MATTHEW 5:15 - Edisana ñwed Abasi Ibom

¹⁵ Owo inyuŋ idomoke utuenikaŋ ida abaŋ ifuk, edi owuk ke uwuk-utuenikaŋ; ntem ke uŋwana ayama ɔnɔ kpukpru owo eke edude ke ufɔk.

MATTHEW 5:15 Iomraidhean Croise

EXODUS 25:37

Nyuŋ nam utuenikaŋ esie itiaba; ndien domo mme utuenikaŋ esie, man eŋwaŋa edem emi asakde iso ese enye.

ZECHARIAH 4:2

Ndien enye obup mi, ete, Afo omokut nso ŋkpɔ? Ndien ami ndɔhɔ nte, Mmokut, ndien, sese, uwuk-utuenikaŋ eke enamde ofuri ke gold, ye bowl esie ke ibuot esie, utuenikaŋ itiaba esie enyuŋ edoro enye; mme utuenikaŋ emi edoro enye enyuŋ enyene ekwa itiaba itiaba;

NUMBERS 8:2

Ke adaŋemi afo odomode mme utuenikaŋ, mme utuenikaŋ itiaba oro eyeŋwaŋa edem emi asakde iso ese uwuk utuenikaŋ.

MARK 4:21

Ekem Enye ɔdɔhɔ mmɔ ete, Nte eda utuenikaŋ edi, man emen enim ke idak abaŋ, me ke idak mkpana ekunyuŋ ewuk ke uwukutuenikaŋ?

LUKE 11:33

Baba owo kiet idomoke utuen-ikaŋ, inim ke ubet-unim-ŋkpɔ mme ke idak abaŋ, edi ɔdiɔk ke uwuk-utuenikaŋ, man mmɔ emi edukde ekut uŋwana.

LUKE 11:36

Edi edieke ofuri idem fo ɔyɔhɔde ye uŋwana baba ŋkim-ŋkim ubak kiet minyuŋ iduhe ke esit, enye eyeyama ofuri-ofuri, kpa nte emi utuen-ikaŋ ayamade ɔnɔ fi uŋwana.

LUKE 8:16

Owo baba kiet, ke ini odomode utuenikaŋ, idaha ŋkpɔ ifuk, inyuŋ inimke enye ke idak mkpana: edi owuk enye ke enyɔŋ uwuk-utuenikaŋ: man mmɔ emi edukde ke ubet ekut uŋwana.

ŊWED MBON PHILIPPI 2:15

man mbufo ekunyene ubiom-ikpe, ekunyuŋ enyene ndudue, edi edi nditɔ Abasi eke enanade ndo ke ufɔt ŋkwakwaŋa ye idiɔk emana; emi mbufo ke eyayama ke otu mmɔ nte ntantafiɔŋ ke ererimbot,

MME HEBREW 9:2

Koro ekewuk Ataya, akpa Ataya, emi uwuk-utuenikaŋ, ye okpokoro, ye uyo-iso-Abasi edude ke esit: emi ekerede Edisana Ebiet.

ERIYARARE 2:5

Mmɔdo ti itie emi ɔkɔduɔde ɔkpɔŋ, nyuŋ kabare esit, nyuŋ nam se akanamde ke akpa; midige ntre, mmɔŋ ndi ke ɔtɔ fo, nyenyuŋ mmen udiɔk-utuenikaŋ mfep ke itie esie, ke afo mukabakere esit.