1 SAMUEL 2:3 - Enhlit Bible

³ Quellhip, noelyimtalhnesacpojo apanco. Noeltimesquis nasa apanco apquilyimtalhnamo. Apyasamcoc Dios aclhamoclhojo asoc. Apqyasamcoc Dios apquiltemaclha apancaoc quellhip.

1 SAMUEL 2:3 Iomraidhean Croise

1 REYES 8:39

Ingyeylhojo sat lhip apma netin. Imascos sat melyascalhma. Ilasicjiclhojo sat mocjam enlhitaoc. Ilyicpilcojo sat apquiltemaclha enlhitaoc, iyanmongsiclha sat apquiltemaclha. Apvamlha lhip aptomja apyascamco actemaclha apquilvalhoc aplhamoclhojo enlhitaoc.

JOB 31:6

Apyipconquic mataa Dios evalhoc coo. Mepqui sicsilhnanomalhca ajanco.

SALMOS 147:5

Apyimtalhnamo apanco Dios Visqui ingac. Acyivey apmopvan apanco. Apyascamco apanco cotmongvoyam nelha.

SALMOS 17:10

Cayjec mataa apquilvalhoc acyiplomo apquilyimtalhnesomacpo apanco.

SALMOS 31:18

Elvanmamcoc sat apquilmopvancaa amyaa. Cayjec alhta apquilpayvam selinmelhaycam sictomja sicpeyvomo. Apquiltemaclha alhta apquilyimtalhnesomap apanco najan selvennéycam coo.

SALMOS 44:21

Lhip apvamlha pac apyascamco nintemaclha nincoo. Ayalhnaclhojo ingilvalhoc napato lhip.

SALMOS 75:5

Noeltimesap apanco apquilyimnatem. Noellhamasap nasa quellhip — nic nat aptomjac.

SALMOS 94:4

Avanjec mataa apquilyimtalhnesomacpo apanco. Avanjec apquilpayvam apanco.

PROVERBIOS 16:2

Ninganayquic mataa nincoo, actomja actamila nintemaclha inganco. Apyasamcoc Dios actemaclha ingvalhoc, epquiniclhac ayalhnaclhojo ingvalhoc.

PROVERBIOS 24:12

¿Am ya alhta eyasamcoc lhip? Apvanquic Dios epquiniclha ayalhnaclhojo lhip apvalhoc. Apyasamcoc Dios actemaclha ingvalhoc nincoo, eyanmongsiclhac sat nintemaclha inganco.

PROVERBIOS 8:13

Ningayo Dios Visqui ingac, acvisay nintanoncama asoc acmasom. Actanovquic coo ayajamalhco ingvalhoc najan ningyimtalhnesomalhco inganco, najan ningmovan amyaa najan nintemaclha acmasom.

ISAÍAS 26:7

Peyvoc mataa amay apquilyiplayclha enlhit apquilpeyvomo. Lhip Visqui ingac aptomja appeyvescasquiclha amay.

ISAÍAS 37:23

¿Soc lha aplhenacpo apvenneycam mataa lhip? ¿Soc lha aplhenacpo apquinmelhaycam mataa lhip naysicsa apyimtalhnesomacpo apanco? Apquinmelham lhip Dios mayayo nipyesicsa enlhitaoc Israel.

JEREMÍAS 17:10

Coo sicvisay Visqui sicyascamco actemaclha anco apquilvalhoc enlhit, najan alquitamsama apquilvalhoc enlhit. Oyanmongsiclhac sat mataa apquiltemaclha apancaoc enlhit, apquiltomja inlhojo apquilmapsomcaa. Ellhovamcoc sat acyanmongam enlhit apquiltamila.

EZEQUIEL 35:13

Apquilantipcasquic alhta sicvisay selinmelhaycam coo, alhta intomjac siclingay.

DANIEL 4:37

Coo sicvisay Nabucodonosor. Actimec coo siyayo Dios apna netin, apvisay Mayayo najan Apyimtalhnamo. Aptomja appeyvomo najan nasoc anco aptemaclha. Apvanquic eyinyovsic (elvatesquisic) apquiltemaclha apancaoc enlhit apquilyimtalhnamo.

DANIEL 5:27

TEKEL - ningiltimem apquilyipsatomap lhip balanza, covocmo inlhojo kilo pac.

MALAQUÍAS 3:13

Aptomjac alhta Dios Apyimtalhnamo: Asquejec alhta apquilpayvam selinmelhaycam quellhip. Apquiltomjac mataa quellhip: ¿Co laa ayinyema ningilinmelhaycam lhip? — alhta apquiltomjac quellhip.

HEBREOS 4:12

Acmovan innac Dios appayvam actomja acyimnatescama ingnenyic. Dios appayvam actomja acpalhcatma nintemaclha inganco yoyam coyipitquiclhejec moc: actemaclha anco ingvalhoc najan actemaclha ningvanmoncama najan actemaclha acsovjomo ningyovoclhojo. Actomja acpiquinayclha ayalhnaclhojo alquitamsama ingvalhoc najan acmayjayoclha ingvalhoc.

JOSUÉ 22:22

—Apyasamcoc Dios Visqui apyimtalhnamo, am colhno moc dioses. Nintemaclha alhta mepqui ningilinmelhaycam najan mepqui ningyamasma Dios Visqui ingac. Apyasamcoc maa Dios Visqui apyimtalhnamo. Elyasamcojoc sat quellhip lha apquilmolhama Israel: Nasoc sat ancoc ningilinmelhaycam najan ningyamasma Dios Visqui ingac. Eyanmongsiclhac sat nintemaclha inganco Dios Visqui ingac. Nasoc sat ancoc ningillanay altar ningayoclha Dios, yoyam ontingya asoc acmatnam macmescama Dios, najan acyilhna macmescama Dios, najan macmescama actemaclha singasicjayquiclha mocjam, jingilyicpilcojoc sat Dios, yoyam colhic acpeyvescasquiclha amyaa.

EL APOCALIPSIS 2:23

Olnajapsic sat ayitquic as quilvana. Elyasingvomoc sat aplhamoclhojo Jesucristo apmolhama actemaclha sicmovan olyicpilcojo apquilvalhoc apancaoc. Oyanmongsiclhac sat apquiltemaclha moclhama quellhip.

JUECES 9:38

Apcatingmavoc nic nat Zebul: —¡Apyimtalhnesomap apanco nac lhip! Lhip alhta appayvam: Meyimtalhnamo nac Abimelec, montimjic sat ningiltimesaycam. ¡Quilhvoc apquilvaa singilpilhtetemo! ¡Ingva, elimpocja, elvascap apquilnapma! — nic nat aptomjac Zebul.

1 SAMUEL 16:7

Aptomjac nic nat Dios apcanya profeta: —Noncolhen nasa apvalhoc lhip actemaclha apvitay apyovoclhojo najan aptemaclha apvinatem. Am alhta olyacyasac coo. Moc actemaclha ningilyacyescama nincoo moc actemaclha apquilyacyescama Dios. Ningilanoc mataa apyovoclhojo ningvita enlhit. Dios eyca apquilanoc mataa apvalhoc enlhit — nic nat aptomjac.