DANIEL 11:6 - Enhlit Bible

⁶ Nalhit acnim sat cotnejic. Ellanac sat pacto ningmiyovmalhca apcanit apquilviscaa reyes. Memyovejec sat apquitca quilvana ayitcoc apvisqui rey co nipiyam. Etnejic sat aptava as quilvana apvisqui rey co nilhqueyja. Cotnejic sat nasoc anco mepqui apquilimpocjay poc nipyesicsa apquilviscaa. Cotlapsic sat nalhit acnim cotnejic amyaa. Comatong sat as quilvana, ematong sat ayitca, ematong sat atava aptomja apvisqui, eticyoc sat apquilmolhama.

DANIEL 11:6 Iomraidhean Croise

JOB 38:15

Melvityejec ayitsayolhma enlhit apquilmapsomcaa. Comascoc sat apquilmopvan.

SALMOS 10:5

Apyiplovcasquic mataa aptemaclha apanco apmapsom. Apmapseve as enlhit. —Mepqui mataa singyicpilquemo Dios — intomjac mataa apvalhoc. Apvennám mataa apvita enlhit apquilinmelhaycam.

EZEQUIEL 30:21

Lhip enlhit ingyeylhojo amyaa: Ayintasquic alhta apectong apvisqui co Egipto. Copvanquejec sat mataa emoc sovo acvinatem elimpocjac poc enlhit. Cotamalvomejec sat mataa apectong.

DANIEL 11:13

Ingyansiclhac sat apquillhalhmaa appintalhnama apvisqui co nilhqueyja, am colhnoc nano. Anit años sat cotnejic, ellanac apquilimpocjay nipyesicsa co nipiyam. Apquillhalhmaa appintalhnama singilpilhtetemo apquilsoycam cotlaycaoc apquilmaycam.

DANIEL 11:15

Evac sat apvisqui co nilhqueyja najan apquillhalhmaa, elvocjingvomoc sat tingma apvanyam. Elicjecsic sat lhopactic malha netin amay nipyava tingma. Elimpocjac sat maa. Colapvanquejec singilpilhtetemo apquilyimnatem co nipiyam elmeyvoc tingma apvanyam. Eltimjic sat apquilyimnatem apanco cotnaja ingmoc.

DANIEL 11:40

Invocmec sat ancoc actamongvomlha nelha acnim, elimpocjac sat apvisqui najan apquillhalhmaa co nipiyam nipyesicsa co nilhqueyja. Elnapacpoc sat co nilhqueyja elinmelham sat co nipiyam. Colhojoc sat apquilnapomacpilha yatepiyam apnatovascama co nipiyam. Elvitacpoc sat lhalhma anco nolhing apcapaoc najan carros apancaoc singilpilhtetemo, najan barcos tiyascam nayingmin.

DANIEL 11:7

Ellanac sat apquimpocjay lhama enlhit, quilvana acmolhama najan apquillhalhmaa, etnesacpoc apvisqui rey.

ZACARÍAS 11:16

Otnimsic sat nipyesicsa enlhitaoc lhama apquilancam apmapsom, mepqui aptamilquiscama apnatoscama, mepqui apquitamsama aplhinganyam, mepqui aptingyasquiscama aptoycaoc apnatoscama, aptomja apcajem mataa apnamilay yoyam etoc apjapitic najan maa apopjeoc.