2 SAMUEL 5:2 - Enhlit Bible

² Aptimec alhta visqui ingac Saúl. Naysicsa ningilnapomalhca alhta mataa aptomja lhip singnalayclha yoyam ongilnapalhca. Aptomjac alhta mataa singnalayquinta nincoo. Aptomjac alhta Dios apcanya lhip: Itne sat lhip aptamilquiscama enlhitaoc Israel. Itne sat lhip apvisqui apancaoc — alhta aptomjac Dios — nic nat apquiltomjac enlhitaoc.

2 SAMUEL 5:2 Iomraidhean Croise

GÉNESIS 49:24

Alyimnatem apictingaoc innac José. Cayjec anco apjalhtapongam yanca. Appasmom aptomja mataa apquiltamilquiscama enlhitaoc Israel.

2 SAMUEL 6:21

Apcatingmavoc nic nat apvisqui David: —Elyacyesquic coo Dios otnejic siyimja emamyi nipyesicsa enlhitaoc Israel. Am olhnoc lhiya inyap ninga najan acmolhama lhiya. Altamjoc coo oltam napato Dios Apyimtalhnamo.

2 SAMUEL 7:7

Acnec coo mataa nipyesicsa enlhitaoc Israel naysicsa apquillhingam. Alyacyesquic coo mataa lhama enlhit yoyam etnejic apvisqui nipyesicsa enlhitaoc Israel, aptomja aptamilquiscama enlhitaoc ajancaoc. Am alhta otnajac mataa ongvanic apvisqui: Altamjoc coo yoyam ellanac tingma quellhip yoyam elhic coo. Paj — nic nat aptomjac Dios.

2 SAMUEL 7:8

Aptomjac nic nat mocjam Dios: —Itne sat ingyanic apvisqui David aptomja selancam: Eycaso sicpayvam sicvisay Dios Sicyimtalhnamo: Alyacyesquic alhta coo lhip apna amyip naysicsa aptamilquiscama apnatoscama. Actimescasquic alhta lhip apquimja apmamyi, etnejic apvisqui nipyesicsa enlhitaoc ajancaoc, enlhitaoc Israel.

2 REYES 20:5

Lhip Isaías, iltimnasquiclha sat apvisqui Ezequías coo sicpayvam: Eycaso Dios appayvam, lhip apyeyjamcaa David apvisqui apanco. Acjalhnoc lhip appayvam selmalhnaycam, acvitac coo apate ayingmenic. Pac otamilquiscomoc sat lhip. Etingyac sat mocjam lhip tingma apponquinomap acvaycmo tres acnim.

1 CRÓNICAS 11:2

Nasoc alhta aptimem apvisqui Saúl. Lhip eyca aptomja aplhinquiscama singilpilhtetemo apquilyimnatem. Dios Visqui ingac aplhanma alhta mepqui apyeycajascaoc. Lhip etnejic apvisqui nipyesicsa enlhitaoc Israel — nic nat apquiltomjac.

2 CRÓNICAS 1:10

Jetnesquis sat sicyascamco coo najan sicyicpilquemo nipyesicsa as enlhitaoc. Mepqui sicmovan ajanco, yoyam otnejic visqui nipyesicsa as enlhitaoc appintalhnama — nic nat aptomjac Salomón.

ISAÍAS 40:11

Eltamilsic sat apnatoscama malha quilancam nipquesic. Ingyaynic sat nipquesic apquitcoc. Epquinic sat apquinlhaclha. Etamilsojoc sat mataa enaliclha apyapmoc quilhva appaliyam apquitcoc.

ISAÍAS 55:4

Actimescasquic alhta David yoyam etnejic aplingascama sicvisay nipyesicsa enlhitaoc. Yoyam etnejic apvisqui najan apyimtalhnamo nipyesicsa enlhitaoc lhalhma anco.

EZEQUIEL 34:23

Aptomjac alhta mocjam: Otingyasquisic sat lhama apanco aptamilquiscama sicnatoscama. Elhojoc sat apquilyeyjamcaa David, aptomja nat aptamilquiscama aptamila apanco.

MIQUEAS 5:4

Etnejic sat apvisqui apquiltamilquiscama apnaymacoc. Colhic sat actamilaycam apquilvalhoc enlhitaoc. Etnejic sat apyimtalhnamo apanco apvisqui lhalhma anco as nalhpop.

