NUMBERS 19:9 - Edisana ñwed Abasi Ibom

⁹ Ndien yak owo emi edide edisana owobi ntɔŋ enaŋ oro, edinim ke edem nna ke ɔtɔ emi asanade, ndien yak ekpeme enye enɔ mbon esop nditɔ Israel ke eke mmɔŋ udarade ndek: enye edi uwa idiɔk ido.

NUMBERS 19:9 Iomraidhean Croise

LEVITICUS 15:20

Ndien ŋko kpukpru se enye adade ndek esie ana ke esit, edi edidehe: kpukpru se enye etiede ke esit, enyuŋ edehe ŋko-ŋko.

ZECHARIAH 13:1

KE usen oro idim eyesiaha ɔnɔ ufɔk David ye mme andiduŋ Jerusalem, ke eke idiɔk ido ye ke eke ndek.

NUMBERS 19:13

Owo ekededi eke otukde okpo owo eke akpade ndien miyetke idem esie, asabare iduŋ Jehovah: ndien mmɔ enyene ndisibe owo oro mfep ke otu Israel: koro mikesimeke enye mmɔŋ udarade ndek, enye eyedi edidehe; ndek esie osuk adiana enye ke idem.

NUMBERS 19:17

Ndien yak mmɔ eda ndusuk ntɔŋ enaŋ idiɔk-ŋkpɔ oro ekefɔpde, enɔ owo eke edehede, enyuŋ eda mmɔŋ idim esin ke esit ke usan;

NUMBERS 19:18

Ndien yak owo eke asanade ada hyssop, edebi ke mmɔŋ oro ndien ada osime ke tent oro, ye ke kpukpru usin-ŋkpɔ, ye mbio eke edude do, ke idem, ye owo eke otukde ɔkpɔ, mme owo oro ekewotde, mme akpa mkpa, mme udi:

NUMBERS 19:3

ndien mbufo eda enye enɔ Eleazar oku, ete ada enye ɔwɔrɔ aka edem nna, ndien owo kiet owot enye ke iso esie:

NUMBERS 19:8

Ndien yak andifɔp enye onyuŋ eyet edisine-ŋkpɔ esie, onyuŋ eyet obukidem esie ke mmɔŋ, ndien edidi edidehe tutu osim mbubreyo.

NUMBERS 6:12

Ndien yak enye adianare mme usen eridianare esie ɔnɔ Jehovah, onyuŋ ada eyen erɔŋ isua kiet edi ke uwa isop: edi mme usen edem etak, koro eridianare esie akabiarade.

NUMBERS 8:7

Ndien ntem ke afo edinam ye mmɔ, ke erinam mmɔ esana: da mmɔŋ idiɔk ido sime mmɔ ke idem, yak mmɔ enyuŋ ekporo ofuri idem mmɔ, enyuŋ eyet edisine-ŋkpɔ mmɔ, ndien ntem ke mmɔ edinam idem mmɔ esana.

NUMBERS 9:13

Edi ama edi owo eke asanade, minyuŋ ikaha idut, ndien etre ndinim passover, yak mmɔ esibe ukpɔŋ oro ke mbio-obio mmɔ efep: owo oro enyene ndibiom idiɔk ido esie, koro enye mikadaha enɔ Jehovah idi ke ekem ini esie.

2 ŊWED CORINTH 5:21

Abasi akanam Enye emi mikɔfiɔkke idiɔk-ŋkpɔ akabare edi idiɔk-ŋkpɔ ke ntak nnyin; man nnyin ikabare idi edinen ido Abasi ke Enye.

2 ŊWED CORINTH 7:1

SIA nnyin imenyene mme uŋwɔŋɔ emi, ndima mi, eyak nnyin iyet kpukpru se isabarede obukidem ye spirit ifep ke idem nyin, inam nti ido nnyin efɔn ema ke eribak Abasi.

MME HEBREW 7:26

Emi edi oruk Akwa Oku emi ekemde ye nnyin, emi asanade, minyeneke ŋkari, minyuŋ iduehe, emi misaŋake ye mme anam-idiɔk, emi ema enyuŋ emen enim okoŋ akan mme heaven;

MME HEBREW 9:13

Koro edieke iyip ebot ye eke nyara enaŋ, ye ntɔŋ abak enaŋ edade esime mmɔ emi edehede, anamde mmɔ esana ke obukidem;