NUMBERS 28:24 - Edisana ñwed Abasi Ibom

²⁴ Ke ntem ke mbufo ediwa inuak-udia uwa ikaŋ, ke edinem utebe, enɔ Jehovah, kpukpru usen, ke ofuri usen mbitiaba: ewa enye ekɔrɔ ke nsinsi edifɔp uwa, ye ediŋwɔŋ uwa esie.

NUMBERS 28:24 Iomraidhean Croise

EXODUS 29:40

Ndien omer eti ndom-uyo kiet, eke etɔhɔde editim aran ke pint ye ubak, ye wine ke pint ye ubak, ke ediŋwɔŋ uwa, esaŋa ye eyen erɔŋ kiet.

EZEKIEL 45:23

Ndien ke ofuri usen usɔrɔ mbitiaba ke enye editim edifɔp uwa ɔnɔ Jehovah, enaŋ itiaba ye okukim itiaba eke efɔnde ema ke kpukpru usen mbitiaba kiet kiet; ye okpo ebot uwa idiɔk ido kpukpru usen.

LEVITICUS 3:11

Ndien oku edifɔp enye ke itie-uwa: udia eke efɔpde enɔ Jehovah.

NUMBERS 28:3

Nyuŋ dɔhɔ mmɔ, ete, Emi edi uwa ikaŋ eke mbufo ediwade enɔ Jehovah; nditɔ erɔŋ isua kiet kiet iba eke efɔnde ema, kpukpru usen, ke nsinsi edifɔp uwa.

MME HEBREW 10:11

Ke akpanikɔ kpukpru oku eda enam ŋkpɔ enɔ Abasi ke usen ke usen, enyuŋ ewak ndiwa oruk uwa kiet eke mikemeke ndimen mme idiɔk-ŋkpɔ mfep: