MATTHEW 4:3 - Edisana ñwed Abasi Ibom

³ Ndien andidomo edi edidɔhɔ Enye ete, Edieke Afo edide Eyen Abasi, wuk mme itiat emi ekabare edi uyo.

MATTHEW 4:3 Iomraidhean Croise

EXODUS 16:3

nditɔ Israel enyuŋ edɔhɔ mmɔ ete, Akpakam ɔfɔn nnyin ndikpa ke ubɔk Jehovah ke isɔŋ Egypt, ke nnyin iketiede ke ɔtɔ eso unam, inyuŋ idiade udia iyuhɔ! koro mbufo emeda nnyin edi ke wilderness emi, ndiwot ofuri udim owo emi ke biɔŋ.

MATTHEW 14:33

Edi mmɔ emi edude ke ubom etuak ibuot enɔ enye, ete, Ke akpanikɔ Afo edi Eyen Abasi.

MATTHEW 16:16

Simon Peter ɔbɔrɔ Enye ete, Afo edi Christ, Eyen Abasi uwem.

MATTHEW 26:63

Edi Jesus isioroke uyo. Ntre ke akwa oku ɔdɔhɔ Enye ete, Mmowuk Fi ke enyiŋ Abasi emi odude uwem, nte, asian nnyin me Afo edi Christ, Eyen Abasi.

MATTHEW 3:17

ndien sese, uyo oto ke enyɔŋ ɔdɔhɔ ete, Emi edi edima Eyen Mi, emi esit enemde Mi eti-eti ye Enye.

MARK 1:1

ERITƆŊƆ gospel Jesus Christ, Eyen Abasi.

MARK 3:11

Ndien ini ekededi eke ndidehe spirit ekutde Enye, mmɔ eduɔ Enye ke iso, enyuŋ efiori ete, Afo edi Eyen Abasi.

MARK 5:7

onyuŋ ofiori ke okpɔsɔŋ uyo ete, Nsaŋa nso ye Afo, Jesus, Eyen Abasi Ibom? Mmɔsɔŋɔ ŋwuk Fi ke enyiŋ Abasi, nte, Kutuhɔre mi.

LUKE 1:35

Ndien angel ɔbɔrɔ enye ete, Edisana Spirit eyedoro fi ke idem, odudu Andikoŋ-ŋkan eyeyuŋ ofuk fi: mmɔdo se idimanade eyekere Edisana, Eyen Abasi.

LUKE 22:70

Ndien mmɔ kpukpru ete, Nte Afo edi Enye Abasi naŋa? Enye ete mmɔ, mbufo emetim etiŋ ete ndi Enye.

LUKE 4:3

Edi satan ɔdɔhɔ Enye ete, Edieke Afo edide Eyen Abasi, wuk itiat emi akabare edi uyo.

LUKE 4:41

Demon enyuŋ ewɔŋɔ ediwak owo ke idem, efiori ete, Afo edi Eyen Abasi. Edi Enye asua ɔnɔ mmɔ iyakke mmɔ esioro uyo; koro mmɔ efiɔkde ete Enye edi Christ.

LUKE 4:9

Ekem Satan ada Enye oduk ke Jerusalem, odori Enye ke edikoŋ ebiet temple, onyuŋ ɔdɔhɔ Enye ete, Edieke Afo edide Eyen Abasi, sio Idem Fo mi duɔk ke isɔŋ,

JOHN 1:34

Ami mma nnyuŋ ŋkut, nnyuŋ ntie ntiense nte, Emi edi Eyen Abasi.

JOHN 1:49

Nathanael ɔbɔrɔ Enye ete, Rabbi, Afo edi Eyen Abasi; Afo edi Edidem Israel.

JOHN 20:31

Edi ewet mmɔ emi, man mbufo enim ke akpanikɔ ete Jesus edi Christ, Eyen Abasi; man ke erinim ke akpanikɔ, mbufo ekpenyene uwem ke enyiŋ Esie.

JOHN 9:35

Jesus okop ete mmɔ ema ebin owo oro. Ntre ke ini Jesus okutde enye, Enye ete, Nte afo ɔmɔbuɔtidem ye Eyen Abasi?

UTOM MME APOSTLE 9:20

Ndien kpa idaha oro enye ɔkwɔrɔ Jesus ke mme synagogue ete, Enye edi Eyen Abasi.

2 ŊWED CORINTH 1:19

Koro Eyen Abasi, Jesus Christ, emi nnyin, kpa ami ye Silvanus ye Timothy, ikɔkwɔrɔde ke otu mbufo, idige “Edi ntre, mme, Idige ntre”; edi ke Enye ke Abasi etiŋ ete, “Edi ntre” (anam gospel ɔsɔŋɔ ada).

ŊWED MBON GALATIA 2:20

Ema ewot mi ke cross ye Christ; edi ke ndodu uwem; edi idige aba ami ke idem mi ke ndu uwem, edi Christ ke odu uwem ke esit mi. Ndien uwem eke ndude ke obukidem ke emi, ke ndu ke mbuɔtidem, kpa mbuɔtidem eke nnyenede ye Eyen Abasi, emi akamade mi, okonyuŋ ayakde Idem Esie ɔnɔ abaŋa mi.

1 ŊWED THESSALONICA 3:5

Ke ntak emi ami ŋko ŋkekemeke ndime ime aba, nsio owo ndɔŋ, man mfiɔk mbaŋa mbuɔtidem mbufo, mbak ke usuŋ ekededi andidomo ama odomo mbufo, okpɔsɔŋ utom nnyin okponyuŋ ɔwɔrɔ ikpikpu.

MME HEBREW 12:16

mbak owo use edidu ke otu mbufo, mme oburobut owo nte Esau, emi akanyamde itie-akpan esie ke ekpri esisit udia.

MME HEBREW 4:14

Sia nnyin inyenede ndien ata akamba Akwa oku, emi ama asaŋa ke mme heaven ebe, kpa Jesus Eyen Abasi, eyak nnyin idɔdiɔŋ isɔŋɔ inyime ite idi ikɔt Esie.

MME HEBREW 7:3

Edidem emem; enye inyeneke ete, inyuŋ inyeneke eka, inyuŋ inyeneke oruk iman, inyuŋ inyeneke eritɔŋɔ eyo uwem ye utit uwem, edi enam enye ebiet Eyen Abasi) - osuk ada oku ke nsinsi.

1 JOHN 3:8

owo eke anamde idiɔk-ŋkpɔ edi eke Satan, koro Satan ananam idiɔk-ŋkpɔ toto ke eritɔŋɔ. Ema esio Eyen Abasi enim ke ntak emi, man Enye akpabiat utom Satan.

ERIYARARE 2:10

Kunyene ndik ubaŋa ukut eke ɔmɔŋ edisim fi. Sese, Satan ɔmɔŋ edisin ndusuk mbufo ke ufɔk-ŋkpɔkɔbi, man edomo mbufo ese, ndien mbufo eyekut ukut ke usen duop. Wut idem nte anam-akpanikɔ tutu osim mkpa, ndien nyenɔ fi anyanya uwem.