2 SAMUEL 8:2 - Enhlit Bible

² Apquilmacpec nic nat moabitas yoyam eticyo. Apquilanyacpec nic nat apquilmomap, yoyam elyitnamojoc lhama mataa poc. Apquilpeyvasquic nic nat tama tacjaplhit apquilyitnama. Apquilpeyvasquic nic nat tama acvaycmo anit, eticyoc sat apquilyipsatomap coning tama. Mocjam lhama tama apquilpeyvascama nic nat, elmiyovacpoc apquilmomap. Apquilanyacpec nic nat eltimesam apvisqui David. Apquilanyacpec nic nat elyinyoc acyivey acyanmongam tributo.

2 SAMUEL 8:2 Iomraidhean Croise

2 SAMUEL 12:31

Apquilantipcasquic nic nat as tingma aplhamoclhojo apquilmomap. Apquilanyacpec nic nat eltamjam monaycpacyic alvinatem najan tava najan yamtava najan apquilvatnama yatipjaymacaoc. Apquilmacpec nic nat aplhamoclhojo amonitas poc tingma. Am nic nat coyeycaac moc actemaclha apquiltamjaycam amonitas apquilmomap. Aptajavoc nic nat tingma Jerusalén apvisqui David najan aplhamoclhojo singilpilhtetemo apancaoc.

2 SAMUEL 8:6

Apquilanyacpec nic nat apquilviscaa apquiltamilquiscama nipyesicsa co Siria de Damasco. Apquiltimesam nic nat mataa co Siria. Apquilhaquic nic nat mataa tributo acyivey acyanmongam. Apyimnatem apanco ilhnic nat David lhalhma anco ayinyema Dios.

1 REYES 4:21

Apvisqui apyimtalhnamo ilhnic nat Salomón, apvita inlhojo apquilviscaa moclhama yoclhilhma. Apcanamaclha ayinyema ilhnic nat vatsam Éufrates acvaycmo yoclhilhma Filistea najan yoclhilhma Egipto. Apquilapajasquic nic nat tributo solyayem apnaclha Salomón. Apquiltimesam nic nat mataa naysicsa aptimem apvisqui.

2 REYES 1:1

Apquitsepquic nic nat apvisqui Acab nipyesicsa co Israel. Yiplovcoc nic nat apquilinmelhaycam moabitas nipyesicsa co Israel.

2 REYES 17:3

Apquilvaac nic nat cotnaja ingmoc co Asiria, apvisqui ilhnic nat Salmanasar apquilimpocjay yoclhilhma. Apcanyacpec nic nat apvisqui Oseas najan apyovoclhojo apnaymacoc co Israel eltimesam apcanamaclha apvisqui co Asiria.

1 CRÓNICAS 18:2

Apquilimpocjac nic nat nipyesicsa moabitas. Apquilmacpec nic nat. Apquilanyacpec nic nat elyinyoc mataa acyanmongam tributo.

2 CRÓNICAS 26:8

Apquilhaquic nic nat acyanmongam tributo aplhoy apvisqui Uzías. Inlingalhquic nic nat aptemaclha apyimtalhnamo lhalhma anco, acvaycmo yoclhilhma Egipto.

SALMOS 108:9

Moab apquilmolhama apquiltomja malha yingmin alhancoc acpayjem. Edom apquilmolhama apquiltomja malha sictoyam tiyayipejic (otnejic ajanco). Olpalhamam sat sictimem sicyimnatem nipyesicsa co Filistea — nic nat aptomjac Dios Visqui ingac.

SALMOS 18:45

Apquilvatsamquic alhta apquilnapomap apquitquic. Apquilyinyovquic alhta apquilyilhanmomaclha.

SALMOS 60:10

Lhip Dios Visqui ingac aptomja singilyamasma (singiltanoncama). Am etnajac mocjam ningillhalhma ningillanay quimpocjacme.

SALMOS 60:8

Malha yingmin alhancoc Moab apquilmolhama. Malha sictoyam tiyayipejic Edom apquilmolhama. Olpalhamam sat sictimem sicyimnatem nipyesicsa co Filistea.

SALMOS 83:6

Apquilvisay maa: apnaycam coning carpa co Edom najan co Ismael. Poc najan co Agar (ningilyeyjamcaa) najan co Moab.

ISAÍAS 36:16

¡Noelaylhojo nasa appayvam Ezequías! Pac oltimnacsic mocjam apvisqui co Asiria appayvam: ¡Elvatsaoc sat singinmelhaycam! ¡Elpamejitsacpojo actemaclha apquilmiyovmacpilha! ¡Enanteyip tingma, eljalhaoc sicnaclha coo! Eltajiclhac sat quellhip, eltovamcoc sat uva acyilhna tingma apancaoc, najan higo yamit acyilhna. Elyinamcoc sat yingmin apancaoc.

NÚMEROS 24:17

Invitac sicvanmoncama, evac sat lhama, mevoy mocjam. Apyitsomacpo apyová nipyesicsa apquilmolhama Jacob. Apvisay apvisqui apjalhnancoc. Elnapoc sat enlhitaoc co Moab. Elnapoc sat aptovana Set.

1 SAMUEL 10:27

Apnam nic nat napocja apquilinmelhaycam. Apquiltomjac nic nat apquilanya. —Metnaja apyimnatem Saúl yoyam jingilvomsic tap — nic nat apquiltomjac. Apquilvennam nic nat. Am nic nat elsantimcasac actemaclha ningmescama. Am nic nat ingyajalhnoc Saúl apquilpayvam enlhit.

1 SAMUEL 14:47

Apvisqui ilhnic nat Saúl nipyesicsa enlhitaoc Israel. Apquilnapacpec nic nat mataa cotnaja ingmoc, apquilvisay co Moab, co Amón, co Edóm, co Soba apvisqui apancaoc, najan co Filistea. Apyimnatem nic nat mataa Saúl, apvita inlhojo apquilnapomap.

1 SAMUEL 22:3

Apquilmiyaclhec nic nat tingma Mizpa, yoclhilhma Moab. Aptomjac nic nat David apcanya apvisqui co Moab: —Altamjoc memyovejec lhip, elhic tata coo najan meme nipyesicsa quellhip. Oyasamcojoc sat coo apmayjayoclha Dios, jeyanic sat yavamlha otnejic — nic nat aptomjac.

1 SAMUEL 22:4

Apnalaclhec nic nat apquilmolhama David apnaclha apvisqui co Moab. Apnam nic nat maa aclhamoclhojo acnim. Apnec nic nat mataa David apyilhanmomaclha netin inquilhe acvinatem.