NUMBERS 11:31 - Edisana ñwed Abasi Ibom

³¹ Ekem ofum oto Jehovah, ada ikukpa ke edem inyaŋ, ayak mmɔ ɔduɔŋɔ ke nna, osim isaŋ usen kiet ke edem emi, onyuŋ osim isaŋ usen kiet ke edem oko, akan nna okuk, ndien mmɔ ena ke isɔŋ nte afara kiet.

NUMBERS 11:31 Iomraidhean Croise

ŊWED MME PSALM 105:40

Mmɔ ebeŋe, ndien enye ada nduduɔk edi, onyuŋ ɔnɔ mmɔ udia heaven eyuhɔ.

ŊWED MME PSALM 106:15

Ndien enye ɔnɔ mmɔ se eyomde; edi esin mmɔ ndiɔkidem ke ukpɔŋ.

ŊWED MME PSALM 135:7

Enye anam ntuhube adaha ke mme utit ererimbot ɔdɔk; anam obuma ɔnɔ edim; osio ofum ke ŋkpɔ-uto esie ada edi.

EXODUS 10:13

Ndien Moses anyan esaŋ esie ke isɔŋ Egypt, ndien Jehovah anam ofim ikɔrabak abara ke isɔŋ ke ofuri uwemeyo oro, ye ke ofuri okoneyo; ndien ke adaŋemi eyo esierede, ikɔrabak ada ŋkukuŋkpɔyɔriyɔ edi.

EXODUS 10:19

Ndien Jehovah anam ata ɔkpɔsɔŋ ofim oto ke edem usop utin ɔwɔŋɔre, emen ŋkukuŋkppɔyɔriyɔ ɔduɔk ke Ididuot Inyaŋ; baba ŋkukuŋkpɔyɔriyɔ kiet isuhɔke ke ofuri adaŋa Egypt.

EXODUS 15:10

Afo okofri ibifik fo; inyaŋ ofuk mmɔ; mmɔ edeŋ nte ŋket ke mkpɔsɔŋ mmɔŋ.

EXODUS 16:13

Edikem ke mbubreyo, ndien ikukpa ɔdɔk edifuk nna mmɔ: ndien ke usenubɔk mbara ana akan nna okuk.

NUMBERS 11:30

Ndien Moses ɔnyɔŋ ke nna, ye mbiowo Israel ŋko.