DANIEL 11:4 - Enhlit Bible

⁴ Naso, cotvasalhcac sat apcanamaclha, cotniclhac sat cuatro ayilhpanma, cuatro apquilviscaa. Mepqui apquilyimnatem apquilviscaa, ayinyema apquilhpanma, metnaja apquilmolhama apquiltomjayclho apquilviscaa apjalhnancaoc.

DANIEL 11:4 Iomraidhean Croise

SALMOS 39:6

Nintiyascam nincoo acyitsomalhca pisquisca. Mepqui acvisay nintamin. Alhto inyicje ningicjescama ningilnatam. Mepqui apmayclha as asoc nintamin.

ECLESIASTÉS 4:8

Enlhit aptamjam aplhapco, mepqui apnaymacoc, mepqui apquitquic, mepqui apquilyalhing. Avanjec apvascapma aptamjaycam apcansayclha apquilnatam, mepqui mataa aplovquiscama apyampay. ¿So actomja yi aptomjaclha maa? Alhto inyicje apvascapma, acyitsomalhca appatmeycam acyimtalhnama naysicsa aptiyascam.

JEREMÍAS 12:15

Natamin macnalayclha mocjay as enlhitaoc, ongvasicjiclhojoc sat mocjam. Otajicsojoc sat mocjam as enlhitaoc, elhnam sat mocjam apquilaoclha.

JEREMÍAS 12:17

Mongvasicjiclhejec sat mocjam, onatovacsic sat enlhitaoc, apquiltomja inlhojo mepqui selyajayquiclho. Eycaso sicpayvam sicvisay Visqui apancaoc — alhta aptomjac.

JEREMÍAS 18:7

Evanquic coo otvacsic apvisqui najan apnaymacoc, malha ningaptama ninganma.

JEREMÍAS 31:40

Mayayo sat cotnejic sicponquinquiscama alvata tacjalhpopayc najan acyitnamaclha tajap. Acyovoclhojo amyipayc nicja alvata Cedrón acvaycmo Puerta de los Caballos, ningiltimem Apquilyancaclha Nolhing, payjoc actiyapmaclha acnim. Cotvasalhquejec sat mataa cotmongvoycamlha nelha — alhta aptomjac — nic nat aptomjac profeta.

JEREMÍAS 45:4

Aptomjac Visqui ingac seyanya, oltimnacsic lhip: Evanquic otvacsic asoc sillanay siclho coo. Evanquic ongvaptic siyinayclha siclho coo. Eycaso mataa sictemaclha lhalhma anco as nalhpop.

JEREMÍAS 49:36

Ongvapajacsic sat nipyesicsa enlhitaoc alhcajayam ayinyema nipyava maa. Elilhpansacpoc sat lhalhma anco. Elvitacpoc sat moclhama yoclhilhma lhalhma anco enlhit apquilinyem.

EZEQUIEL 37:9

Aptomjac alhta Visqui ingac seyanya coo: Ilngas sat mocjam sicpayvam, yoyam elyimnavomoc as apjapaoc apquiltomjayclho apjalhnancaoc. Eycaso appayvam ayinyema Visqui ingac: Alhcajayam cotnesquisic sat apquilinamam as apjapaoc, conyemac sat ningyava lhalhma anco — alhta aptomjac.

DANIEL 7:2

—Invitac alhta sicvanmoncama piyam apvanyam najan alhcajayam acvanyam, ayinyajasquiscama yingmin acvanyam.

DANIEL 7:6

Natqui alhta intomjac acvitay sicvanmoncama, apyitsomacpo niptana, cuatro alhta aplhimpancoc apcapoc. Cuatro alhta apcatcoc as niptana. Aplhocac alhta acyivey apmopvan.

DANIEL 7:8

Alanoc alhta inquipetaoc asoc navjac aclom. Acvitac alhta actepa moc inquipetic ayitcoc. Inquilaptalhquic alhta tres inquipetaoc, yoyam cotyapoc inquipetic ayitcoc. Innamquic alhta ataoc inquipetic ayitcoc, malha enlhit apataoc. Avanquic alhta colyatam nimpayvam, avanjec alhta acpayvam simpilapquiscama.

DANIEL 8:22

Inquintec alhta lhama apquipetic. Inquilantipquic alhta cuatro apquipetaoc, apquilyitsomacpo cuatro apquilviscaa, lhama mataa apya'monquiscama poc. Asilhtec mataa apquilmopvan apquilviscaa, am elhno apvisqui apmamyi — alhta aptomjac.

DANIEL 8:8

Inyangvocmec alhta apyimnatem yataay apquinavo. Pilapcasquic alhta ayinta apquipetic yataay. Inquilantipquic alhta cuatro apquipetaoc apcatic yataay: lhama aclhicmosa nilhqueyja, moc aclhicmosa nipiyam, moc alhta actiyapmaclha acnim, moc alhta actalhningvamlha acnim.

ZACARÍAS 2:6

Eycaso Visqui ingac appayvam: Ayilhpancasquic alhta quellhip lhalhma anco. Pac ongvanic quilhvo nac jay: ¡Elinyajaoc sat apnaycam nilhqueyja! ¡Elinyajaoc sat Babilonia apnaycamcaclha apquilmomap, elvomsap tap tingma Sión! Naso coo sicpayvam sicvisay Dios — alhta aptomjac.

ZACARÍAS 6:5

Apcatingmavoc alhta ángel: Acvisay alhcajayam ayinyema cuatro nicja; ayinyema nilhqueyja, ayinyema actiyapmaclha acnim, ayinyema piyam, ayinyema actalhningvamlha acnim. Apcapajascama Visqui ingac as nalhpop lhalhma anco.

SAN MATEO 12:25

Apyicpilcoc alhta Jesús alquitamsama apquilvalhoc. Aptomjac alhta Jesús apquilanya fariseos: —Apquilhpansacpec sat ancoc apquilviscaa, comascoc sat apcanem elhic tingma. Apquilhpansacpec sat ancoc tingma (apmolhama) ayinyema apquilatingmomap, comascoc sat apna tingma.

SAN LUCAS 12:20

Aptomjac nic nat apcanya Dios Ingyapam: “Enlhit meyascamcolhma nac lhip. Ingyitsapoc sat lhip alhtaa nac jay. ¿Soc sat enlhit etnejic apancaoc apquilnatam apnincanma lhip?” —nic nat aptomjac Dios Ingyapam.

EL APOCALIPSIS 7:1

Natamin as asoc acvitac coo cuatro ángeles apcanaycam nelha lhapop. Lhama alhta apquinmaycam nilhqueyja najan poc nipiyam najan poc actiyapmaclha acnim najan poc actalhningvamlha acnim. Apquilmamquic alhta lhcajayam najan piyam yoyam colhcamejec sat as nalhpop najan tacjalhit yingmin najan tacjalhit yamtaa.