DANIEL 1:2 - Enhlit Bible

² Am nic nat emyavac Dios aptomjaclha apvisqui Nabucodonosor. Apmacpec nic nat apvisqui Joacim. Apquilpatmaoclhec nic nat aclhamoclhojo apquilmaycam alinyema Dios tingma pac apponquinomap. Apnalaclhec nic nat apvisqui Nabucodonosor tingma Babilonia judíos apquilmomap. Apninquinquic nic nat alhanaoc najan ingjaycaoc alponquinomalhca, appalhaquisa asoc acnaycaoc acyitnamaclha quilaycmasquiscama mayayo, acyitsomalhca dios.

DANIEL 1:2 Iomraidhean Croise

GÉNESIS 10:10

Apmamyi anco ilhnic nat apquillanay tingma apvanyam naysicsa aptimem apvisqui. Lhama apvisay tingma Babel najan Erec najan Acad najan Calne, yoclhilhma acvisay Sinar.

GÉNESIS 11:2

Apquilyinyovquic nic nat apquilaoclha actiyapmaclha acnim. Apquilvitac nic nat amyip acvisay yoclhilhma Sinar. Apquillanac nic nat tingma.

2 REYES 24:1

Naysicsa aptimem nic nat apvisqui Joacim apquilimpocjac nic nat apvisqui co Babilonia najan apnaymacoc nipyesicsa co Judá. Tres años nic nat aptomjayclho Joacim malha apmomap. Natamin nic nat apquilinmelham napato apvisqui cotnaja ingmoc.

2 CRÓNICAS 36:5

Vocmec nic nat veinticinco años aptiyascam Joacim, aptimesacpo apvisqui. Aptimec nic nat apvisqui tingma Jerusalén acvaycmo once años. Somcoc nic nat aptemaclha Joacim napato Dios Visqui ingac.

2 CRÓNICAS 36:7

Appatmaoclhec nic nat Nabucodonosor nicja apquilmaycam acnaycaoc tingma apponquinomap, apninquinayclho tingma pac (apponquinomap) Babilonia.

ESDRAS 1:7

Innec nic nat almesa aclhamoclhojo asoc ayinyema ilhnic nat tingma apponquinomap. Apvisqui Nabucodonosor nic nat apsayclha apcaoclha ayinyema ilhnic nat tingma Jerusalén. Apnincanvoclhec nic nat acyitnamaclha quilaycmasquiscama acyitsomalhca dios.

ISAÍAS 11:11

Cotalhcac sat mocjam lhama apmopvan apanco Dios. Elvomsic sat tap israelitas apquilmomap apquilaymomap. Enalovsingvomoc sat apnaycam yoclhilhma Asiria najan yoclhilhma Egipto, najan yoclhilhma Patros, najan yoclhilhma Etiopía, najan yoclhilhma Elam, najan yoclhilhma Babilonia, najan yoclhilhma Siria, najan yoclhilhma nicja yingmin acvanyam.

ISAÍAS 42:24

¿Jalhco alhta ayinyema apquilatamomap Jacob apmolhama? ¿Jalhco alhta ayinyema apquilmomap enlhitaoc Israel? Coo alhta ayinyema sicvisay Dios. Ayinyema quellhip melyascalhma. Ayinyema melyiplovquiscama sictemaclha coo. Ayinyema meljalhenmo siyanamaclha coo.

JEREMÍAS 25:1

Vocmec nic nat cuarto año aptimem apvisqui Joacim, Josías apquitca, nipyesicsa co Judá. Apcanyacpec nic nat Jeremías elngacsic amyaa ayinyema Visqui ingac. Aptimec nic nat apvisqui Nabucodonosor co Babilonia primer año.

JEREMÍAS 27:16

Actiyaningvocmec alhta sacerdotes najan apyovoclhojo enlhit. Actomjac alhta silanya: Eycaso Visqui ingac appayvam: Noelaylhojo nasa as profetas apquillhanma, yoyam colhic acpatmeyquinta asoc apquilmaycam tingma apponquinomap, acnaycaoc mocjam tingma Babilonia. Movan amyaa apquillhanma as profetas.

JEREMÍAS 28:3

Mocjam dos años, natamin otajicsojoc sat mocjam acyovoclhojo apquilmaycam tingma apponquinomap, appatmaoclha siclho apvisqui Nabucodonosor tingma Babilonia.

