DANIEL 10:12 - Enhlit Bible

¹² Aptomjac alhta seyanya coo: ¡Nongya nasa lhip Daniel! Inquitamquic alhta lhip apvalhoc eyasamcojo asoc acyilhamalhca ayenmo primer día, naysicsa alhta mepqui ayajamalhco apvalhoc napato Dios. Apjalhnoc alhta Dios lhip apquilmalhnancama. Eycaso ayinyema siyapajasomalhca coo apnaclha lhip.

DANIEL 10:12 Iomraidhean Croise

SALMOS 69:10

Acvinec mataa coo. Paj otavac coo. Aclingamcoc sevenneycam apquilmapsomcaa.

ISAÍAS 35:4

Eltime sat elanic alpilapiyam apquilvalhoc: ¡Elvascap mocjam, noela nasa quellhip! ¡Quip elanojo Dios singvomquiscama tap! ¡Eyanmongsiclhac sat apquiltemaclha apancaoc cotnaja ingmoc! — sat eltime elanic.

ISAÍAS 41:10

Noela nasa quellhip. Coo sictomja sellhalhma. Noncotnajam nasa apquilvalhoc. Coo sictomja Dios Apvisqui apancaoc. Olyimnaticsojoc sat quellhip. Opasmoc sat mataa quellhip. Coo sat omamcoc emic actomja acyimnatem.

ISAÍAS 41:14

Noela nasa quellhip Jacob apquilmolhama. Apquitcoc apancaoc quellhip malha ascoc. Apcanito quellhip enlhitaoc Israel. Eycaso sicpayvam sicvisay Dios: —Opasmoc sat quellhip. Sicmasma quellhip sicvisay Sicyimtalhnamo.

ISAÍAS 58:9

Eltimjic sat quellhip seyevoycam coo, ongvatingmojoc sat coo. Apquililtamjoc sat ancoc quellhip, yoyam opasingvota, otnejic sat ongvanic: Acnec coo así. Apquilvatsamquic sat ancoc quellhip apquilvenéycam poc, najan apquiltimesquiscama apquilmapsom poc, najan apquilantipquiscama apquilvisay poc.

ISAÍAS 65:24

Sat cotnejic yicpintama selmalhnaycam asoc, olyejiclhojoc sat coo. Ongvaylhojoc sat naysicsa selpamejitquiscama enlhit.

DANIEL 10:11

Aptomjac alhta seyanya coo: Lhip Daniel mayasicjayo napato Dios, ingyeylhojo sicpayvam: Itnimiclha netin, eyapajasquic lhac Dios opamejitsic lhip — alhta aptomjac. Quilhvoc alhta siyinmaclho netin naysicsa sicpilhyinamam.

DANIEL 10:19

Aptomjac alhta seyanya: Nongya nasa lhip, noncolquitam nasa apvalhoc. Mayasicjayo nac lhip napato Dios. ¡Ivascap sat mocjam, iyimnaticsojo apvalhoc! — alhta aptomjac. Intamilaclhec mocjam eyimpejic naysicsa sepamejitquiscama. Actomjac alhta siyanya: Visqui ajac, lhip lhac seyimnatescama mocjam, jeltimnas sat yavamlha cotnejic — alhta actomjac coo.

LEVÍTICO 16:29

Comasquejec sat mataa as singanamaclha nipyesicsa quellhip: vocmec sat ancoc diez acnim najan séptimo piltin ellanac sat fiesta quellhip. Noeltovaoc nasa quellhip as acnim, paj najan metnaja israelitas, noeltamjam nasa quellhip.

LEVÍTICO 16:31

Comasquejec sat mataa singanamaclha: Acvisay acnim ninnayclhilha quellhip, acnim mepqui apquiltamjaycam, najan acnim mepqui aptoycaoc quellhip.

NÚMEROS 29:7

Ellana sat apcaneyquiclha mayayoclha quellhip acnim diez najan piltin séptimo. Eltime sat quellhip apquililmalhnancama mepqui aptoycaoc. Noeltamjam nasa as acnim.

SAN MATEO 28:10

Aptomjac alhta Jesús apquilanya quilvanaa: —Nojela nasa. Coltimnasquiclha sat elyalhinga. Colane sat elmiyaclhac maa yoclhilhma Galilea, sat oltajanyac maa —alhta aptomjac.

SAN MATEO 28:5

Aptomjac alhta ángel apquilanya quilvanaa: —Nojela nasa. Acyasamcoc coo, Jesús inquilquitamac quellhiya, apyipitsomap alhta asoc timyescama.

SAN MARCOS 16:6

Apquilpamejitsa alhta apyimnanic: —Nojela nasa. Inquilyocta inyicje Jesús co Nazaret quilyipitquiscama alhta asoc timyescama. Aplhaticjangvocmec lhac, am enlhit ma asi. Ca incolanojo quilpiquenaclha —alhta aptomjac.

SAN LUCAS 1:13

Aptomjac alhta apcanya ángel Dios apcasinancama: —Zacarías, nojeya nasa —alhta aptomjac. Aplingac mataa Dios Ingyapam lhip apquilmalhnancama. Cotimsic sat ayitca lhip aptava Elisabet. Itnesquis sat apvisay Juan.

SAN LUCAS 1:30

Aptomjac alhta apcanya ángel: —María, nojeya nasa. Apquimlaycmoc lhiya Dios —alhta aptomjac.

SAN LUCAS 2:10

—Nojela nasa quellhip —alhta aptomjac ángel Dios apcasinancama. Quip elanojo. Tasic amyaa acsantimcasac quellhip, yoyam colpayjiclha apquilvalhoc aplhamoclhojo enlhit.

SAN LUCAS 24:38

Aptomjac alhta apquilanya Jesús: —¿Soctomja selaca nac quellhip? ¿Soctomja alyascacmo nac apquilvalhoc quellhip?

LOS HECHOS 27:24

Aptomjac lhac seyanya: “Nongya nasa Pablo. Incaymalhquic evoclhac sat lhip apnaclha apvisqui co Roma. Eycaso ayinyema, yoyam elvomsacpoc tap aplhamoclhojo apquillhalhmaa” —alhta aptomjac ángel Dios apcasinancama.