LUKE 7:22 - Edisana ñwed Abasi Ibom

²² Ndien Enye ɔbɔrɔ mme isuŋutom oro ete, Eka ekobuk enɔ John se mbufo ekekutde enyuŋ ekopde; ete, mme nnan ekut usuŋ, mbon mbuŋɔ esaŋa, enam mbon akpa-mfia esana, mme inan ekop ikɔ, enam mme akpa-mkpa eset, enyuŋ ekwɔrɔ eti mbuk idaresit enɔ mme ubuene.

LUKE 7:22 Iomraidhean Croise

ŊWED JOB 29:15

Ndi enyin mbon nnan, ami nnyuŋ ndi ukot mbuŋɔ.

ŊWED MME PSALM 146:8

Jehovah atat mbon nnanenyin: Jehovah emenere mmɔ eke enu-hɔde: Jehovah ama mbon edinen ido:

ISAIAH 42:16

Ndien nyenam mme nnan esaŋa ke usuŋ eke mmɔ mifiɔkke; nnyuŋ nnam mmɔ edigi ke ɔkpɔ-usuŋ eke mmɔ mifiɔkke: nnyuŋ nnim ekim ke uŋwana, ye mme ŋkwaŋa ŋkpɔ ke se inende. Mmɔ emi edi ŋkpɔ eke ndinamde nnɔ mmɔ nnyuŋ ŋkpɔŋke mmɔ.

ISAIAH 43:8

Sio mbon nnan, ndien mmɔ enyene enyin; sio mbon-inan, ndien mmɔ enyene utɔŋ.

JEREMIAH 31:8

Sese, ami nyeda mmɔ ke edem edere ndi, nnyuŋ ntaŋ mmɔ ke ŋkaŋ ererimbot mbon, nnan, ye mbuŋɔ, ye oyomo idibi, ye aŋwan uman ɔtɔ kiet: akwa udim eyefiak edi ken.

ZEPHANIAH 3:12

Nyenyuŋ nsuhɔ mbio unana ye nditɔ ubuene ke ufɔt mbufo, ndien mmɔ eyebuɔt idem ke enyiŋ Jehovah.

MATTHEW 11:5

mme nnan ekut usuŋ, mbon mbuŋɔ esana, enam mbon akpa-mfia esana, mme inan ekop ikɔ, enam mme akpa-mkpa eset, enyuŋ ekwɔrɔ eti mbuk enɔ mme ubuene.

MATTHEW 21:14

Ndien mme nnan ye mme mbuŋɔ etiene Enye ke temple: ndien Enye anam udɔŋɔ mmɔ okure.

LUKE 4:18

Spirit Jehovah odoro Mi ke idem, Koro Enye emeyet Mi aran onim, ete, ŋkwɔrɔ eti mbuk nnɔ nditɔ-ubuene: Enye ɔmɔdɔŋ Mi, ete, ŋkwɔrɔ uwɔrɔ-ufin nnɔ mbuotekɔŋ, Nnyuŋ ŋkwɔrɔ erikut usuŋ nnɔ mme nnan, Nnyuŋ nsana mmɔ emi efikde nyak,

LUKE 7:21

Ke ini oro Jesus anam udɔŋɔ ye ubiak ye ndiɔi spirit ekure ediwak owo; onyuŋ anam ediwak nnan ekut usuŋ.

LUKE 7:23

Ndien ɔfɔfɔn ye owo ekededi eke midikwe ntak iduɔ ye Ami.

JOHN 1:46

Nathanael ete enye, Nte baba eti ŋkpɔ ekeme ndito ke Nazareth? Philip ete enye, Di dise.

UTOM MME APOSTLE 26:18

nte atat mmɔ enyin, man mmɔ ekabare ewɔŋɔ ke ekim, eduk ke uŋwana, ekpɔŋ odudu Satan, etiene Abasi, man mmɔ ebɔ erifen mme idiɔk-ŋkpɔ ye udeme ke otu mmɔ emi enamde mmɔ esana oto ke mbuɔtidem mmɔ ye ami.

UTOM MME APOSTLE 8:7

Koro ndidehe spirit efiori ke ɔkpɔsɔŋ uyo ewɔŋɔ ekpɔŋ ediwak owo emi enyenede mmɔ: ediwak mmɔ eke edɔŋɔde akpa-ubeŋ, ye mmɔ eke edide mbuŋɔ, enyuŋ ekop nsɔŋidem.

JAMES 2:5

Ekop, ndima nditɔ-ete mi; nte Abasi ikemekke mmɔ emi ebuenede ke ŋkpɔ ererimbot emi, ite mmɔ eforo ke mbuɔtidem, enyuŋ enyene Obio Ubɔŋ emi Enye ɔkɔŋwɔŋɔde ndinɔ mmɔ emi emade Enye?