Ibru 4:13 - Enga Niu Tesamene

¹³ Gotenya wasepae dupanya mendaipi mende baanya lengenya yalo petae nasingi. Baanya lengenya dupa pitaka panapae singi. Dopa pingi dokonya, naimame mana minatama dupa pitaka, dopa pyoo miniamana lao tanga Gote lamaitama.

Ibru 4:13 Iomraidhean Croise

Jone 2:24

Dopaka doko, Jisasame endakali dupa pitakanya masiami dupa kandatala, baame dupa tungi pyala naeya.

Jone 21:17

Dopa latala paa tepo pyoo baame Pita lamaiyoo, “Jona ikiningi Saimone, embame namba auu kaelyepe?” lea. “Embame namba auu kaelyepe?” lao paa tepo pyoo Jisasame tipa piamosa, Pita baa mona kenda kaeyapala Jisasa lamaiyoo, “Kamongo, embame dupa pitaka kandenge dokome, nambame emba kiningi auu kaelyopa embame kandengena” lea. Dokopa Jisasame baa lamaiyoo, “Embame nambanya sipisipi dupa nee maiyakape.

Jone 4:16

Dokopa Jisasame enda doko lamaiyoo, “Embanya akalingi doko epena lanyala puu” lea.

Aposole 17:31

Goteme gii setea dokonya, isa yuu dakenya endakali dupa pitaka mana tolatae dokome yapatana latala, akali mende makande latea. Akali doko Goteme kiningi makande leana lao endakali dupame masina latala baa malunya sakatasiana” lea.

1 Korina 4:5

Dopana, gii setapae doko ipa naeyatamopa, wambao nyakamame endakali yapala naenya, Kamongo ipupenge gii doko malisoo kalyepape. Iminjetaenya yalo petae singi dupa tii pipae dokonya baame panaseta. Endakali dupame mende pimana lao moname yalo pyoo masingima dupa baame panasetaka. Gii dokopa, endakali mendai-mendainya kenge andake doko Gote-kisa nyetami.

2 Korina 5:10

Naima yuu dakenya yonge katapae kalyamano dokopa, naima mendai-mendai dupame mana koopi epepi dupa minatamali pyoo yole nyepenge dokonya Kraisame naima yapena lao, naima pitaka baanya kote singi toko dokonya pao katapenge.

Revelesene 2:23

Dopa petala, enda dokonya wane dupa apata kumina lao nambame pyao kumasotoaka. Dopa pitopa, endakalinya monapi, masingipi dupa kandenge akali doko namba-lamo lao siosa dupa pitakame masetami. Dokopa nambame nyakama mendai-mendai lao kalai pitamili pyoo yole pito.