Make 4:8 - Enga Niu Tesamene

⁸ Ee wai yangi dupa yuu epe dupanya pao sia. Sia dupa langa lao andapala dii mandea. Yangimi dii 30 lao mandea. Yangimi dii 60 lao mandea. Yangimi dii 100 lao mandeana” lea.

Make 4:8 Iomraidhean Croise

Matyu 13:23

Ee wai yangi yuu epenya lyandeana lalo dokonya tenge doko dake: Endakali yangimi pii doko soo nyepala, yangimi dii 100 lao mandenge, yangimi dii 60 lao mandenge, yangimi dii 30 lao mandengena” lea.

Matyu 13:8

Ee wai yangi dupa yuu epe dupanya pao sia. Sia dupa andao dii mandipala, yangimi dii 100 lao mandea. Yangimi dii 60 lao mandea. Yangimi dii 30 lao mandea.

Make 4:20

Ee wai yangi yuu epenya lyandeana lalo dokonya tenge doko dake: Endakali yangimi pii doko soo nyepala, yangimi dii 30 lao mandenge, yangimi dii 60 lao mandenge, yangimi dii 100 lao mandengena” lea.

Make 4:7

Ee wai yangi dupa lyiki tenge palenge dupanya pao sia. Sia dupa langa leaka doko, lyiki tambetambe andapala kui pyambeamopa, dii namandea.

Make 4:9

Dopa latala baame lao pituu, “Nambame pii lelyo dutupa endakali kale katenge dupame sepengena” lea.

Luku 8:15

Ee wai yangi yuu epenya pao siana lalo dokonya tenge doko dake: Endakali yangimi pii doko auu kaeyao sepala, tenge angi doko nyoo monanya mandipala, yakinala naeyao dii mandyoo katengemana” lea.

Luku 8:8

Ee wai yangi dupa yuu epe dupanya pao sia. Sia dupa andapala dii 100 laowaka mandeana” lea. Pii dutupa latala baame puu lao, lao pituu, “Nambame pii lelyo dutupa endakali kale katenge dupame sepengena” lea.

Jone 15:5

Waene itange doko namba. Wangya dupa nyakama. Nyakama nambanya mona andaka nakatatamino doko, nyakamame kapa pao mende napitami. Tenge dokonya, endakali mende nambanya mona andaka katatamo doko, namba baanya mona andaka katatopa, baame dii longo mandita.

Jone 7:17

Nambame mana lelyo dupa Goteme dimupa lelyepe, nambanya kyetome lelyepe lao, Gotenya masingili pyoo kalai pitoo lao maseta endakali dokome kandata.

Aposole 17:11

Juu endakali mona epe palenge mendapu Beria kateami dupame Tesalonaika kateami dupa ita minao, wai pii epe doko etete nee kaeyao siami. Sepala pii Polome lea dupa kiningi lelyape lao, Gotenya pii pepa pyapae singi dupa koteaka lao kandakondape pyoo kandao kateami.

Epesusa 2:21

Anda dokonya naima kilya pulimbanepi joo Kamongo-kisa petae katamanopa, baanya anda nee nyetae doko kalyamo.

Pilipae 1:11

Mana tolatae dupa Jisasa Kraisame nyakama-kisa tumbasetamopa, endakali dupame kandatala Gote kenge andake maiyoo mambo pyao katataminopa lao, nambame nyakamanya loma sekengeaka.

Kolosi 1:6

Wai pii epe doko yuu dupa pitakanya andao dii mandyoo taelyamo. Dopaka pyoo, kiningi pii doko nyakamame sepala, Gotenya kondo kaenge doko dopale-lamona lao tee pyao siamino gii dokonya pituu, wai pii epe doko nyakamanya kainanya andao dii mandelyamo.