Make 12:2 - Enga Niu Tesamene

² Waene wambu pingi gii doko epeamopa, baanya kalai akali mende ee isakamaingi dupa kateami dokonya pupala, waene dii mendapu lyao peekena lao nyala pena lea.

Make 12:2 Iomraidhean Croise

Matyu 21:34

Waene wambu pingi gii doko tengesa piamopa, baanya kalai akali mendapu ee isakamaingi dupa kateami dokonya pupala, waene dii baa nyepenge dupa lyao peekena lao nyala pena lea.

Make 12:1

Jisasame kongali pii mendapu dokaita tee pyao lamaiyoo, “Akali mendeme yuu mende kakopatala, waene ee pokea. Pokatala dii lyao nyepala waene ipange nyalanya dii dupa indyepenge yuli mende tombao wasia. Wasetala ee doko kandao isoo pitipenge anda ketae mende pia. Dopa petala ee pokenge akali mendatupa baame lamaitala, waene dii mendatupa tange nyepengena, ee doko isoo katekena lea. Dopa latala baa yuu londati mendakaita pao katea.

Make 12:3

Kalai akali doko pateamopa, ee isakamaingi dupame baa minatala pyao indiami. Dopa petala baa mee pena leami.

Luku 12:48

Dopaka doko, kalai akali mendeme masala naeyao, kalai kopeta pita mendenya baa konjame longo lao pyao indyala naeyapenge-tamo doko, baa kukiaka pyao indyeta. Akali mende longo lao mailyamo doko, longo laowaka mokosoo peekena lenge. Akali mendeme longo lao isekena lao mailyamo doko, baa-kisa longo lao tee lengena” lea.

Luku 20:10

Waene wambu pingi gii doko epeamopa, baanya kalai akali mende ee isakamaingi dupa kateami dokonya pupala, waene dii mendapu lyao peekena lao nyala pena lea. Kalai akali doko pateamopa, ee isakamaingi dupame baa pyao indyepala, mee pena leami.

Ibru 1:1

Wamba naimanya yumbange dupa Goteme paa longosa, kaitini longonya propeta dupa-kisa pii lamaiya-pyaa. Dopaka doko, indupa yuu gii etao dakenya Goteme baanya Ikiningi doko-kisa naima pii langilyamo. Baanya Ikiningi doko minatala yuupa kaitipa dolapo pyoo injetala, dupa pitaka Ikiningi doko etete nyetana lao makande lea-pyaa.