1 SAMUEL 2:8 - Enhlit Bible

⁸ Aptomja apmiyasquiclha netin enlhit mepqui asoc, najan enlhit aplingaycamco acyimtalhnama. Colhic sat acnesa nipyesicsa apquilyimtalhnamo. Colhic sat ayaco ayinyema Dios. Aptomja apquilantipquiscama nic nat aclhamoclhojo asoc, aptomja najan apmasma aclhamoclhojo asoc.

1 SAMUEL 2:8 Iomraidhean Croise

GÉNESIS 41:14

Yejemoc nic nat apquilapajasa apvisqui faraón colhic altimnasa José. Aptipcasquic nic nat singilpilhtetomaclha. Aptingyasquic nic nat apyisem José. Apyanmoncaseclhec nic nat poc aptalhnama. Apvoclhec nic nat apnaclha apvisqui faraón.

GÉNESIS 41:40

Lhip sat etnejic apquimja apmamyi coo tingma ajac. Elilyejiclhojoc sat aplhamoclhojo enlhitaoc lhalhma anco. Paj poc apyimtalhnamo apanco, sicvamlha coo.

2 SAMUEL 7:8

Aptomjac nic nat mocjam Dios: —Itne sat ingyanic apvisqui David aptomja selancam: Eycaso sicpayvam sicvisay Dios Sicyimtalhnamo: Alyacyesquic alhta coo lhip apna amyip naysicsa aptamilquiscama apnatoscama. Actimescasquic alhta lhip apquimja apmamyi, etnejic apvisqui nipyesicsa enlhitaoc ajancaoc, enlhitaoc Israel.

1 REYES 16:2

Ingyeylhojo sicpayvam, mepqui alhta apyimtalhnamo lhip. Coo alhta sictimesquiscama lhip, etnejic apvisqui nipyesicsa enlhit ajancaoc Israel. Yitnec lhip aptemaclha apsilhnanoncama enlhit ajancaoc Israel, apno alhta apvisqui Jeroboam. Avanjec coo siclom, sicvita lhip aptemaclha apanco.

2 REYES 9:6

Apquinmaclhec nic nat netin Jehú etlhic moc aplhancoc. Apcatsiscasquic nic nat aceite apyitsicsic, aptomja apcanya: —Eycaso appayvam Dios Visqui ingac: Coo sictimesquiscama lhip etnejic apvisqui nipyesicsa enlhit ajancaoc Israel.

JOB 1:21

Aptomjac nic nat apquilmalhnancama Job: —Mepqui asoc sicvoy nat as nalhpop, sictemaclha sicaa. Mepqui asoc oyinyoc sat mocjam as nalhpop. Dios ayinyema acyovoclhojo asoc siclhoy coo. Eyinyovcasquic lhac mocjam acyovoclhojo asoc. ¡Colhic sat ayaco apvisay Dios! — nic nat aptomjac Job.

JOB 2:8

Apnaclhec nic nat Job acyitnamaclha tajap, apquilyinsepa apyimpejic acmasom.

SALMOS 102:25

Siclhoc nic nat apquillanay lhip as nalhpop. Lhip nic nat apquillanay netin.

SALMOS 104:5

Acyimnatem anco apquillanay lhip avjac as nalhpop. Mepqui acyovjeycam intomjac cotningvoyam nelha.

SALMOS 107:41

Aptamilquiscacmec mocjam acmayovsa apquilvalhoc enlhit mepqui asoc. Aplhamaseclhec mocjam apmolhama malha apyinatamaclha apnatoscama.

SALMOS 24:2

Apquillanac nic nat as nalhpop. Nicja yingmin nic nat appiquenac lhop najan nicja vatsam.

SALMOS 75:3

Coyovjam sat as nalhpop najan apyovoclhojo enlhitaoc. Coo eyca oyimnaticsojoc as nalhpop ayinyema sicmovan— nic nat aptomjac.

SALMOS 75:4

Actomjac coo silanya apquilyasquiyam najan apquilmapsomcaa: —Noelyimtalhnesacpojo apanco naysicsa ayajamalhco apquilvalhoc.

SALMOS 75:7

Dios apvamlha pac lhama singyicpilquemo: Colhic sat ayaco napocja enlhit, elvennacpoc sat poc.

ECLESIASTÉS 4:14

Aptipquic siclho singilpilhtetomaclha as enlhit mepqui apquilnatam, etniclhac sat apvisqui. Apquilitsovasoc alhta apnaymacoc enlhit.

