DANIEL 10:1 - Enhlit Bible

¹ Invocmec nic nat tercer año aptimem apvisqui Ciro co Persia. Apnec nic nat Daniel, moc apvisay Beltsasar. Invitac nic nat apvanmoncama, malha mepqui apyascamco actemaclha maa. Avanjec nic nat alquitameycam apvalhoc, acvaycmo apyasingvoyam acvitay apvanmoncama.

DANIEL 10:1 Iomraidhean Croise

GÉNESIS 41:32

Anit alhta acvanmescama lhip visqui. Appecjasquic Dios Apyimtalhnamo yoyam cotnejic as asoc. Meyinyovsamquejec Dios actemaclha aclhanma apvalhoc.

2 CRÓNICAS 36:22

Aptimec nic nat apvisqui co Persia apvisay Ciro. Vocmec nic nat primer año, apcanama ilhnic nat colhic aclingasa, najan colhic alapajasa cartas amyaa apcanamaclha. Eycaso ilhnic nat ayinyema Dios aplingascama ilhnic nat profeta Jeremías. Intomjac nic nat apvisqui appayvam:

ESDRAS 3:7

Apquillhocac nic nat solyayem apquillanay yatipjaymacaoc najan apquillanay tingma. Apquillhocac nic nat enlhit co Sidón najan co Tiro aptoycaoc najan apyinaycaoc najan aceite olivo ayingmenic. Apquilsantac nic nat mataa yamtaa apquilyatemenma netin inquilhe Líbano. Apquilyinyovaseclhec nic nat netin yingmin acvocmo tingma Jope. Eycaso ilhnic nat apcanamaclha Ciro co Persia.

ESDRAS 4:3

Apquilatingmavoc nic nat Zorobabel, najan Josué najan poc apquilviscaa: —Mongvanquejec nimpasmeyquiclha ongillana tingma apponquinomap, ningilvamlha nincoo ningilvisay enlhitaoc Israel. Eycaso alhta singanama apvisqui Ciro yoclhilhma Persia.

ESDRAS 4:5

Apquilpamejitsacpec nic nat apquilinmelhaycam nipyesicsa apquilviscaa, colhic acmesa acyanmongam, elinmelham sat apquilpasmeyquiclha. Eycaso apquiltemaclha apancaoc ayenmo aptimem apvisqui Ciro de Persia acvaycmo aptimem apvisqui Dario de Persia.

ESDRAS 6:14

Apquilinlhanacmec nic nat apquilimja apmamyi judíos apquiltamjaycam tingma. Invocmec nic nat nelha aplhanmaclha profeta Hageo najan profeta Zacarías, Iddo apquitca. Apquilpenasquic nic nat apquillanay tingma apponquinomap. Ayinyema ilhnic nat apcanama Dios Apvisqui enlhitaoc Israel. Ayinyema najan apcanama apvisqui Ciro najan apvisqui Dario najan apvisqui Artajerjes co Persia.

ESDRAS 6:3

Primer año siclhoc alhta aptimem apvisqui Ciro (co Persia). Eycaso actemaclha alhta appayvam apvisqui Ciro aplhanma tingma apponquinomap tingma Jerusalén. Incaymalhquic ellanacpoc mocjam tingma apponquinomap yoyam colhic alvatna asoc acticyovam acyanmongam melyascalhma. Sesenta codos apvamlha apvinatem tingma najan sesenta codos apvamlha apyivey tingma.

ISAÍAS 44:28

Eycaso sicpayvam Dios, siyanya apvisqui Ciro: Selancam aptomjac lhip. Eviscomoc sat lhip sicpayvam siclhanma coo. Etnejic sat lhip ingyanic enlhitaoc tingma Jerusalén: —Ellaniclha sat mocjam tingma. Ellana sat mocjam tingma apponquinomap — sat itne ingyanic — alhta aptomjac Dios.

DANIEL 1:17

Cuatro ilhnic nat apquilyimnanic. Inyangvocmec nic nat apquilyascamco ayinyema Dios. Inmec nic nat apquilvalhoc actemaclha singyascasingvoyam aclhamoclhojo vaycajac. Apyascamco ilhnic nat innac Daniel actemaclha acvitay ningvanmoncama najan moc singvanmescama.

DANIEL 1:21

Apnaclhec nic nat maa Daniel acvaycmo lhama año aptimem apvisqui rey Ciro.

DANIEL 1:7

Apquiltimec nic nat yatapvisqui moc apquilvisay apquilyimnanic: Daniel nic nat moc apvisay Beltsasar; Ananías nic nat moc apvisay Sadrac; Misael nic nat moc apvisay Mesac; Azarías nic nat moc apvisay Abed-nego.

