Make 11:1 - Enga Niu Tesamene

¹ Dokaita pao Jerusalema tengesa, Olipimanda dokonya taono Betepasapa, Betaniapa dolaponya pyakalyetala, Jisasame baanya disaipolo lapoma wambao pena lea.

Make 11:1 Iomraidhean Croise

Matyu 21:17

Dopa latala baame dokaita yakinatala, siti dokonya kamaka pyakalyetala, Betani pao palea.

Matyu 24:3

Jisasa Olipimanda peteamopa, disaipolo dupa elyakalao ipupala baa lamaiyoo, “Embame lelyeno dutupa gii andukupa pita? Embame naima langi. Yuu etapenge gii dokopa, emba ipate gii dokopa, dolaponya kongali aipale mende pitape?” leami.

Matyu 26:30

Dopa lateamopa, dokaitame wee mende latala kamaka pyakalyiami. Pyakalyetala dokaita Olipimanda peami.

Make 11:2

Pena latala dolapo lamaiyoo, “Yuu yakane nyakambanya enombatena silyamo dokonya pupa. Pao pyakamalu pitambinopa, dongi ŋaŋa, wamba endakali mende napetenge mende anjetae katatamopa kanjambinona, doko tata lao minao ipupape.

Make 13:3

Jisasa Olipimanda pituu, lotuu anda nee nyetae doko katenge dokaita-kaita kandamatae petea. Peteamopa Pitapi, Jemesapi, Jonepi, Andruapi dutupame elyakalao baa tipa pyoo,

Make 14:13

Dopa leaminopa, baanya disaipolo dupanya lapoma pena latala lamaiyoo, “Nyakamba siti dokonya pupape. Patambinopa endaki kamuu singi akali mendeme nyakamba kandanyalapomona, doko watao pupape.

Make 6:7

Mana lamaitala, Jisasame 12 aposole dutupa epena latala, dutupame imambu koo dupa watao pina lao kyeto maitala, dutupa lapo-lapo lao tee pyao pena lea.

Jone 8:1

Endakali dupa peaminopa Jisasa baa Olipimanda pea.

Aposole 1:12

Dopa lateambinopa dokaita Olipimanda lenge dokonya katao Jerusalema pilyiami. Olipimanda doko Jerusalema tengesa singi. Olipimanda pituu Jerusalema pupenge doko, Sambatanya kaita paena lapae singi dopale.