1 SAMUEL 12:3 - Enhlit Bible

³ ¡Jelanojo coo! Jeltimnas sat napato Dios najan napato apvisqui apjalhnancoc, acyitna inlhojo sicsilhnanomalhca ajanco nipyesicsa quellhip. ¿Apcanyacpe ya lhama enlhit jemquecsic aptoscama vayqui najan yamelyeyjaycoc? - Paj inyicje. ¿Soc enlhit aplingamcoc alhta acyimtalhnama ayinyema coo? - Paj inyicje. ¿Naso ya siclhoy acyanmongam ayinyema sicmasma enlhit apsilhnanomap apanco? - Paj inyicje. Evanquic otajicsojo quilhvo nac jay — nic nat aptomjac Samuel.

1 SAMUEL 12:3 Iomraidhean Croise

2 SAMUEL 22:22

Acyiplovcasquic mataa appayvam Visqui ingac. Am alhta oyinyavac Dios Visqui ajac (am osilhnanalhcac ajanco).

NEHEMÍAS 5:11

Pac olmalhnac quellhip, yoyam eltajicsojoc mocjam apquilmam alhta amyipayc najan ayimjaclha uva najan ayimjaclha olivos najan tingma apancaoc. Elmascos sat quellhip apquilmaycaoc nasa solyayem, najan nintom actic, najan uva ayingmenic najan aceite — alhta actomjac coo.

SALMOS 15:5

Aptomja mepqui acyanmongvoyam tap solyayem macmaycaoc. Aptomja melyajayquiclho apcanyomap epjescomoc apmapsom poc. Emyovacpoc sat cotmongvoycamlha nelha aptomja apyiplovquiscama as asoc.

ÉXODO 20:17

Mongvanquic ontimjic inganco poc enlhit tingma pac, poc enlhit aptava, poc enlhit apquilmomap najan quilvana almomalhca, poc enlhit aptoscama vayqui najan aptoscama yamelyeyjaycoc najan moc asoc apanco poc enlhit— nic nat intomjac singanamaclha ayinyema Dios Apyimtalhnamo.

ÉXODO 22:4

Inyancac sat ancoc as enlhit vayqui acminyilhamalhca, najan yamelyeyjaycoc, najan nipquesic apminyilhamap. Etlhajac sat anit acyanmongam vayqui, anit acyanmongam yamelyeyjaycoc, najan anit acyanmongam nipquesic.

ÉXODO 23:8

Noelma nasa asoc malmescama (solyayem) ayinyema apquilyinimquiscama. Colhnanmoc sat acyascamco apquilvalhoc enlhit. Colhejec sat acpeyvescasquiclha enlhit mepqui apsilhnanomap apanco.

PROVERBIOS 15:27

Ongiltovasalhcac sat nincoo najan ningmolhama, ningmam inlhojo soborno solyayem. Ongilmiyovalhcac sat, mepqui inlhojo ningmam soborno solyayem.

LEVÍTICO 6:4

Aptomja apquinmelhaycam Dios ayinyema pecado apsilhnanomap apanco. Incaymalhquic enlhit etajicsojoc asoc acminyilhamalhca, najan asoc acnatamomalhca, najan asoc apmaycam siclho, najan asoc apvitayclha actiyam poc apanco.

LEVÍTICO 6:5

Najan etajicsojoc sat asoc aplhanma siclho nasoc anco, yoyam etajicsojo. Etajicsojoc sat acyovoclhojo asoc actomja avtip apanco, más una quinta parte, actemaclha acyanmongam acvoncapaycaoc naysicsa apyantamayquinta aptoscama macmescama Dios acyanmongam apsilhnanomap apanco.

NÚMEROS 16:15

Aplovquic nic nat Moisés. Aptomjac nic nat Moisés apcanya Dios: —¡Nongyasicjiclhojo nasa as apcanit! ¡Nomá nasa tacja ofrenda apquilmescama nasa! ¡Coo eyca, paj otvasac mataa as apcanit najan apnaymacoc, paj coo omac tacja lhama yamelyeyjaycoc! — nic nat aptomjac Moisés napato Dios.

SAN MATEO 22:21

Apquilatingmavoc alhta enlhitaoc: —Apvisqui apanco —alhta apquiltomjac. Aptomjac alhta mocjam Jesús: —Elmesiclha apvisqui asoc actomja apancaoc. Elmesiclha Dios Ingyapam asoc actomja apancaoc —alhta aptomjac.

SAN LUCAS 19:8

Yejemoc alhta apquiningvoclho Zaqueo apnaclha Jesús, aptomjac alhta: —Visqui, quip ilanojo. Pac omlascoc nalhit silnatam enlhit mepqui apquilnatam. Ayajemo alhta silyinimcascam enaymacoc, cuatro sat otnejic acyanmongayclha —alhta aptomjac.

LOS HECHOS 20:33

Am alhta ongvanayc jelmesic solyayem (oro najan plata) najan apava.

2 CORINTIOS 12:14

Acpecjamoc coo mocjam yoyam otnejic maycaa nipyesicsa quellhip. Natqui sat cotnejic sicvoyclha nipyesicsa quellhip. Otnajam sat mocjam mepqui acyanmongam yoyam moyimtalhnecsic apquilvalhoc. Am otingyac coo mataa quellhip solyayem. Inlhenquic mataa evalhoc actemaclha apquilvalhoc quellhip. Incaymalhquic mataa apyap najan inquin colmesic asoc ayitquic. Jave ayitquic yoyam conyema apquilmescama asoc.

DEUTERONOMIO 16:19

Noelyeycajas nasa nintemaclha acpeyvomo, noelmiyov nasa apnaymacoc apquilsilhnanomap apanco, ayinyema apquillhoy acyanmongam soborno elyinimsic poc. Elsilhnanacpoc apanco enlhit apquilpeyvomo najan apquilyascamco, apquillhoy acyanmongam soborno actemaclha apquilyinimquiscama.

1 TESALONICENSES 2:10

Quellhip alhta apquiltomja singilvitaycamco. Najan lha Dios aptomja singvitaycamco actemaclha alhta ningileyvam nipyesicsa quellhip apquiltomja melyasquiyam. Ningiltamilsalhcoc alhta inganco actemaclha actamilaycam ingvalhoc najan actemaclha acpeyvomo najan mepqui ningilsilhnanomalhca.

1 TESALONICENSES 2:5

Apquilyasamcoc quellhip nintemaclha alhta. Am ongillhinganimcasac ningilpayvam inganco yoyam ongilpocsic actemaclha ayitsepma ingnenyaoc. Am alhta ongiltamjoc ongillhovac solyayem. Nasoc anco nintemaclha, Dios aptomja singvitayo.

1 SAN PEDRO 5:2

Eltamilquis sat quellhip Jesucristo apmolhama, malha quilancam nipquesic apquiltamilquiscama apnatoscama. Nocollhen nasa apquilvalhoc apquiltomja apquilanyomap yoyam eltamilsic. Eyca colcojo sat mataa apquilvalhoc yoyam eltamilsic naysicsa coyimtalhnamo ingvalhoc actemaclha apyisponcama Dios. Nocollhen nasa apquilvalhoc acyanmongam apquiltamjaycam yoyam ellhovac. Eltamilquis sat Jesucristo apmolhama acyiplomo apquilasicjayo najan acpayjayclha apquilvalhoc.

1 SAMUEL 10:1

Apmec nic nat profeta Samuel alhancoc ningatsisquiscama ingyimpejic. Apyilhvatasquic nic nat apyitsicsic Saúl. Appitsisquic nic nat apmalhimpenic. Aptomjac nic nat profeta apcanya Saúl: —Innec lhac ayatsisquisa lhip. Dios aptimesquiscama lhip apvisqui nipyesicsa enlhitaoc Israel.

1 SAMUEL 12:4

Apquilatingmavoc nic nat: Am alhta onlingamcoc acyimtalhnama, am alhta elhcac lhip acyanmongam, ayinyema apmasma enlhit apsilhnanomap apanco — nic nat apquiltomjac.

1 SAMUEL 12:5

Aptomjac nic nat Samuel apquilanya: —Dios aptomja apvitaycamco, najan apvisqui apjalhnancoc. Mepqui alhta sicsilhnanomalhca ajanco nipyesicsa quellhip — nic nat aptomjac. —Eje, payjoc aplhanma lhac — nic nat apquiltomjac.

1 SAMUEL 2:35

Otingyac sat lhama sacerdote appeyvomo, mepqui apyinimquiscama, aptomja apyiplovquiscama siyanamaclha coo. Etnejic sat aptimesaycam apvisqui silyacyescama coo. Eltimjic sat sacerdotes aptovana cotmongvoycamlha nelha.

1 SAMUEL 24:11

Quip ilanojo, sicmaycam nipva apcalomap, sicyatemenma lhac maa. Evanquic lhac inyicje ongvajic lhip. Quilhvoc apyasamcoc lhip mepqui sicmasom coo, yoyam ongvajic lhip. Mepqui sicsilhnanomalhca ajanco. Lhip visqui ajac, aptomja seyamascam yoyam jeyajic.

1 SAMUEL 24:6

Aptomjac nic nat David apquilanya apquillhalhmaa: —Jemyoc sat Dios. Movanquejec ongvajic visqui rey. Dios alhta aptimesquiscama apvisqui, otnejic siyayo — nic nat aptomjac.

1 SAMUEL 24:7

Apmiyovquic nic nat David eltimesquisic apmapsom Saúl. Mematnejec sat maa. Aptipquic nic nat mataymong avalhoc Saúl, yoyam etyisam.

1 SAMUEL 26:11

Jepasmoc sat Dios. Mongvajejec sat coo Dios Apquilyacyescama. Ilic sat lhip sovjeva ayimja aptiyanmeycaoc najan yingmin alhancoc. Noc, ontajojoc mocjam — nic nat aptomjac David.

1 SAMUEL 26:9

Apcatingmavoc nic nat David: —¡Nongya nasa! Copvanquejec enlhit ingyajic Dios apquilyacyescama. Elngamcojoc sat acyimtalhnama.