Make 12:10 - Enga Niu Tesamene

^10-11 ‘Anda pingi dupame anda pipenge kana mende koeyapae-lamo latala yakineami doko kana mupa jetelyamo. Kana mupa jetelyamo doko Kamongome pipya dokonya, naimame eteteaka auu kaeyao sanya kandelyamanona’ lao Gotenya pii pepa pyapae singi dokonya silyamo dake nyakamame itaki napiamipi?” lea.

Make 12:10 Iomraidhean Croise

Matyu 12:3

Dokopa Jisasame dokaita lamaiyoo, “Dapitapi, baa-pipa kateamipi, dupa lopo kaeyapala, baame pia doko nyakamame itaki napiamipi?

Matyu 19:4

Dopa leaminopa baame dokaitanya pii yanu pyakamaiyoo, “Tee pia dokopa, endakali wasingi dokome enda akalipa lao wasia. Wasepala baame lao pituu, ‘Tenge dokonya, akalimi baanya endangi takangepa dolapo yakinatala, baanya etanenge dokopa tole pyao pititambinopa, dolapo yonge mendai jetana’ leana lao pepa pyapae silyamo doko nyakamame itaki napiamipi?

Matyu 21:16

Imbu kaeyapala dokaitame Jisasa lamaiyoo, “Wane koo dupame lelyamino dupa embame silyipi?” leami. Dopa leaminopa baame yanu pyao, “Nambame silyo. ‘Wane koopi, ŋaŋa andu nengepi, dupame kambumi emba mambo pyataminopa lao embame depa lanya seteena’ lao pepa pyapae singi doko nyakamame yuu mendaipi mende itaki napiamipi?” lea.

Matyu 21:42

Dopa leaminopa Jisasame dokaita lamaiyoo, “ ‘Anda pingi dupame anda pipenge kana mende koeyapae-lamo latala yakineami doko kana mupa jetelyamo. Kana mupa jetelyamo doko Kamongome pipya dokonya, naimame eteteaka auu kaeyao sanya kandelyamanona’ lao Gotenya pii pepa pyapae singi dupanya pyapae singi doko yuu mendaipi mende nyakamame itaki napiamipi?

Matyu 22:31

Endakali kumapae dupa sakatatami dokonya, Goteme nyakamanya pii lanya setekeamo dake itaki napiamipi?

Make 12:26

Ita saka mendenya ita yuli teana lao Mosesanya buku dokonya pepa pyapae singi doko itaki napiamipi? Atome dokonya Goteme Mosesa lamaiyoo, ‘Abraamepi, Aisakepi, Jekopepi dutupanya Gote doko nambana’ lea. Baa kumapae dupanya Gote daa. Baa saka katenge dupanya Gote. Dopana, Goteme endakali kumapae dupa sakatasala naeyatana lao nyakamame lelyamino doko etete kopeta lelyaminona” lea.

Make 12:9

Dopa piami dokonya, waene ee tange dokome aipa pita? Baa ipupala, ee isakamaingi dupa pyao kumasetala, waene ee doko akali waka mendapuame isoo katekena lao maita.

Make 13:14

“Lotuu anda nee nyetae koeyasingi, myuku pipae mende ipatana lao propeta Danieleme lea doko, nasepenge panda dokonya setamopa kandatami gii dokopa, endakali Judia katatami dupa yuu manda dupanya paka pupenge jeta.” (Pii dake itaki pyate dokome tenge doko kutao nyepe.)

Make 2:25

Dokopa Jisasame dokaita lamaiyoo, “Dapitapi, baa-pipa kateamipi, dupanya nee napenge mende nasiamopa lopo kaeyapala, baame pia doko yuu mendaipi mende nyakamame itaki napiamipi?

Luku 6:3

Dokopa Jisasame dokaitanya pii yanu pyakamaiyoo, “Dapitapi, baa-pipa kateamipi, dupa lopo kaeyapala, baame pia doko nyakamame itaki napiamipi?

Roma 9:33

Pii doko kyeto tasoo Gotenya pii mende dapa lao pepa pyapae silyamo: “ ‘Salapape! Endakali dupa pyalya minatala lombapae sepenge kana mende nambame Saeyone dokonya pisetelyo. Kana doko tungi pyatami endakali dupa elya kaeyala naeyatamina’ Goteme leana” lapae silyamo.