2 SAMUEL 8:3 - Enhlit Bible

³ Moc nic nat quimpocjacme David. Apmacpec nic nat apvisqui Hadad-ezer, apyap nic nat Rehob, apvisqui nic nat tingma Soba. Apquiltamjoc nic nat esavojo apcanamaclha Hadad-ezer yoclhilhma vatsam Éufrates.

2 SAMUEL 8:3 Iomraidhean Croise

GÉNESIS 15:18

Eyca as acnim apquillanac nic nat Dios asoc monquinatquiscama actemaclha apmayjayoclha apanco. Aptomjac nic nat Dios apcanya Abram: —Pac omquecsic as yoclhilhma lhip aptovana niptamin. Yoclhilhma nipiyam acvocmo nicja vatsam acvisay Egipto. Yoclhilhma nilhqueyja acvocmo nicja vatsam acyivey acvisay Eufrates.

2 SAMUEL 10:15

Apquilvitac nic nat co Siria mepqui apquilyimnatem napatavo israelitas. Apquicjingvocmec nic nat mocjam co Siria.

2 SAMUEL 10:16

Apcapajasquic nic nat amyaa Hadad-ezer nipyesicsa co Siria tap vatsam Éufrates, yoyam elpasingvota tingma Helam. Apnalaclhec nic nat singilpilhtetemo apvisqui Soba, aptomja apcasinancama apvisqui Hadad-ezer.

2 SAMUEL 10:19

Apquilvatsamquic nic nat apquilviscaa apquilpasmeyquiclha Hadad-ezer, apquilvita apquiltemaclha apquilyimnatem israelitas. Apquilpamejitsacpec nic nat mepqui mataa apquilnapomacpilha nipyesicsa. Yiplovcoc nic nat apquiltimesaycam mataa nipyesicsa israelitas. Apquilvatsamquic nic nat co Siria elpasmoc amonitas ellanac quimpocjacme.

2 SAMUEL 10:6

Apquilyasingvocmec nic nat amonitas aptemaclha David aclom apvalhoc. Apquiltingyac nic nat yoyam elpasingvota singilpilhtetemo co Siria, apquilinyema Bet-rehob najan tingma Soba, malha veinte mil enlhitaoc. Mocjam mil singilpilhtetemo apquilinyema apvisqui Maaca. Mocjam dos mil singilpilhtetemo apquilinyema Is-tob.

2 SAMUEL 23:36

Poc nic nat Igal, Natán apquitca co Soba. Poc nic nat Bani co Gad.

1 REYES 4:21

Apvisqui apyimtalhnamo ilhnic nat Salomón, apvita inlhojo apquilviscaa moclhama yoclhilhma. Apcanamaclha ayinyema ilhnic nat vatsam Éufrates acvaycmo yoclhilhma Filistea najan yoclhilhma Egipto. Apquilapajasquic nic nat tributo solyayem apnaclha Salomón. Apquiltimesam nic nat mataa naysicsa aptimem apvisqui.

1 CRÓNICAS 18:3

Apquilimpocjac nic nat apvisqui David najan apquillhalhmaa tingma Soba, tingma pac apvisqui Hadad-ezer. Apvitacpec nic nat apvisqui Hadad-ezer najan apnaymacoc apquilyascama tingma Hamat, yoyam elimpocjac maa yoclhilhma payjoc vatsam Éufrates. Apquilmacpec nic nat maa.

2 CRÓNICAS 8:3

Apquillanac nic nat Salomón apquilimpocjay tingma Hamat de Soba, apquilmec nic nat.

SALMOS 60:1

Lhip Dios Visqui ingac. Ingilyamasmec alhta lhip naysicsa singiltanoncama. Ingililhpancasquic alhta lhip. Jingilyimnaticsojo sat mocjam.

SALMOS 72:8

Yoclhilhma apcanamaclha ayenmo yingmin acvanyam acvaycmo moc yingmin acvanyam. Moc nicja vatsam Éufrates acvaycmo nelha as nalhpop (lhapop).

ÉXODO 23:31

Eycaso cotnejic sat acyovoclhojo yoclhilhma apquilvoycamlha quellhip. Ayenmo Yingmin Acyilhvasem (Mar Rojo) acvaycmo Yingmin Filisteos (mar de los filisteos). Moc nicja ayenmo yoclhilhma actamopeycaoc acvaycmo vatsam Eufrates. Coo sat conyemac apquilmopvan elantipsic quellhip cotnaja ingmoc.

DEUTERONOMIO 11:24

Elhnam sat quellhip apquilvoycamlha, payjoc apquinmamcaclha cotnejic apancaoc. Cotnejic sat naváyc yoclhilhma, ayenmo yoclhilhma actamopeycaoc acvaycmo inquilhe Líbano, ayenmo vatsam Eufrates acvaycmo yingmin acvanyam Mediterráneo.

1 SAMUEL 14:47

Apvisqui ilhnic nat Saúl nipyesicsa enlhitaoc Israel. Apquilnapacpec nic nat mataa cotnaja ingmoc, apquilvisay co Moab, co Amón, co Edóm, co Soba apvisqui apancaoc, najan co Filistea. Apyimnatem nic nat mataa Saúl, apvita inlhojo apquilnapomap.