1 SAMUEL 7:6 - Enhlit Bible

⁶ Apcaneclhec nic nat israelitas tingma Mizpa. Apquilyacvec nic nat yingmin apquilyatma nalhpop, actemaclha macmescama Dios. Am nic nat eltavac aptoycaoc. Yiplovcoc nic nat apquillhanma apquiltemaclha apquilsilhnanomap apanco napato Dios Apyimtalhnamo. Aptomjaclhec nic nat Samuel apvisqui nipyesicsa israelitas tingma Mizpa.

1 SAMUEL 7:6 Iomraidhean Croise

GÉNESIS 31:49

Najan moc acvisay nic nat Mizpa. Ayinyema ilhnic nat Labán appayvam: —Singvitayo aptomja Dios Apyimtalhnamo naysicsa ningilhpanma ningilyasaclha.

2 SAMUEL 14:14

Nincoo ningyitsomalhca yingmin acyanquinamalhca lhopactic. Mongvanquejec ongyavoc mocjam. Ongilmasquingvomoc sat ningyovoclhojo. Naso, am eltamjoc Dios ingyajic lhama enlhit. Apquiltamjoc mataa Dios emyoc enlhit aptanovmap.

1 REYES 8:47

Coyiplovjoc sat apquilyanmonquiscama apquilvalhoc cotnajaclha apquilaoclha. Coyiplovjoc sat apquililmalhnancama. Sat eltimjic elanic enlhitaoc Israel: —Dios Apyimtalhnamo, yitnec nincoo ningilsilhnanomalhca inganco. Ningilmasomcaa nincoo. Ningyinyovquic nincoo lhip apvisay — sat eltimjic enlhitaoc.

1 CRÓNICAS 11:18

Apquiltiyaningvocmec nic nat tres apquilyimnatem nipyesicsa carpa tingma filisteos. Apquilyacvesquic nic nat yingmin, payjoc yamyamilquit tingma Belén. Apquilsantimcasquic nic nat apnaclha apvisqui David yoyam eynic. Am nic nat eynac apvisqui David, apyanincasquic nic nat yingmin, cotnejic malha macmescama Dios.

2 CRÓNICAS 20:3

Intiyacmec nic nat apvalhoc Josafat aplinga amyaa. Inlhenquic nic nat apvalhoc etingya Visqui ingac. Apquilanyacpec nic nat apyovoclhojo co Judá, eltimjic apquililmalhnancama, mepqui aptingyeycaoc nintom.

NEHEMÍAS 9:27

Apquilmacpec nic nat ningilyeyjamcaa nipyesicsa cotnaja ingmoc ayinyema lhip, yoyam ellingamcojoc acyimtalhnama. Naysicsa aclingaycamco apquilvalhoc apquililmalhna, yoyam epasmoc mataa lhip. Apjalhnoc nic nat lhip apna netin, aptomja apcamliyam. Apquilapajascasquic nic nat lhip apquilvomquiscama tap, apmascosa lhip apquiltemaclha apquilmomap.

JOB 16:20

Epeyvescasiclhac sat napato Dios aclhanma evalhoc naysicsa sicvinama coo.

JOB 3:24

Actovquic coo sictom naysicsa siliclhangveycam, am comascac siliclhangveycam, acyitsomalhca ayinyema yingmin.

JOB 33:27

Elhenic sat aptemaclha apanco: Sicsilhnanomalhca ajanco, mepqui sicpeyvomo. Am eyanmongsiclhac Dios Visqui ingac sictemaclha ajanco.

JOB 42:6

Acmancaquic coo siclhanma sicpayvam. Naso, sicsilhnanomalhca ajanco, sicna coo netin lhopactic najan tajap — nic nat aptomjac Job.

SALMOS 106:6

Ningilsilhnanalhquic alhta inganco, acno alhta ningilyeyjamcaa. Ningilsilhnanalhquic alhta inganco, ayinyema nintemaclha inganco acmasom.

SALMOS 119:136

Avanjec mataa sicvinama sicvita enlhitaoc mepqui apquilyiplovquiscama lhip appayvam.

SALMOS 42:3

Avanjec mataa sicvinama, am omajayac otoc acnim anco najan alhtaa. Ayinyema siclingay mataa amyaa: —¿Jalhco apna Dios lhip apmasma? — apquiltomjac mataa seyanya.

SALMOS 6:6

Acyampavoc coo ayinyema sicvinama. Avanjec sicvinama aclhamoclhojo alhtaa. Inyeysoc mataa sictiyanmeycaoc ayinyema ate'yingmenic acpaliyam.

SALMOS 62:8

Quellhip enaymacoc, elyilhanmiclha mataa Visqui ingac. Elsavojo ellhenic actemaclha aclaneyo apquilvalhoc. Visqui ingac aptomja singmasma nincoo.

JEREMÍAS 31:19

Ningyinyovquic alhta lhip, quilhvo eyca ningyanmonquiscama ingilvalhoc, ningyasingvocmec nintemaclha inganco acmasom, avanjec nincoo ningilmancactama najan aclingaycamco ingilvalhoc, ayinyema mongilyascalhma nano nintemaclha inquitcavoc — alhta intomjac siclingay.

JEREMÍAS 36:9

Invocmec nic nat nueve piltin najan cinco años aptimem apvisqui Joacim, Josías apquitca, nipyesicsa apquilmolhama Judá. Apcaneclhec nic nat co Jerusalén najan apquilinyema poc tingma apquilvanyam, yoyam elaylhojo Dios appayvam mepqui aptoycaoc.

