1 SAMUEL 9:2 - Enhlit Bible

² Apquitca ilhnic nat apnac apvisay Saúl. Apyimnanic aptamila ilhnic nat Saúl, am nic nat elhnoc poc aptamila nipyesicsa enlhitaoc Israel. Apvinatem apanco nic nat Saúl. Am nic nat elhno apnaymacoc.

1 SAMUEL 9:2 Iomraidhean Croise

GÉNESIS 6:2

Apquilvitac Dios apquitquic altomja altamila quilvanaa mepqui anatamcaa. Apquilyacyesquic nic nat quilvanaa. Inquilyimjapquic nic nat.

1 CRÓNICAS 8:33

Ner apquitca ilhnic nat Cis. Cis apquitca ilhnic nat Saúl. Saúl apquitca ilhnic nat Jonatán, poc Malquisúa, Abinadab najan Es-baal.

JEREMÍAS 9:23

Aptomjac alhta mocjam Visqui ingac: Incaymalhquic meyimtalhnesacpec apanco enlhit apyascamco. Incaymalhquic melhenacpecjec apanco enlhit apyimnatem, melhenacpejec apanco enlhit acma apquilnatam.

NÚMEROS 13:33

Ningvitac alhta enlhit apquilvinatem apanco, Anac apquitquic alhta. Ningilyayem alhta nincoo napatavo, malha sova alhta ningiltomjac. Nasoc alhta ningnoc sova napatavo enlhitaoc.

1 SAMUEL 10:21

Apquilanyam nic nat apquilmolhama Benjamín. Apcajoc nic nat apma sicas Matri apmolhama. Apcajoc nic nat apma sicas Cis apquitca apvisay Saúl. Apquitamacpec nic nat Saúl. Am nic nat etacpoc.

1 SAMUEL 16:7

Aptomjac nic nat Dios apcanya profeta: —Noncolhen nasa apvalhoc lhip actemaclha apvitay apyovoclhojo najan aptemaclha apvinatem. Am alhta olyacyasac coo. Moc actemaclha ningilyacyescama nincoo moc actemaclha apquilyacyescama Dios. Ningilanoc mataa apyovoclhojo ningvita enlhit. Dios eyca apquilanoc mataa apvalhoc enlhit — nic nat aptomjac.

1 SAMUEL 17:4

Aptipquic nic nat nipyesicsa enlhitaoc filisteos lhama enlhit yoyam elnapacpoc apmamyi. Apvisay nic nat Goliat, Gat apmolhama. Apvinatem apanco ilhnic nat Goliat, 6 codos najan 1 palmo, malha tres metros apvinatem.

1 SAMUEL 9:3

Inquillhinganacmec nic nat yamelyeyjaycoc apnatoscama apyap apvisay Cis. Aptomjac nic nat apyap apcanya Saúl: —Ingva, isovjam sat sicnatoscama yamelyeyjaycoc. Itne sat aplhalhma poc apyimnanic — nic nat aptomjac.