NUMBERS 10:32 - Edisana ñwed Abasi Ibom

³² Ama ekem, ke afo asaŋade ye nnyin, nnyin iyeda mfɔn emi Jehovah edifɔnde ye nnyin, ifɔn ye afo ŋko.

NUMBERS 10:32 Iomraidhean Croise

LEVITICUS 19:34

Ebat esen eke oduŋde ye mbufo nte amana ke otu mbufo, nyuŋ ma enye nte idem fo: koro mbufo ekedide isen ke isɔŋ Egypt: ami ndi Jehovah Abasi mbufo.

DEUTERONOMY 10:18

emi ekpede edinen ikpe ɔnɔ eyen-akpa ye ebe-akpa, onyuŋ amade esen owo, ɔnɔ enye udia ye edisine-ŋkpɔ.

1 JOHN 1:3

se nnyin ikokutde inyuŋ ikopde, ke nnyin isian mbufo, man mbufo nde eduk nduk ye nnyin; ndien ke akpanikɔ nnyin iduk nduk ye Ete, ye Eyen Esie Jesus Christ;

JUDGES 1:16

Ekem, nditɔ mme Kenite, ukot Moses, eto ke obio eyop, esaŋa ye nditɔ Judah edɔk eka ke wilderness Judah, emi anade ke edem usuk-usuk Arad; ndien mmɔ eka ekeduŋ ye mbio oro.

JUDGES 4:11

Ndien Heber Kenite ama adianare ye mme Kenite (eken), nditɔ Hobab, ukot Moses; ndien enye owuk tent esie ke ɔtɔ ofriyo ke Zaanannim, emi ekperede Kedesh.

1 SAMUEL 14:6

Ndien Jonathan ɔdɔhɔ akparawa oro obiomde ŋkpɔ-ekɔŋ esie, ete, Di, yak nnyin ibe ika ke itie mbon-ekɔŋ mme edut emi: ndusuk Jehovah eyenam ŋkpɔ ɔnɔ nnyin: koro ŋkpɔ baba kiet mikpanke Jehovah ndida uwak mme esisit nnyaŋa.