DANIEL 10:8 - Enhlit Bible

⁸ Elhapcoc alhta coo, acvitay alhta sicvanmoncama asoc alyivey. Intiyacmec alhta evalhoc, inmasquec alhta sicyimnaa.

DANIEL 10:8 Iomraidhean Croise

GÉNESIS 32:31

Intipquic nic nat acnim. Apquimpaclhec nic nat Jacob as amyip Peniel. Apyateyam nic nat Jacob.

ÉXODO 3:3

Intomjac nic nat apvalhoc Moisés: Pac otyaningvoclhojoc sat yamit. Olanojoc sat actemaclha lhac sicvitay. Paj lhac comyetac yamit.

DANIEL 10:16

Pilapcasquic alhta sicvita malha enlhit apquitca, apmongvocmo ejatong yoyam opamejitsic mocjam. Actomjac coo siyanya apquinmamcaa najato: Visqui ingac, avanjec ayay evalhoc najan mepqui sicyimnaa, ayinyema acvitay sicvanmoncama.

DANIEL 10:17

Mepqui sicyimtalhnamo coo, ¿evanqui ya opamejitsic lhip naysicsa mepqui sicyimnaa coo najan actiyam evalhoc coo? — alhta actomjac coo.

DANIEL 7:28

Vamlha siclhanma coo sicvisay Daniel. Intiyacmec alhta evalhoc coo acvita sicvanmoncama as asoc. Am alhta oltimnasac as amyaa nipyesicsa enlhit — nic nat aptomjac.

DANIEL 8:27

Coo sicvisay Daniel. Yiplovcoc alhta acmasca eyimpejic anit acnim. Aclhaticjac alhta mocjam. Acyiplovcasquic alhta aptemaclha apcanama apvisqui nipyesicsa enlhit. Avanjec alhta alquitamsama evalhoc asoc acvitay sicvanmoncama. Am alhta oyasingvocmoc mocjam — nic nat aptomjac Daniel.

DANIEL 8:7

Inquilintec alhta anit apquipetaoc nipquesic mepqui apyimnatem. Apquiltajanquic alhta yataay apquinavo, apquiltacmo apyamonquilhma, mepqui lhama yoyam epasingvota najan evomsic tap.

HABACUC 3:16

Ayacac alhta siclinga, avanjec alhta ayay evalhoc. Inmasquec alhta alyimnaa eyavaoc, mepqui sicyimnatem sicyovoclhojo. Olaylhic sat acnim, yavamlha eyanmongsiclha Dios apquiltemaclha apancaoc cotnaja ingmoc.

SAN MATEO 17:6

Lhama alhta apquillinga appayvam apquiltamsoycaoc. Apquilticlhiquic alhta napataa nalhpop. Apquilacac alhta.

SAN MARCOS 9:6

Am alhta eyasamcoc Pedro actomjaclha appayvam, ayinyemaclha alpilapquisa apquilvitay.

SAN JUAN 16:32

Quip elanojo. Comoc sat acnim, invaac najan quilhvo nac jay, yoyam ingyilhpanic quellhip. Moc amay sat elmiyaclhac mataa poc. Jelyinyoc sat coo. Molhejec sat elhapco, apnec coo Tata aptomja siclhalhma.

2 CORINTIOS 12:7

Colhenalhquejec asoc acyilhomalhca siclingay alhta. Apquiltamjoc Dios yoyam moyimtalhnesalhcoyc ajanco. Innec alhta ayasquisa eyimpejic coo. Apcasinaquic Dios lhama ángel Satanás ayasinancama yoyam jeticpam apmic. Yoyam moyimtalhnesalhcoyc ajanco.