Luku 4:8 - Enga Niu Tesamene

⁸ Dopa leamopa Jisasame baanya pii yanu pyakamaiyoo, “Gotenya pii dokonya dapa lao pepa pyapae silyamo: ‘Embanya Kamongo Gote doko embame mambo pyao, baanya iki kalai pyakamaiyoo katape’ lapae silyamona, Satane, embame namba yakinatala puu” lea.

Luku 4:8 Iomraidhean Croise

Matyu 16:23

Dopa leamopa Jisasa kandapilyetala Pita lamaiyoo, “Satane, embame Gotenya masingili pyoo nalenya, endakalinya masingili pyoo lelyeno dokome nambanya kaita lyokekelyenona, embame namba yakinatala puu” lea.

Matyu 4:10

Dopa leamopa Jisasame baa lamaiyoo, “Gotenya pii dokonya dapa lao pepa pyapae silyamo: ‘Embanya Kamongo Gote doko embame mambo pyao, baanya iki kalai pyakamaiyoo katape’ lapae silyamona, Satane, embame namba yakinatala puu” lea.

Luku 4:4

Dopa leamopa Jisasame baanya pii yanu pyakamaiyoo, “ ‘Breta nenge dokonya-kaita iki endakali dupa saka nakatenge. Gotenya pii dupa pitakanya-kaita endakali dupa saka katengena’ lao pepa pyapae silyamona” lea.

Jemesa 4:7

Dopana, nyakama Gotenya pundipundi katapala, Satanenya kalai dupa daa lapape. Dopa lataminopa, Sataneme nyakama yakinatala paka pata.

1 Pita 5:9

Nyakama tanda nyilyamino dopaka pyoo, Kristene kaiminingi yuu dupa pitakanya kalyamino dupa tanda nyilyaminoakana lao masetala, nyakamame Jisasa kyeto joo tungi pyatala, Satane doko yanda pimaiyepape.

Revelesene 19:10

Dopa lateamopa, nambame baa mambo pyalanya baanya moko katea dosa luma lakapala langalu yuunya sio. Dokopa baame namba langyoo, “Embapi, Jisasa baa dokona lao, lao panenge embanya Kristene kaiminingipi, dupa naima kalai mendai pingina, embame namba mambo pyala naenya, Gote mambo pyaa” lea. Aipumape, Spirita dokome masepae mailyamopa, endakali dupame Jisasa baa dokona lao pii lao panengema.

Revelesene 22:9

enjele dokome namba langyoo, “Embapi, embanya kaiminingi propetapi, buku dakenya pii lapae wata-miningi endakalipi, dupa-pipa namba kalai mendai pingina, embame namba mambo pyala naenya, Gote mambo pyaa” lea.