JEREMÍAS 9:1

Altamjo inyicje colhojoc ajataoc actiyapmaclha yingmin, actemaclha ate yingmenic ayinyem, olyapcalhic sat acnim anco najan alhtaa, aclhanma evalhoc enaymacoc apticyovam (apquilmasquingvoyam).

LAMENTACIÓNES 2:11

Intiyacmec evalhoc sicvita enaymacoc tingma apancaoc aptovasomap. Avanjec coo sicvinama najan acmayovsa evalhoc sicvita acyovoclhojo actovasomalhca, najan alitsepma sicaa najan apquitcavoc natingma lhalhma anco.

LAMENTACIÓNES 3:49

Avanjec actiyapma ate ayingmenic malha vatsam ayinyema cotningvoyam nelha.

LAMENTACIÓNES 5:16

Intiyacmec nincoo corona nimpocanma, mepqui mayayo nincoo. ¡Nincoo layi ayinyema ningilsilhnanomalhca inganco!

EZEQUIEL 20:4

Iyicpilcojo sat lhip as enlhit apquilvanyam. Iltimnas sat apquiltemaclha apquilyeyjamcaa selyamasma coo — alhta aptomjac seyanya.

OSEAS 5:1

Aptomjac alhta Dios Apyimtalhnamo apquilanya: Quellhip sacerdotes, elaylhojo sicpayvam. Quellhip enlhitaoc Israel, quip elaylhojo. Quellhip apquilmolhama apvisqui rey. Olyipconic sat apquiltemaclha quellhip. Quellhip alhta apquilsilhnanoncama enlhitaoc Israel, malha trampa apquilpicanma quellhip tingma Mizpa, malha yamyamayin almam enlhitaoc netin inquilhe Tabor.

JOEL 2:12

Aptomjac alhta Dios Apyimtalhnamo: ¡Elaylhojo quellhip! ¡Elpaycap apanco quellhip! ¡Elyanmonquis moc apquilvalhoc quellhip! ¡Elilpalhamam, elyapcalhaoc!

LEVÍTICO 16:29

Comasquejec sat mataa as singanamaclha nipyesicsa quellhip: vocmec sat ancoc diez acnim najan séptimo piltin ellanac sat fiesta quellhip. Noeltovaoc nasa quellhip as acnim, paj najan metnaja israelitas, noeltamjam nasa quellhip.

LEVÍTICO 26:40

Incovac sat acnim, yoyam elyicpilcangvomoc sat quellhip apquilsilhnanomap apanco. Najan apquiltemaclha apancaoc apquilyeyjamcaa. Ellhenic sat quellhip apquiltemaclha alhta selinmelhaycam.

SAN LUCAS 15:18

Pac otajiclhac sat mocjam tata tingma pac. Sat otnejic ongvanic: Tata, sicmasom nac coo (moyascalhma nac coo). Ayinmelham coo Ingyapam netin najan lhip.

JOSUÉ 18:26

najan Mizpa, najan Cafira, najan Mozah,

JUECES 10:10

Apquililmalhnaquic nic nat epasingvota Dios Visqui ingac. Apquiltomjac nic nat apquilanya: Dios Visqui ingac, avanjec ningilsilhnanomalhca inganco napato lhip. Ningiltomja ningyamasma lhip, ontimjic ningilayo quilaycmasquiscama ápaoc — nic nat apquiltomjac.

JUECES 10:15

Apquilatingmavoc nic nat israelitas: —¡Naso, ningilsilhnanomalhca inganco napato lhip! Itne sat lhip apquiltamjoclha etnejic, jingilmiyov nincoo quilhvo nac jay — nic nat apquiltomjac.

JUECES 2:4

Appenasquic nic nat appayvam ángel Dios apcasinancama. Yiplovcoc nic nat apquilyapcalhem acvanyam nipyesicsa israelitas.

JUECES 20:26

Apquiltajavoc nic nat mocjam tingma Betel singilpilhtetemo israelitas najan apyovoclhojo apquillhalhmaa. Apquilyapcalhquic nic nat napato Dios Visqui ingac. Am nic nat eltovcamcoc acyovoclhojo acnim. Apquilnapquic nic nat apnatoscama macmescama Dios acyanmongam melyascalhma. Apquiltingyac nic nat moc asoc macmescama Dios, yoyam colhic ayasicjayquiclho mocjam napato Dios Visqui ingac.

JUECES 3:10

Dios espíritu apanco apyipitcaclho Otoniel, epasmoc sat yoyam elvomsacpoc tap israelitas. Apquilimpocjac nic nat Otoniel najan apnaymacoc, apquilmam nic nat cotnaja ingmoc Cusan-risataim.

1 SAMUEL 1:15

Incatingmavoc nic nat Ana: —Jave. Paj coo anmin seyajem. Avanjec acmayovsa evalhoc coo, siltimnascama Dios.

1 SAMUEL 10:17

Apcansaclhec nic nat profeta Samuel aplhamoclhojo enlhitaoc Israel tingma Mizpa.

1 SAMUEL 12:10

Apquilyicpilcangvocmec nic nat apquiltemaclha apquilsilhnanomap apanco napato Dios. Ayinyema apquilyamasma alhta Dios, mepqui apquilayo. Apquiltomjac nic nat apquilayo quilaycmasquiscama acyitsomalhca Baal, najan quilaycmasquiscama Astarté. Apquilmalhnaquic nic nat Dios elvomsic tap nipyesicsa cotnaja ingmoc. Elaniclhac sat apquilvalhoc, eltimjic sat apquilayo Dios apvamlha pac lhama — ilhnic nat apquiltomjac enlhitaoc.

1 SAMUEL 7:15

Apvisqui apyicpilquemo ilhnic nat Samuel nipyesicsa enlhitaoc Israel.