MATTHEW 13:15 - Edisana ñwed Abasi Ibom

¹⁵ Koro esit mbon emi ama akabare odobi, Utɔŋ mmɔ onyuŋ ɔsɔŋ ndikop ikɔ, Mmɔ enyuŋ ebɔp enyin; Mbak mmɔ edida enyin mmɔ ekut usuŋ, Enyuŋ eda utɔŋ mmɔ ekop ikɔ, Enyuŋ eda esit mmɔ efiɔk ŋkpɔ, Enyuŋ etɔŋɔ ntak ekabare, Ndien Ami nnam udɔŋɔ okure mmɔ.

MATTHEW 13:15 Iomraidhean Croise

ŊWED MME PSALM 119:70

Esit mmɔ etie nte ikpɔŋ unam: ido fo enem mi esit.

MME ŊKE 16:30

Owo oro ɔbɔp enyin esie man ekere ibak: ofip mkpɔk-inua esie, anam idiɔk ŋkpɔ ama.

ISAIAH 44:20

Enye adia ntɔŋ: esit abiaŋa anam enye awaha, ndien enye ikemeke ndinyaŋa ukpɔŋ esiemɔ, idinyuŋ idɔhɔke, ite, Nte nsu iduhe mi ke ubɔk nnasia?

ISAIAH 57:18

Mmokut ido esie, ndien nyekɔk enye: nnyuŋ nda enye usuŋ, nnyuŋ nda emem nnɔ enye ye nditɔ esie emi etuaŋade.

ISAIAH 6:10

Nam esit mbio emi odobi, nyuŋ nam utɔŋ odobi mmɔ, nyuŋ tibi mmɔ enyin: mbak mmɔ edikut ke enyin mmɔ, edinyuŋ ekop ke utɔŋ mmɔ, enyuŋ etim efiɔk ŋkpɔ ke esit mmɔ, enyuŋ ekabare, ndien ekɔk mmɔ. Ndien ndɔhɔ nte, Ɔbɔŋ adaŋa didie?

JEREMIAH 17:14

Nam udɔŋɔ okure mi, O Jehovah, ndien udɔŋɔ eyekure mi; nyaŋa mi, ndien nyedu ke ifure: koro afo edide itoro mi.

JEREMIAH 17:9

Esit abiaŋa kpukpru ŋkpɔ, onyuŋ abiara fap; anie edikeme ndifiɔk enye?

JEREMIAH 3:22

Mbufo nditɔ mfiakedem efiak edi, ndien ami nyekɔk mfiakedem mbufo. “Sese, nnyin itiene fi, koro afo edide Jehovah Abasi nnyin.

JEREMIAH 33:6

Sese, ami nyeda ibɔk ukure unan ndian enye, nyenyuŋ ŋkɔk mmɔ, nnyuŋ nyarare uwak emem ye akpanikɔ nnɔ mmɔ.

HOSEA 14:4

Nyenam mfiak-edem mmɔ okure; nyeda ima-esit mma mmɔ; koro iyaresit mi amakabare ɔkpɔŋ mmɔ.

ZECHARIAH 7:11

Ndien mmɔ inyimeke ndikpaŋ utɔŋ, edi ekpa edem, enyuŋ esɔŋ ibuot, enyuŋ enam utɔŋ mmɔ edobi, man ekukop.

MALACHI 4:2

Ndien utin edinen ido asiaha ɔnɔ mmɔ: se inamde itɔŋ uwem ɔsɔŋɔ onyuŋ odu enye ke mba; ndien mbufo eyewɔŋɔ ekefrɔ nte nditɔ-enaŋ ŋkuhɔ.

MARK 4:12

man mmɔ esuk ese ŋkpɔ, edi ekukut; enyuŋ esuk ekop ŋko, edi ekufiɔk; mbak mmɔ edikabare, ndien edahado enɔ mmɔ.

LUKE 19:42

Afo ke idem fo akpakam ɔfiɔk ke usen emi mme ŋkpɔ eke ekpanamde fi odu ke emem! Edi ke emi mmɔ emedibe fi ke enyin.

UTOM MME APOSTLE 28:27

Koro esit mmɔ emi amakabare odobi, Utɔŋ onyuŋ odobi mmɔ ndikop ikɔ, Mmɔ emenyuŋ ebɔp enyin; Mbak mmɔ edida enyin mmɔ ekut usuŋ, Eda utɔŋ mmɔ ekop ikɔ, Enyuŋ eda esit mmɔ efiɔk ŋkpɔ enyuŋ ekabare, Ndien Ami ŋkɔk mmɔ.

UTOM MME APOSTLE 3:19

Ekabare esit ndien, enyuŋ efiak edem, man esɔhi mme idiɔk-ŋkpɔ mbufo efep; man oto do ini eridemere edito ke iso Jehovah osim mbufo;

UTOM MME APOSTLE 7:57

Edi mmɔ efiori ke ɔkpɔsɔŋ uyo, esiri utɔŋ, ebumere ye esit kiet ekefuk enye;

2 ŊWED TIMOTHY 4:4

eyenyuŋ esio utɔŋ efep ke akpanikɔ, enyuŋ ewɔŋɔre ebine ikpikpu mbuk.

MME HEBREW 5:11

Nnyin imenyene ediwak ikɔ nditiŋ mbaŋa ŋkpɔ emi, eke esɔŋde ndisiak, sia utɔŋ mbufo ema ekabare edobi.

ERIYARARE 22:2

Eto uwem ada ke ŋkaŋ akpa emi ye ke ŋkaŋ oko, oŋwum oruk mfri duopeba, oŋwum mfri esie ke ɔfiɔŋ ke ɔfiɔŋ, enyuŋ eda ikɔŋ eto oro ekɔk mme idut udɔŋɔ.