DANIEL 12:3 - Enhlit Bible

³ Colhic sat ayaco enlhit apquillhicmoscama, apquilyascasingvoyam nintemaclha acpeyvomo. Colhojoc sat apquilapongmatem malha apyová ningvita alhtaa.

DANIEL 12:3 Iomraidhean Croise

ÉXODO 34:35

Yejemoc nic nat apcalasa mocjam napaat Moisés. Apsovjoc nic nat mataa aplhanma apcanamaclha Dios. Aptajavoc nic nat mocjam carpa apponquinomap Moisés.

PROVERBIOS 11:30

Colhic sat acyimantesa ingnenyic, ayinyema nintemaclha acpeyvomo. Comascoc sat acyimnatem ingnenyic, ayinyema ningyimtalhnesomalhco inganco.

PROVERBIOS 3:35

Ongilmancangvomoc sat mataa, acyitna inlhojo nintemaclha inganco ningmasom. Colhic sat singaco ningiltomja ningyascamco, ayinyema actamilaycam ingvalhoc.

PROVERBIOS 4:18

Apquiltemaclha enlhit apquilpeyvomo acyitsomalhca ayitsasquiscama olhma. Mopacmec siclho, yiplovcoc mataa ayitsay actamila anco.

ECLESIASTÉS 12:9

Apyascamco apanco ilhnic nat Predicador, aptomja apyascasingvoyam enlhitaoc. Aptalhosquic nic nat aclhamoclhojo proverbios ayinyema apyascamco apanco.

ISAÍAS 53:11

Natamin aplingaycamco acyimtalhnama etac sat actamila yoyam copayjiclhac sat apvalhoc. Appeyvomo nac selancam. Avanjec alhta apyascamco. Eyascasingvomoc sat aplhamoclhojo enlhitaoc actemaclha acpeyvomo. Elngamcojoc sat acmasca, malha appatam acyimtalhnama ayinyema nintemaclha acmasom.

JEREMÍAS 23:22

Apquilyasamcoc alhta ancoc asoc acyilhamalhca, eltimjic alhta nasoc anco apquillingascama sicpayvam, yoyam elyanmongsic apquilvalhoc naysicsa apquiltemaclha almasomcaa — alhta aptomjac.

DANIEL 11:33

Apnam apquilyascamco apquiltemaclha. Elyascasingvomoc sat aplhamoclhojo enlhitaoc actemaclha ningyiplovquiscama. Ellingamcojoc sat apticyovam apquilyascamco apquiltemaclha. Colhic sat alvatna talha poc, colhic sat acminyilha asoc apancaoc, elmacpoc sat yoyam elyantamacpoc yoclhilhma cotnajaclha apquilaoclha. Nalhit acnim sat cotnejic acyavataclhojo.

DANIEL 11:35

Elvatsamcoc sat napocja apquilyascamco apquiltemaclha ayinyema macminlhinaycam. Colhic sat acyipcona apquilvalhoc apquilyascamco apquiltemaclha, acvaycmo actamongvamlha nelha acnim. Yejemec sat cotningvomoc nelha acnim.

DANIEL 12:10

Ellingamcojoc sat acyimtalhnama aplhamoclhojo enlhit. Elyanmongsic sat moc apquilvalhoc, coytic sat actamilaycam apquilvalhoc. Elyiplovcasojoc sat mocjam apquiltemaclha apancaoc enlhit apquilmapsomcaa. Am elyasamcoc mataa, yavamlha sat cotnejic. Elyasingvomoc sat acyovoclhojo amyaa apquiltomja apquilyascamco.

SAN MATEO 13:43

Elapongmatic sat apquilvamlha enlhit apquilpeyvomo Ingyapam apquilnancascama, malha acnim sat eltimjic as enlhitaoc. Ingjaycaoc innac nincoo, pac ongilaylhojo —alhta aptomjac.

SAN MATEO 19:28

Apcatingmavoc alhta Jesús: —Actomjac coo silanya quellhip: Naso, comoc sat acnim, yoyam coltamongvomoc sat alhnancaoc asoc. Coo sicvisay Sictiyam Sictomja Enlhit olhic sat netin sictajanem naysicsa gloria siyapongmatem ajanco. Quellhip apquiltomja selyiploycam mataa, elhnam sat najan netin doce apquiltajanem, yoyam elyicpilcojo enlhitaoc Israel.

SAN MATEO 24:45

Aptomjac alhta mocjam Jesús: —¿Soc enlhit apyitsomacpo apquilancam apquilyajayquiclho najan apyascamco? ¿Jave ya apquilancam apcanyomap etamilsic apvisqui tingma pac, aptema laa apmilasictem aptoycaoc apquiltamjaycam enlhit?

SAN JUAN 4:36

Aplhocac acyanmongam enlhit aptomja apnaclhama acyilhna. Apcansaclhec enlhitaoc malha acyilhna, yoyam cotmongvomeje nelha acyimnatem apnenyaoc. Elsovacsojoc sat lhama aptomja apcanma najan aptomja apnaclhama.

SAN JUAN 5:35

Malha calevascama ayitsasquiscama olhma alhta aptomja Juan. Apquililtamjoc alhta quellhip elitsovacsojo acyavataclhojo naysicsa ayitsayolhma apanco.

LOS HECHOS 13:1

Nipyesicsa Jesucristo apmolhama tingma Antioquía apnaycam profetas Dios apquillingascama najan singillhicmoscama. Apnec alhta Bernabé najan Simón (moc apvisay Negro) najan Lucio co Cirene najan Manaén (apquictingaycamco lhama Herodes yatapvisqui yoclhilhma Galilea) najan Saulo.

1 CORINTIOS 3:10

Eyasinaquic alhta Dios yoyam ollanac tingma apvojac, sictomja tingma apvisqui sictomja sicyascamco. Eycaso ayinyema seyaycaoc Dios. Poc eyca aptomja apquillaneycaoc tap. Incaymalhquic eltamilsojoc sat apquillaneycaoc.

EFESIOS 4:11

Apquilmasquic alhta apquilmopvan Jesucristo apmolhama. Apquilasinaquic alhta napocja yoyam eltimjic apóstoles apquilapajasomap. Napocja alhta yoyam eltimjic apquillingascama amyaa ayinyema Dios. Napocja alhta yoyam eltimjic soycam amyaa. Napocja alhta yoyam eltimjic apquilimja apmamyi. Napocja alhta yoyam eltimjic apquillhicmoscama.

HEBREOS 5:12

Incaymalhquic elapvanic eltimjic quellhip apquillhicmoscama nipyesicsa poc enlhitaoc. Am eyca colapvancaac mocjam. Incaymalhquic elyasingvomoc siclho asoc alyilhyevay ayinyema singillhicmoscama Dios. Quellhip apquiltomja malha sicaa yoyam eltovamcoc neme. Colapvanquejec quellhip eltovamcoc mocjam nintom acyimnatem.

2 SAN PEDRO 3:15

Elyasamcojo quellhip, ingiljalhnec nincoo Visqui ingac yoyam ongilvomsalhcac tap nincoo. Acno alhta aptalhesquiscama ingyimpa Pablo; yoyam elyipsitic quellhip. Apyascamco alhta innac Pablo ayinyema Dios.

JUECES 5:31

Altamjoc co eltanovacpoc apyovoclhojo cotnaja ingmoc napato Dios. Colhic sat ayaco enlhit apquilasicjayo lhip. Apquilyitsomacpo actamila acnim, actomja ayitsasquiscama olhma — nic nat intomjac acminaycmascama Débora. Am nic nat elimpocjac mocjam acvaycmo cuarenta años.