LUKE 7:41 - Edisana ñwed Abasi Ibom

⁴¹ Enye ete, Andikpep, tiŋ. Jesus ete, Ɔbuɔt ebuɔt ekenyene owo isɔn iba: kiet akama enye pound aba ye duop, enye eken akama pound ition.

LUKE 7:41 Iomraidhean Croise

ISAIAH 50:1

NTEM ke Jehovah ɔdɔhɔ, ete, enye ŋwed usio-ndɔ eka mbufo emi ŋkebinde mfep? Mme anie ke otu mmɔ emi ŋkamade mmɔ isɔn ke ŋkanyam mbufo nnɔ? Sese, ekenyam mbufo ebaŋa mme idiɔk ido mbufo, ekenyuŋ ebin eka mbufo efep ebaŋa mme oburobut ido mbufo.

JEREMIAH 3:11

Ndien Jehovah ɔdɔhɔ mi, ete, Israel ama-mfiakedem ama akaŋ idem esie akan Judah ama-nsu.

NUMBERS 27:3

Ete nnyin akakpa ke wilderness, ndien enye ikoduhe ke udim mmɔ emi ekesopde enam ikɔ ye Jehovah ke udim Korah; edi enye ekekpa ke idiɔk ido esiemɔ, inyuŋ inyeneke nditɔ-iren.

MATTHEW 18:28

Edi owo oro adaha ɔwɔrɔ onyuŋ okut eyen-ufɔk ete esie kiet, emi akamade enye okuk ikie; onyuŋ omum enye, efik enye itɔŋ, ete, Sio se akamade mi.

MATTHEW 6:12

Nyuŋ dahado ke isɔn eke ikamade Fi, nte emi nnyin ikadahadedo inɔ mmɔ emi ekamade nnyin isɔn;

MARK 6:37

Edi Enye ɔbɔrɔ mmɔ ete, Mbufo enɔ mmɔ ŋkpɔ edia. Mmɔ edɔhɔ Enye ete, nte nnyin idika ikedep uyo ke okuk ikie iba inɔ mmɔ edia?

LUKE 11:4

Koro nnyin ke idem nnyin idahadedo inɔ kpukpru owo emi ekamade nnyin isɔn. Kunyuŋ uda nnyin usin ke idomo.

LUKE 12:48

ndien anamde ŋkpɔ eke edotde ufen, eyemia enye ubɔk eke miwakke. Ndien owo ekededi eke enɔde enye ediwak ŋkpɔ, ke ediyom ediwak ŋkpɔ ke ubɔk esie: kpa ntre ŋko owo eke eyakde ediwak ŋkpɔ enɔ enye, ke ubɔk esie ke edibup se iwakde ikan.

LUKE 13:4

Ŋko-ŋko owo efureta emi tower Siloam ɔkɔduɔde ɔtɔ mmɔ owot, nte mbufo ese ete mmɔ edi mme abiat-ibet ekan kpukpru mme andiduŋ ke Jerusalem?

LUKE 7:40

Ndien Jesus ɔbɔrɔ enye ete, Simon, mmenyene ŋkpɔ nditiŋ nnɔ fi.

LUKE 7:47

Mmɔdo ndɔhɔ fi nte, Emefen enye ediwak idiɔk ŋkpɔ, koro ima esie okpon: edi owo eke efende enye esisit inyeneke akpan ima.

ŊWED MBON ROME 3:23

koro kpukpru owo ema enam idiɔk-ŋkpɔ, enyuŋ etaba ubɔŋ Abasi.

ŊWED MBON ROME 5:20

Edi ibet oduk edi man ndudue ewak ekan: edi ɔtɔ nte idiɔk-ŋkpɔ awakde, mfɔn ɔdɔdiɔŋ awak do akan: