa.

DANIEL 4:17

Eycaso ayinyema siclho apquilpamejitsomap ángeles Dios apquilasinancama. Elyasingvomoc sat apyovoclhojo enlhitaoc, aptemaclha Dios apna netin apyimtalhnamo. Apvanquic etnesquisic apvisqui apjalhnancoc, apvanquic elvatesquisic apvisqui nipyesicsa enlhitaoc. Apvanquic etnesquisic apvisqui apjalhnancoc enlhit mepqui ayajamalhco apvalhoc.

DANIEL 4:22

Lhip visqui apyimtalhnamo apyitsomacpo yatim acvinatem. Apyimtalhnamo apanco nac lhip, acvaycmo netin lhip apcanamaclha najan acvaycmo lhalhma anco as nalhpop.

DANIEL 4:32

Eyinyovacpoc sat lhip, yoyam epalhavomoc lhip asoc navjac najan ninatoscama. Etoc sat lhip paat, acno actom vayqui. Cotnejic sat acvaycmo siete años. Eyicpilcangvomoc sat lhip apmopvan apanco Dios apna netin. Apyimtalhnamo apanco nipyesicsa enlhitaoc apyovoclhojo as nalhpop. Apvanquic etnesquisic apvisqui apjalhnancoc, apvanquic elvatesquisic aptimem apvisqui, acno aclhanma apvalhoc apanco — nic nat intomjac amyaa ayinyema netin.

DANIEL 7:25

Etnejic sat apvisqui apveneycam Dios Apyimtalhnamo. Elasquisic sat apyimpeoc Dios apquilyacyescama. Etvacsic sat Dios appayvam actalhesomalhca najan fiestas ningayo Dios. Ellingamcojoc sat acyimtalhnama Dios apquilyacyescama acvaycmo tres años y medio.

SAN LUCAS 21:15

Olmesic sat apquilpayvam najan apquilyascamcolhma quellhip. Colapvanquejec sat cotnaja ingmoc elatingmojo najan elyacsilhma apquilpayvam.

ROMANOS 13:1

Moclhama quellhip, elilyejiclhojo sat mataa apquilviscaa apquilyimtalhnamo. Dios eyca ayinyema apquilmopvan as apquilviscaa. Apquiltamjoc Dios yoyam eltimjic apquilviscaa nipyesicsa enlhitaoc.

1 CORINTIOS 1:30

Quellhip apquiltomja apquilpasmeyquiclha Cristo ayinyema Dios. Cristo ayinyema actemaclha ningyascamcolhma najan actemaclha ningilpeyvomo najan actemaclha ningiltamilcasomalhco inganco najan actemaclha ningilvomsomalhca tap. Eycaso ayinyema apmayjayoclha Dios.

SANTIAGO 1:17

Aclhamoclhojo asoc altamila najan actomja nasoc anco alinyema netin. Alinyema Dios Ingyapam aptomja apquillanay nic nat alitsasquiscamalhma netin. Lhama mataa aptemaclha apanco Dios Ingyapam. Metnejec malha yatescamalhma acyanmongsaycaoc mataa ayitsayolhma.

SANTIAGO 1:5

Incaymalhquic sat ancoc ongilyasamcojo asoc, pac ongilmalhnac sat Dios Ingyapam. Dios Ingyapam sat jingilyascasingvomoc mepqui apmasma najan mepqui aplhanvayclho. Ningilyascamco sat ontimjic ningiltomja ningilmalhnaycam.

EL APOCALIPSIS 19:16

Yitnec actalhesomalhca apcalomap niplhit avjaoc apyavaoc actemaclha apvisay apanco: “Visqui apanco nipyesicsa apquilviscaa”.