DANIEL 10:14

Acvaac coo apnaclha lhip, yoyam oyascasingvomoc lhip, yavamlha cotnejic sat nipyesicsa apnaymacoc israelitas. Asoc acvitay lhip apvanmoncama, colvitalhcac sat actamongvomlha nelha acnim — alhta aptomjac.

DANIEL 11:2

Aptomjac alhta ángel seltimnasa amyaa: Elanic sat mocjam yoclhilhma Persia tres apquilviscaa, apya'monquiscama mataa poc. Niptamin maa etacpoc sat cuarto apvisqui, cascama apquilnatam, am elhno poc apquilviscaa siclho. Etnejic sat apvisqui apyimtalhnamo apanco, ayinyema cascama apquilnatam. Apvascapquic alhta mataa ingyinmelhojoc apvisqui co Grecia.

DANIEL 12:4

Lhip Daniel, iyilhasquis as amyaa. Ingyapiclha sat candado as vaycajac. Copvanquejec enlhit elyipsitic acvaycmo actamongvomlha nelha acnim. Elquitmoc sat enlhitaoc lhalhma anco, yoyam elyasingvomoc najan coyangvomoc apquilyascamco — alhta aptomjac ángel.

DANIEL 12:9

Apcatingmavoc alhta: Lhip Daniel, vamlha itne. Acyilhamalhca as amyaa acvaycmo actamongvamlha nelha acnim.

DANIEL 2:21

Lhip ayinyema acnim acya'monquiscama moc acnim, najan año acya'monquiscama moc año. Lhip aptomja apyinyovquiscama aptimem apvisqui, najan aptomja aptimesquiscama apjalhnancoc. Lhip ayinyema apquilyascamcolhma, eltimjic apquilyascamco enlhit. Lhip ayinyema actemaclha ningyimtalhnamo, eltimjic apquilyimtalhnamo enlhit.

DANIEL 4:8

Alhayi alhta apvocta sicnaclha Daniel, moc apvisay Beltsasar, apvisayó lhama dios ajanco. Espíritu apanco Dios apna apvalhoc Daniel. Altimnasquic alhta actemaclha acvitay sicvanmoncama, actomjac alhta siyanya:

DANIEL 5:12

Apvisay alhta Daniel, moc apvisay Beltsasar. Lhip visqui ingac, ingyapajas sat lhip colhic altimnasa Daniel, eyascasingvomoc sat actomjaclha actalhesomalhca tingma napocja. Acyasamcoc alhta apvalhoc Daniel, moc apvisay Beltsasar. Apvanquic eyascasingvomoc aclhamoclhojo asoc acvitay ningvanmoncama, najan asoc acyilhamalhca. Apvanquic epquiniclha ayalhnaclhojo asoc acyilhamalhca — alhta intomjac inquin — nic nat aptomjac profeta.

DANIEL 5:17

Apcatingmavoc nic nat Daniel: —Lhip visqui apyimtalhnamo. Jeyacmoc coo olhcac as asoc. Tasic lha poc enlhit elhcac sat, aptamjaycamó lhama apvisqui tingma pac. Quilhvoc sat oyascasingvomoc lhip actalhesomalhca tingma napocja, eyasamcojoc sat lhip:

DANIEL 6:28

Aptomjaclhec nic nat mocjam yatapvisqui apyimtalhnamo Daniel, naysicsa apcanamaclha apvisqui Darío. Najan naysicsa apcanamaclha ilhnic nat Ciro, apvisqui co Persia.

DANIEL 8:16

Aclingac coo appayvam, malha enlhit appayvam ayinyema vatsam Ulai, aptomja seyanya coo: Lhip Gabriel Dios apcasinancama, ilhicmos sat lhip as enlhit acvitay apvanmoncama — alhta aptomjac.

DANIEL 8:26

Invitac alhta lhip apvanmoncama actemaclha alhtoo najan actalhnam apquilvatnama asoc macmescama Dios, nasoc as amyaa. Iyilhasquis sat lhip as amyaa, nanoc sat cotmongvomoc nelha — alhta aptomjac.

SAN LUCAS 1:20

Quip ilanojo, comopvan appayvam sat etnejic lhip. Sat cotepeclhac appayvam aptiyacmo apquitca. Apyascacmec lhac lhip coo sicpayvam. Cotnejic sat maa siltimnasa lhac —alhta aptomjac.

EL APOCALIPSIS 19:9

Aptomjac alhta seyanya ángel: —Italhos: “Apquilinyejemoc enlhit apquiltomja apquilanyomap elpasmoc malha alyimjapma Nipquesic Apquitcoc” —alhta aptomjac seyanya. Aptomjac alhta mocjam seyanya ángel: —Eycaso appayvam ayinyema Dios actomja nasoc anco —alhta aptomjac.