DANIEL 10:13 - Enhlit Bible

¹³ Eyinmelham alhta ángel apyimtalhnamo co Persia acvaycmo veintiun acnim. Epasingvoctac alhta ángel apyimtalhnamo apanco apvisay Miguel. Elhapcoc alhta nipyesicsa apquilviscaa co Persia.

DANIEL 10:13 Iomraidhean Croise

ESDRAS 4:24

Am nic nat ellanacpoc mocjam tingma apponquinomap tingma Jerusalén, acvaycmo segundo año aptimem apvisqui Darío co Persia.

DANIEL 12:1

Aptomjac alhta mocjam ángel: Etacpoc sat ángel apyimtalhnamo apvisay Miguel, aptomja apmasma lhip apnaymacoc israelitas. Cotnejic sat apquillingaycamco acyimtalhnama enlhitaoc. Am nic nat cotamalhcac actema nac jay nipyesicsa enlhitaoc. Covac sat acnim, elvomsacpoc sat tap apyovoclhojo lhip apnaymacoc, acyitna inlhojo acnatalhesamalhca apquilvisay vaycajac apanco Dios.

EFESIOS 6:12

Am ongilnapalhcac nincoo mataa enlhit. Ningilnapalhquic nincoo singinmelhaycam acmovan mongvitay najan singinmelhaycam actomja alyimtalhnamo naysicsa yatescamalhma as nalhpop najan singinmelhaycam quilyicjamo almasomcaa acnaycam tecjinlhit.

COLOSENSES 2:10

Apquiltimec sat ancoc quellhip apquilpasmeyquiclha Cristo, coymalhquejec sat lhama asoc. Ayinyemaclha Cristo aptomja Apvisqui tacjalhit alyimtalhnamo najan almovancaa.

1 TESALONICENSES 2:18

Ningilpecjam alhta inyicje. Acpecjam inyicje mataa coo sicvisay Pablo. Ingilyasquic mataa olhma yavey Satanás.

1 SAN PEDRO 3:22

Apmiyaclhec alhta netin Jesucristo. Apnaclhec alhta apnaclha Dios napocja actamilaclha. Apquililyajaclhoc mataa ángeles najan aptomja apquilyimtalhnamo netin najan aptomja apquilmopvancaa netin.

SAN JUDAS 1:9

Apquilatingmacpec nic nat yavey diablo apnaclha Miguel aptomja ángeles apvisqui apancaoc. Apyovoclhojo Moisés apcatongnomap nic nat aplhenac. Am nic nat eyamnam Miguel naatoc yavey diablo. Aptomjac nic nat apcanya: “Dios sat eyanmongsiclha actemaclha lhiya” —nic nat aptomjac Miguel.

EL APOCALIPSIS 12:7

Yejemoc alhta sicvita apquilnapomap netin. Lhama ángel apyimtalhnamo apvisay Miguel, najan apquillhalhmaa apnaymacoc ángeles. Apquilnapacpec alhta sinavocpo. Inquilnapalhquic alhta najan sinavocpo najan allhalhmaa ángeles alasinancama.