Make 12:9 - Enga Niu Tesamene

⁹ Dopa piami dokonya, waene ee tange dokome aipa pita? Baa ipupala, ee isakamaingi dupa pyao kumasetala, waene ee doko akali waka mendapuame isoo katekena lao maita.

Make 12:9 Iomraidhean Croise

Matyu 12:45

Dokopa baa ita minao imambu etete koo kalange mendatupa lanyepala, anda dokonya kolandatala katengema. Dokopa, wamba akali doko kopeta katengeaka doko, imambu koo dutupa baa-kisa ipao palelyaminopa, baa eteteaka kopeta katenge. Endakali koo pingi indupa palelyamino dupa-kisa dopaka pitamopa, etete kopeta katatamina” lea.

Matyu 21:34

Waene wambu pingi gii doko tengesa piamopa, baanya kalai akali mendapu ee isakamaingi dupa kateami dokonya pupala, waene dii baa nyepenge dupa lyao peekena lao nyala pena lea.

Matyu 21:43

Nambame nyakama langilyo: Goteme baanya kingdom doko nyakamame isakala naeyalapale lao daa latala, kingdom dokonya dii mandena lao kalai pitami akali tata mendeme isoo katekena lao maita.

Matyu 22:7

Dopa piami doko kiŋi dokome sepala, baa imbu kaeya. Imbu kaeyapala baanya amii dupa pena leamopa, dupame baanya kalai akali pyao kumasiami endakali dupa pyao kumasetala, dupanya siti doko yangeami.

Make 12:10

‘Anda pingi dupame anda pipenge kana mende koeyapae-lamo latala yakineami doko kana mupa jetelyamo. Kana mupa jetelyamo doko Kamongome pipya dokonya, naimame eteteaka auu kaeyao sanya kandelyamanona’ lao Gotenya pii pepa pyapae singi dokonya silyamo dake nyakamame itaki napiamipi?” lea.

Make 12:8

Dopa latala, wane doko minatala pyao kumasiami. Pyao kumasetala, baa waene ee dokonya kamalya pyale leami.

Luku 19:27

Nambanya yandapipi dupame namba kiŋi nakalyale lao masiamino dupa asa laminao ipupala, nambanya enombanya pyao kumasalapa’ leana” Jisasame lea.

Roma 10:20

Gotenya kambu alo pyoo, Aisaiyame paka nakaeyao kyeto joo dapa lea-pyaa: “Namba kutala naeyamino endakali dupame namba kandeami. Namba kandamana lao tipa napiamino endakali dupame namba kandena lao paneona” lea-pyaa.