NÚMEROS 27:17

Etnimsacpoc sat apmamyi najan alhayi. Enaliclhac sat enlhitaoc najan enalantac sat mocjam. Colapvanquejec enlhitaoc apancaoc mepqui apquimja apmamyi. Malha nipquesic mepqui apquilancam sat cotnejic — nic nat aptomjac Moisés.

SAN MATEO 2:6

Lhip tingma Belén yoclhilhma Judea. Jave lhip tingma meyoy, am elhno aplhamoclhojo tingma Judá apcaoclha. Sat ingyinyema Apvisqui as tingma. Eltamilsic sat enlhitaoc Israel, coo enlhit ajancaoc —nic nat intomjac appayvam Visqui ingac.

SAN JUAN 10:11

Coo sictimem apquilancam nipquesic aptamalma. Apyinyovquic apanco acyimnatem apnenyic apquilancam nipquesic aptamalma acyanmongam apnatoscama nipquesic.

HEBREOS 2:10

Dios nic nat apquillanay aclhamoclhojo asoc. Yitnec aclhamoclhojo asoc yoyam colhic ayaco Dios. Apquiltamjoc Dios yoyam elpasmoc aplhamoclhojo apquitquic gloria ayitsayolhma apanco. Jesucristo aptomja alhta apquilvomquiscama tap. Aptimescasquic alhta Dios etnejic apyimtalhnamo Apquitca, ayinyema aplingaycamco acmasca.

1 SAMUEL 13:14

Paj inyicje. Copvanquejec lhip etnejic mataa apvisqui. Etingyac sat Dios poc, aptomja apyisponcama. Etnejic sat apyimtalhnamo nipyesicsa apnaymacoc. Am alhta elyajaclhoc lhip apcanamaclha Dios.

1 SAMUEL 16:1

Aptomjac nic nat Dios apcanya Samuel: —¿Jalhco sat acvam comascoc acvinama apvalhoc lhip ayinyema aptemaclha Saúl? Acyinyovcasquic alhta aptimem apvisqui nipyesicsa enlhitaoc Israel. Ingva, ilic sat lhip alhancoc ningatsisquiscama yingmenic. Ongvapajacsic sat lhip tingma Belén apnaclha enlhit apvisay Isaí. Alyacyesquic coo lhama apquitca yoyam etnejic apvisqui nipyesicsa enlhitaoc.

1 SAMUEL 18:13

Apyinyovcasquic nic nat Saúl apmaclha David. Aptimescasquic nic nat apvisqui singilpilhtetemo. Aplhingam apmamyi ilhnic nat mataa David, apnalayclha apnaymacoc.

1 SAMUEL 18:16

Apquilyispaquic nic nat co Israel najan co Judá aptemaclha apmopvan David, aptemaclha apnalayclha apnaymacoc.

1 SAMUEL 18:5

Apvanquic nic nat mataa David aclhamoclhojo asoc apcanama apvisqui Saúl. Apquinimsacpec nic nat apmamyi David nipyesicsa singilpilhtetemo. Apquilyispaquic nic nat mataa apnaymacoc najan apquilasinancama Saúl.

1 SAMUEL 25:28

Jeyasicjiclhojo sat mocjam coo, sicvisay silancam lhip. Naso, emyovacpoc sat lhip najan actemaclha apmopvan lhip, naysicsa aptimem apvisqui. Apquilnapacpec mataa lhip, ayinyema apcanama Dios. Melngamquejec sat mataa lhip acyimtalhnama, cotmongvoyam nelha.

1 SAMUEL 25:30

Esavojoc sat Dios aplhanma siclho mepqui apyeycajascaoc. Etnesacpoc sat lhip apvisqui nipyesicsa enlhitaoc Israel.

1 SAMUEL 9:16

—Ongvapajacsic sat lhama enlhit apnaclha lhip, secaseclha acvamlha hora nac jay. Ingyinyemac sat Benjamín apcaoclha. Itnesquis sat apvisqui nipyesicsa enlhitaoc Israel. Iyilhvatas sat olivo ayingmenic actemaclha monquinatquiscama aptimesomap apvisqui. Elvomsic sat tap enlhitaoc ajancaoc nipyesicsa enlhitaoc filisteos. Acvitac coo actemaclha apquillingaycamco enlhitaoc ajancaoc. Aclingac coo apquililpalhamaycam — nic nat aptomjac Dios.