JEREMÍAS 35:11

Apquilimpocjac alhta Nabucodonosor najan apquillhalhmaa co Babilonia as yoclhilhma. Ningilinyajamquic alhta napatavo caldeos najan sirios. Ningnec nincoo quilhvo nac jay as tingma Jerusalén — nic nat apquiltomjac.

JEREMÍAS 50:2

¡Ellingas sat amyaa nipyesicsa enlhitaoc lhalhma anco! ¡Noelmiyov nasa amyaa, elyascasingvom sat enlhitaoc, yoyam melquinatsejec sat! Eltime sat elanic: ¡Apquilmacpec apyovoclhojo co Babilonia! Mepqui acmovan quilaycmasquiscama Bel, najan moc quilaycmasquiscama acyitsomalhca dios Marduc actomja actovasomalhca. ¡Inatovasalhquic quilaycmasquiscama acyovoclhojo!

JEREMÍAS 51:44

Aptomjac Visqui ingac: Oyanmongsiclhac sat quilhvo nac jay quilaycmasquiscama acyitsomalhca dios acvisay Bel. ¡Otnesquisic sat yoyam coyiclhic sat aclhamoclhojo asoc acnasipma! ¡Melvotayc sat mocjam enlhitaoc, yoyam eltimjic apquilayo, mepqui mocjam asoc macmescama quilaycmasquiscama! ¡Coyaninic sat mataymong apjalhtam nipyava tingma Babilonia!

DANIEL 5:13

Innec nic nat acyantama Daniel apnaclha apvisqui. Aptomjac nic nat apcanya: —¿Lhip ya apvisay Daniel, lhama nipyesicsa apquilmomap alhta co Judá? Apquilmam najan apnalayquinta alhta singilpilhtetemo apvisqui alhta tata ninga Nabucodonosor.

DANIEL 5:18

Dios apna netin aptimesquiscama alhta lhip apyap ninga Nabucodonosor, etnejic apvisqui apyimtalhnamo, najan mayayo nipyesicsa enlhitaoc.

HABACUC 1:16

Aptimec enlhit aptingyey quilasma apcayo apquilmaycam yamayin najan asocjalhem. Aptingyascasquic asoc macmescama apquilmaycam, najan apquilvatnama asoc acmasis mayayo apquilmaycam. Cotlaycaoc mataa aptom actamila ayinyema apquilmaycam, colhic sat ayaco.

ZACARÍAS 5:11

Apcatingmavoc alhta: Payjoc yoclhilhma Babilonia. Apquilpenasquic sat ancoc apquillanay tingma apponquinomap (acyitnamaclha quilaycmasquiscama), colhic sat acnesa congne tingma as quilvana netin actajanem — alhta aptomjac.

DEUTERONOMIO 32:30

Lhama cotnaja ingmoc apquinyajascasquic alhta mil ingnaymacoc, ¿so actomja yi? Apcanit alhta apquilinyajasquisa diez mil ingnaymacoc, ¿so actomja yi? Ayinyema alhta singmasma Dios apcanem elmacpoc ingnaymacoc nipyesicsa maa.

JUECES 2:14

Aplovquic nic nat Dios, apvita inlhojo apquiltemaclha apancaoc israelitas. Apquillingamcoc nic nat acyimtalhnama apquilminyilhma cotnaja ingmoc apquilnatam israelitas. Am nic nat elyimnac israelitas, apquilimpocja inlhojo cotnaja ingmoc.

JUECES 3:8

Aplovquic nic nat Dios Visqui ingac mepqui apmasma apquilimpocjay cotnaja ingmoc. Apvisay nic nat apvisqui Cusan-risataim yoclhilhma Mesopotamia. Apquilmacpec nic nat israelitas. Apquiltimesam nic nat ocho años nipyesicsa cotnaja ingmoc apvisqui Cusan-risataim.

JUECES 4:2

Apvisqui metnaja apquiltemolhama ilhnic nat Jabín. Apquilanyacpec nic nat enlhitaoc Israel elilyejiclhojo. Jabín ilhnic nat apvisqui co Canaán, tingma apvanyam Hazor. Singilpilhtetemo apvisqui ilhnic nat Sísara. Tingma pac nic nat apvisay Haroset-goim.

1 SAMUEL 5:2

Apquilpiquinquic nic nat yamit aysicsic congne tingma, payjoc quilaycmasquiscama acyitsomalhca dios acvisay Dagón.