DANIEL 12:4 - Enhlit Bible

⁴ Lhip Daniel, iyilhasquis as amyaa. Ingyapiclha sat candado as vaycajac. Copvanquejec enlhit elyipsitic acvaycmo actamongvomlha nelha acnim. Elquitmoc sat enlhitaoc lhalhma anco, yoyam elyasingvomoc najan coyangvomoc apquilyascamco — alhta aptomjac ángel.

DANIEL 12:4 Iomraidhean Croise

ISAÍAS 11:9

Mepqui acmasom cotalhcac sat netin Jerusalén. Elyasingvomoc sat apyovoclhojo enlhitaoc lhalhma anco aptemaclha Dios Apyimtalhnamo. Cotnejic sat apquilyascamco enlhit, malha yingmin acvanyam lhalhma anco.

ISAÍAS 29:11

Apquillinga inyicje amyaa ayinyema profeta, actomja eyca malha vaycajac mongmovan ongilyipsitic. Apquilanyacpec sat ancoc quellhip elyipsitic as vaycajac, elatingmojoc sat maa: Mongvanquejec ayinyema asoc monquinatquiscama,

ISAÍAS 30:26

Eltamilquiscomoc sat Dios apquilyimsem enlhitaoc. Ongvitac sat apquitsay piltin, acno ayitsasquiscama acnim. Ongvitac sat acyivey ayitsasquiscama acnim, acno alitsasquiscama siete acnim — nic nat aptomjac profeta.

ISAÍAS 32:3

Colmayjiclhac sat apataoc enlhit mepqui apataoc. Ellingac sat mocjam enlhit mepqui apjaycaoc.

ISAÍAS 8:16

Colma sat apquilvalhoc quellhip siltimnascama appayvam ayinyema Dios Visqui ingac.

JEREMÍAS 5:1

Aptomjac alhta Visqui ingac: Eltingya sat quellhip enlhit appeyvomo, elsovjam sat tingma apvanyam Jerusalén, elsovjam sat amay najan apvalhoc tingma. apquilvitac sat ancoc quellhip lhama enlhit appeyvomo, motvacsejec sat tingma, ongvasicjiclhojoc sat mocjam quellhip.

DANIEL 10:1

Invocmec nic nat tercer año aptimem apvisqui Ciro co Persia. Apnec nic nat Daniel, moc apvisay Beltsasar. Invitac nic nat apvanmoncama, malha mepqui apyascamco actemaclha maa. Avanjec nic nat alquitameycam apvalhoc, acvaycmo apyasingvoyam acvitay apvanmoncama.

DANIEL 10:14

Acvaac coo apnaclha lhip, yoyam oyascasingvomoc lhip, yavamlha cotnejic sat nipyesicsa apnaymacoc israelitas. Asoc acvitay lhip apvanmoncama, colvitalhcac sat actamongvomlha nelha acnim — alhta aptomjac.

DANIEL 10:21

Pac oltimnacsic lhip aclhanma vaycajac actomja nasoc anco: Epasmec coo ángel apyimtalhnamo Miguel, apvisqui apancaoc enlhitaoc Israel, naysicsa ningilnapomalhca poc ángeles apquilyimtalhnamo.

DANIEL 11:33

Apnam apquilyascamco apquiltemaclha. Elyascasingvomoc sat aplhamoclhojo enlhitaoc actemaclha ningyiplovquiscama. Ellingamcojoc sat apticyovam apquilyascamco apquiltemaclha. Colhic sat alvatna talha poc, colhic sat acminyilha asoc apancaoc, elmacpoc sat yoyam elyantamacpoc yoclhilhma cotnajaclha apquilaoclha. Nalhit acnim sat cotnejic acyavataclhojo.

DANIEL 11:40

Invocmec sat ancoc actamongvomlha nelha acnim, elimpocjac sat apvisqui najan apquillhalhmaa co nipiyam nipyesicsa co nilhqueyja. Elnapacpoc sat co nilhqueyja elinmelham sat co nipiyam. Colhojoc sat apquilnapomacpilha yatepiyam apnatovascama co nipiyam. Elvitacpoc sat lhalhma anco nolhing apcapaoc najan carros apancaoc singilpilhtetemo, najan barcos tiyascam nayingmin.

DANIEL 12:13

Lhip Daniel, ilhing maa, ilovquis sat apyampay. Elhaticjangvomoc sat lhip actamongvamlha nelha acnim. Elhcac sat acyimnatem apnenyic ayinyema Dios Apyimtalhnamo — alhta aptomjac — nic nat aptomjac profeta.

DANIEL 12:5

Coo sicvisay Daniel. Invitac alhta sicvanmoncama apcanit enlhit, lhama apquinmam nicja vatsam, poc alhta moc nicja vatsam.

DANIEL 12:9

Apcatingmavoc alhta: Lhip Daniel, vamlha itne. Acyilhamalhca as amyaa acvaycmo actamongvamlha nelha acnim.

DANIEL 8:17

Eyavectac alhta najato. Intiyacmec alhta evalhoc, sicticlha etapnaoc, acticlhicvocmo nalhpop payjaclha najat. Aptomjac alhta seyanya: Lhip enlhit, invitac lhip apvanmoncama actamongvomlha nelha acnim — alhta aptomjac.

DANIEL 8:19

Aptomjac alhta seyanya: —Pac olhicmocsic lhip asoc, yoyam covac sat actamongvomlha nelha acnim aplom pac Dios. Invitac lhac lhip apvanmoncama asoc actomjaclha nelha acnim — alhta aptomjac.

DANIEL 8:26

Invitac alhta lhip apvanmoncama actemaclha alhtoo najan actalhnam apquilvatnama asoc macmescama Dios, nasoc as amyaa. Iyilhasquis sat lhip as amyaa, nanoc sat cotmongvomoc nelha — alhta aptomjac.

SAN MATEO 24:14

Colngalhcac sat tasic amyaa Dios apquilnancascama lhalhma anco. Apsovjacpec sat ancoc enlhit apquillingay lhalhma anco, eyca pa incotmongvomoc sat nelha.

ROMANOS 10:18

Altamjoc oyasamcojo: ¿Am ya ellingac tasic amyaa? Apquillinga inyicje mataa. Intomjac nic nat Dios appayvam actalhesomalhca: Inlingalhquic tasic amyaa nipyesicsa enlhitaoc lhalhma anco. Inlingalhquic apquilpayvam aclhamoclhojo yoclhilhma lhalhma anco —nic nat intomjac.

EL APOCALIPSIS 10:4

Natamin apquilhtingyovayam alhta siltamjo otalhocsic aclhamoclhojo asoc. Pilapcasquic alhta siclinga lhama appayvam ayinyema netin. Intomjac alhta seyanya: —Notalhos nasa. Iyilhacpojo sat actemaclha alpayvam siete quilhtingyovayam —alhta intomjac appayvam.

EL APOCALIPSIS 22:10

Aptomjac alhta mocjam seyanya ángel: —Noyilhasquis nasa Dios appayvam acnatalhesomalhca as vaycajac. Ayinyemaclha incamquitvaac comoc nelha aclhanmaclha vaycajac.

EL APOCALIPSIS 5:1

Acvitac alhta mocjam apma netin Visqui aptajanem. Apmaycam alhta apmic actamilaclha vaycajac macpilhyamcameycaoc. Yitnec alhta actalhesomalhca avalhoc najan ayimpejic vaycajac macpilhyamcameycaoc. Mayapayclha alhta siete malyipitquiscama vaycajac. Mongvanquejec onlicoc macyipitquiscama yoyam ongilyipsitic.