ISAÍAS 22:23

Etniclhac sat netin apvisqui aptajanem apyimtalhnamo najan mayayo napatavo apquilmolhama najan napato apyap. Etnejic sat apyimnatem, acno clavo acticpamalhca yamit.

DANIEL 2:48

Aptimesacpec nic nat Daniel apyimtalhnamo, aplhocac nic nat cotlaycaoc asoc altamila. Apquiltimec nic nat etnejic apvisqui provincia yoclhilhma Babilonia, najan etnejic apvisay apquimja apmamyi nipyesicsa apquilyascamco apquiltemaclha maa.

DANIEL 4:17

Eycaso ayinyema siclho apquilpamejitsomap ángeles Dios apquilasinancama. Elyasingvomoc sat apyovoclhojo enlhitaoc, aptemaclha Dios apna netin apyimtalhnamo. Apvanquic etnesquisic apvisqui apjalhnancoc, apvanquic elvatesquisic apvisqui nipyesicsa enlhitaoc. Apvanquic etnesquisic apvisqui apjalhnancoc enlhit mepqui ayajamalhco apvalhoc.

DANIEL 6:3

Am nic nat epalhcac Daniel nipyesicsa apquiltamjaycamó lhama supervisores najan yatapquilviscaa, ayinyema acyivey apyascamco Daniel. Inlhenquic nic nat apvalhoc apvisqui rey, etnesquisic sat apvisqui apyimtalhnamo nipyesicsa apyovoclhojo enlhitaoc.

HEBREOS 1:3

Apquitca aptomja malha laneyo intalhamavo yoyam ongvita gloria ayitsayolhma apanco Dios. Innoc moc aptemaclha Apquitca najan aptemaclha Dios. Acmovan innac appayvam Apquitca, aptomja apcanama aclhamoclhojo asoc netin najan nalhpop. Apquitca ayinyema yoyam colmascosalhca mongilyascalhma. Quilhvoc apna netin apnaclha Dios apyimtalhnamo, napocja actamilaclha.

SANTIAGO 2:5

Quellhip elyalhinga. Dios Ingyapam aptomja apquilyacyescama enlhit mepqui apquilnatam as nalhpop. Apquiltamjoc coytic acyiviy melyasquiyam, malha acyitna apquilnatam. Apquiltamjoc ellhovangvomoc sat Dios apquilnancascama. Aplhanma ilhnic nat actomja nasoc anco yoyam elmesic apquiltomja apquilasicjayo.

EL APOCALIPSIS 1:6

Ingiltimescasquic apquilviscaa Cristo najan soycam amyaa, malha yoyam ongiltimjic ningilancam napato Dios aptomja Apyap Cristo. Colhic sat mataa ayaco Dios najan apmopvan cotmongvoycamlha nelha. Amén.

EL APOCALIPSIS 22:5

Mepqui alhtaa sat cotnejic maa. Coymalhquejec sat mataa calevascama najan, coymalhquejec acnim ayitsasquiscamalhma. Ayinyemaclha Dios Visqui ingac sat elsasquisic olhma. Eltimjic sat apquilviscaa aclhamoclhojo acnim cotmongvoycamlha nelha.

EL APOCALIPSIS 3:21

Apquilinlhanacmec sat ancoc enlhit apyiplovquiscama, olhnesic sat sicnaclha. Jelhojoc sat lhama sicmaclha netin sictajanem actomja Visqui aptajanem. Acno alhta coo lha silinlhanyacmo naysicsa sicyiplovquiscama. Acnacmec alhta lhama coo Tata apmaclha netin aptajanem actomja Visqui aptajanem.

EL APOCALIPSIS 5:10

Apquiltimescasquic lhip as enlhitaoc yoyam eltimjic apquilviscaa najan apquilancam napato Dios. Eltimjic sat apquilviscaa nipyesicsa enlhitaoc lhalhma anco —alhta intomjac apquilminaycmascama.

1 SAMUEL 15:17

Aptomjac nic nat profeta Samuel apcanya: —Naso, meyimtalhnamo alhta lhip siclhoc alhta. Quilhvoc aptomja lhip apvisqui apyimtalhnamo nipyesicsa enlhitaoc Israel. Innec alhta ayatsisquisa lhip ayinyema Dios yoyam etnejic lhip apvisqui nipyesicsa enlhitaoc Israel.