1 SAMUEL 13:2 - Enhlit Bible

² Apquilyacyesquic nic nat Saúl tres mil apnaymacoc israelitas. Apquilnaclhec nic nat tingma Micmas dos mil enlhitaoc, najan payjoc Betel. Poc nic nat mil enlhitaoc apquilnaclho tingma Gabaa, tribu Benjamín. Aplhalhma ilhnic nat Jonatán. Poc apquilaymomap nic nat apquilapajasa eltajiclha, apcanama ilhnic nat Saúl.

1 SAMUEL 13:2 Iomraidhean Croise

2 SAMUEL 20:1

Apnec nic nat lhama enlhit apmapsom apvisay Seba, apyap nic nat Bicri, apquilmolhama ilhnic nat Benjamín, tingma pac nic nat Gilgal. Apcansaclhec nic nat enlhitaoc acyiplomo apquilmaycam, aptomja apquilanya: —Metnaja ningmolhama apvisqui David, Isaí apquitca. ¡Copvanquejec etnejic visqui ingac! ¡Quellhip apquilmolhama Israel, eltajiclha sat apyovoclhojo! — nic nat aptomjac.

2 SAMUEL 21:6

Jingilmes sat siete aptovana niptamin Saúl, yoyam ongilnapoc napato Dios tingma Gabaa, nano tingma pac Saúl, Dios apquilyacyescama — nic nat apquiltomjac. Apcatingmavoc nic nat apvisqui David: —Elvitac sat quellhip apquillhena lhac — nic nat aptomjac.

2 SAMUEL 23:29

Poc nic nat Heled, Baana apquitca co Netofa. Poc nic nat Itai, Ribai apquitca co Gabaa yoclhilhma Benjamín.

ESDRAS 2:27

Micmas aptovana - 122

NEHEMÍAS 11:31

Apquilnaclhec alhta apquilmolhama Benjamín payjoc Geba, Micmas, Aía, Betel, najan tingma nipyava maa.

JOSUÉ 18:28

najan Zela, najan Elef, najan Jebús (Jerusalén), najan Gabaa, najan Quiriat. Apyovoclhojo catorce tingma apquilvanyam najan tingma nipyava maa. Eycaso apquillhoy nic nat clanes apquilmolhama tribu Benjamín.

JOSUÉ 22:6

Yiplovcoc nic nat apquilmalhnesquiscama Josué apayvasa apnaymacoc. Apquiltajaclhec nic nat maa.

JUECES 19:12

Apcatingmavoc nic nat levita: —Mongvanquejec ongilpalhcac tingma apvanyam metnaja nintemolhama israelita. Ongilpeyvojoc sat tingma Gabaa.

1 SAMUEL 10:26

Apquilapajasquic nic nat profeta Samuel eltajiclha aplhamoclhojo tingma apancaoc. Aptajaclhec nic nat Saúl tingma Gabaa. Apquillhalhmaa ilhnic nat enlhitaoc apquilsoycam apquilmaycam. Dios nic nat aptimesquiscama moc actemaclha apquilvalhoc.

1 SAMUEL 10:5

Natamin evoclhac sat lhip inquilhe ayitcoc acvisay Dios apanco. Apnam maa tropa singilpilhtetemo filisteos. Natamin evoclhac sat tingma apvanyam. Eltajanyac sat lhip yamaplhamocma profetas Dios apquillingascama apquilinyema netin inquilhe. Elpayvacsic sat apquilpayvascama salterio najan pandero najan yamamoc najan yataalhpong. Ellingacsic sat amyaa ayinyema espíritu apanco Dios.

1 SAMUEL 13:1

Am nic nat etnajac apquitcoc Saúl, aptimesomap apvisqui nipyesicsa apnaymacoc israelitas. Dos años nic nat aptimem apvisqui.

1 SAMUEL 13:11

Aptomjac nic nat Samuel apcanya Saúl: —¿So actomja yi apquillana nac lhip? — nic nat aptomjac. Apcatingmavoc nic nat Saúl: —Acvitac lhac apquilhpaneycam enlhitaoc, naysicsa mevactamo lhip. Apcaneclhec filisteos tingma Micmas, ellanac apquilimpocjay.

1 SAMUEL 13:15

Apquimpaclhec nic nat Samuel tingma Gilgal, aptajaclho mocjam. Apquilyiplaclhec nic nat Saúl enlhit apquilaymomap, yoyam elimpocjac maa. Apquilyinyovquic nic nat tingma Gilgal, apquilvoclho tingma Gabaa, tribu Benjamín. Apquilyipsatacpec nic nat seiscientos apquillhalhmaa enlhitaoc.

1 SAMUEL 13:16

Apquicjingvocmec nic nat apquillhalhmaa najan Saúl najan apquitca Jonatán, payjoc tingma Gabaa apquilmolhama tribu Benjamín. Apquicjingvocmec nic nat filisteos tingma Micmas.

1 SAMUEL 13:23

Apquilapajasacpec nic nat grupos filisteos, payjoc paso de Micmas.

1 SAMUEL 13:5

Apcaneclhec nic nat filisteos elnapacpoc sat israelitas. Inquilyipsatalhquic nic nat treinta mil carros najan seis mil nolhing apcapaoc. Najan enlhit nalhapaoc mongmovan ongilyipsitic. Apquilmiyaclhec nic nat tingma Micmas. Apquillanac nic nat carpa tingma payjoc Bet-aven, nicja actiyapmaclha acnim.

1 SAMUEL 14:31

Apquilnapacpec nic nat israelitas. Apquilinyajamquic nic nat filisteos tingma Micmas acvaycmo Ajalón. Apquilyampavoc nic nat israelitas.

1 SAMUEL 14:5

Lhama acyitna nilhqueyja, payjoc Micmas. Moc acyitna nipiyam, payjoc Gabaa.

1 SAMUEL 14:52

Avanjec nic nat apquilnapomap Saúl apquinmelhaycam filisteos, aclhamoclhojo acnim aptiyascam nic nat Saúl. Apcanyacpec nic nat mataa enlhit apyimnatem najan apvascapma etnejic appasmeyquiclha Saúl.

1 SAMUEL 15:34

Apmiyaclhec nic nat profeta Samuel tingma Ramá. Apmiyaclhec nic nat Saúl tingma pac apvisay Gabaa de Saúl.

1 SAMUEL 24:3

Apvitac nic nat naysicsa aplhingam nipquesic aplhancoc. Ningatoc nic nat maa mataymong avalhoc, apquilyilhanmomaclha siclho David najan apquillhalhmaa. Am nic nat elvitacpoc maa congne. Aptalhnec nic nat siclho Saúl yoyam eyanic.

1 SAMUEL 26:2

Appecjam nic nat Saúl. Apcansaclhec nic nat tres mil singilpilhtetemo apnaymacoc apquilyimnatem. Apquilpeyvoc nic nat yoclhilhma actamopeycaoc payjoc Zif, elsovjam David.

1 SAMUEL 8:11

Aptomjac nic nat apquilanya: —Sat cotnejic aptemaclha apvisqui nipyesicsa quellhip. Ingyansiclhac sat apquitquic quellhip apvisqui yoyam eltimjic singilpilhtetemo. Eltimjic sat apquillhinquiscama carro najan nolhing apcapaoc. Eltimjic sat apquinincaycaoc amamyi apvisqui carro pac.